Markus 2:8 - Hdi

⁸ Snaŋta Yesu ta tsa skwi ta mnə həŋ ma ghəŋa taŋ ya nda ma sulkuma vgha ni, kaʼa nda həŋ mantsa: « Nu ta kəl kuni ka ndanu manda na na?

Markus 2:8 Mawu Ofanana

1Rus 29:17

Nda sna yu, Lazglafta ɗa kazlay na ta nghadam ngha kagha ta ŋuɗufa mndu, zɗəgagha zɗa mndu ta nzakw tɗukwa kəʼa. Guli ná, magaghaf maga yu ta na mbəhu nda ɗvay na, nda ŋuɗuf tɗukwa. Ta nghay yu ndanana nda rfu ta mnduha gha hadna ta vla mbəhu ŋa gha nda ɗvay taŋ.

Mata 12:15

Tsatsafta *Yesu ta tsa ndana taŋ ya, ka sliʼaftá tsi ma tsa vli ya, ka laghu. Ka sliʼaftá dəmga guli ka laghu mista ni, ka mba mbə tsi ta inda gwal ma ɗaŋwa.

Mata 16:7

« Tsəna kwala mu kul klaftá skwa zay na ya kəl tsi ka mnay mantsa, » ka duhwalha ni ta ndanay ma ghəŋa taŋ.

Mata 9:4

Nghadapta Yesu ta skwi ta ndanu həŋ, kaʼa mantsa: « Kabgawu ta kəl kuni ka ndana tsa ghwaɗaka ndanu ya na?

Markus 2:7

« Nu ta kəl na mndu na ka kwara kwara manda na na! Wa ta laviŋtá pla dmakwa mndu ta ghəŋa Lazglafta turtukwa ni na? » ka həŋ.

Markus 2:9

Ta grə kuni ná, mal blakwa mnay ŋa na mndu nda rwa səla ni na kazlay: Nda pla dmakwa gha kəʼa re, ari mal blakwa mnay ŋa ni kazlay: Sliʼaf sliʼa, kla ta skwa hana gha ka sliʼa ka kəʼa na?

Markus 7:21

kabga ma ŋuɗufa mndu ta sliʼagabta ghwaɗaka ndanuha, nda sliʼiŋsliʼiŋ, nda ghali, nda psla mnduha,

Lukwa 24:38

Ka Yesu nda həŋ mantsa: « Nya ta ghudza kaghuni na? Nya ta kəl kuni ka dga ghəŋ?

Lukwa 5:22

« Ndanawu mndəra na ta ndanu kuni ɓa! ka Yesu nda həŋ, kabga nda sna tsatsi ta ndana taŋ.

Lukwa 6:8

Tsaw nda sna Yesu ta ndana taŋ. Kaʼa mantsa: « Sliʼaf sliʼa gra, ka sagha ka sladata ta nghay mnduha, » kaʼa nda tsa mndu nda mta dzva ni ya. Ka sliʼaftá tsa mndu ya ka sladata.

Yuhwana 21:17

« Simuŋ zwaŋa Yuhwana! Ta ɗvay ka ta iʼi? » kaʼa nda tsi ka mahkən. Ka kuzlanaftá tsi ta Piyer ta ŋuɗuf na tsa ɗaway Yesu ka mahkən kazlay: Ta ɗvay ka ta iʼi ra kəʼa ya. « Mghama ɗa, nda sna kagha ta inda skwi, nda sna kagha guli kazlay: Ta ɗvay yu ta kagha kəʼa, » kaʼa nda tsi. « Ka ngha ka ta tuwakha ɗa, » ka Yesu nda tsi.

Yuhwana 6:64

Tsaw mataba ghuni ná, mamu sanlaha kul zlghafta ɗekɗek, » ka Yesu nda həŋ. Tsaw nda sna Yesu daga zlrafta ni ta gwal kul zlghafta ɗekɗek, nda mndu ya dzaʼa skwapta tani.

Slna gwal ghunay 5:3

Ka *Piyer nda tsi mantsa: « Ari Hananiya, kabgawu kəl ká ka zlanaŋtá ŋuɗufa gha ta halaway, ka tsakalanatá wi ta Sulkum nda ghuɓa, ka ɗifanaghutá tseda tsa vwah skwap ka ya na?

Slna gwal ghunay 8:22

Vziŋ vza ta tsa ghwaɗaka ndana gha ya, ka ɗawa ka da Mgham ta plighistani ta dmakwa tsa ndana gha ya, ka dzaʼa magaku tsi.

Hebru 4:13

Haɗ sana skwi ta ɗifaghuta ta wa ira Lazglafta wa. Nziɗiɗ həŋ demdem ta wa ira ni. Nda ngha ira ni ta inda skwi demdem. Dzaʼa mnay mu ta inda skwi ta kəma ni.

Suna Yuhwana 2:23

Ta ghəŋa tsaya guli, dzaʼa rwana rwa yu ta zwana ni. Tsaya dzaʼa kəl Igliz ka snaŋta kazlay: Iʼi mnda tsatsafta skwi ma ndana mndu, nda skwi ma ŋuɗufa mndu tani kəʼa. Taɓ ta slna ya maga mndu dzaʼa planamta yu ta mndu guli.