Markus 10:1 - Hdi

¹ Tahula tsa, ka sliʼaftá i *Yesu nda duhwalha ni hada ka laghwi ta haɗika Zudiya nda təv drəfa *Yardeŋ. Ka tskəgladaghatá mnduha ta vgha ta vata ni. Ka nzəglatá tsi ka tagha skwi ŋa taŋ manda ya snu tsi.

Markus 10:1 Mawu Ofanana

Mata 26:55

Ma va tsa fitik ya, ka Yesu nda tsa mnduha ya mantsa: « Nya ŋa sagha ghuni da ksa iʼi nda kafay nda kafay, nda sarak nda sarak, manda skwi ŋa ksa gənda na? Inda fitik yu ta nzaku kawadaga nda kaghuni ta tagha skwi ma həga Lazglafta, ksaf a kuni ta iʼi wa.

Mata 4:23

Ka rə *Yesu ta inda haɗika Galili, ka tagha skwi ŋa mnduha ma həgaha tagha skwa la *Yahuda, ka mna *Lfiɗa Gwaɗa ta ghəŋa ga mghama Lazglafta, ka mbamba mnduha ma inda ɗaŋwaha taŋ, nda inda ya ta raghwa həŋ.

Markus 1:21

Tahula tsa, ka ɓhadaghatá həŋ da luwa Kafarnahum. Na gi sagha Sabat, ka lam *Yesu da həga tagha skwa la *Yahuda, ka taghə tsi ta skwi ŋa mnduha ma tsa həga ya.

Markus 10:2

Ka gavadaghatá la *Farisa ta vata Yesu ŋa hla səla ni. Ka ɗawaŋtá həŋ da tsi, ka həŋ mantsa: « Mamu re haɗ wa a tvi ŋa ghəzliŋta mndu ta markwa taŋ na? » ka həŋ.

Markus 12:35

Ka kəɗ *Yesu ta tagha skwi ŋa mnduha ma həga Lazglafta. Wya kaʼa ta mnay: « Kurki gwal tagha zlahu ŋa mnduha ta mnay kazlay: *Kristi ná, zwaŋa Dawuda ya kaʼa na?

Markus 14:49

Ya wya kawadaga yu nda kaghuni ta tagha skwi ma həga Lazglafta tazlay, hada kaghuni, kabgawu kwal kuni ksaftá iʼi? Wya nana skwi ta magaku na ná, ŋa nzakwa ni manda ya mna gwaɗa Lazglafta ya, » kaʼa.

Markus 2:13

Tahula tsa ka sliʼaftá *Yesu ka vrəglaghata nda ta wa drəfa Galili. Ka sliʼadaghatá mnduha dlivis slanaghata hada, ka taghə tsi ta skwi ŋa taŋ.

Markus 4:2

Ka taghə tsi ta ndəghata skwi ŋa taŋ nda mahdihdi. Wya kaʼa nda həŋ ma tsa tagha skwa ni ya:

Markus 6:2

Baɗu Sabat, ka lam Yesu da tagha skwi ŋa mnduha ma həga tagha skwa la *Yahuda. Ká ka nda ndəghata mnduha hada ta sna tsa skwi ta tagh tsi ya. Ka ndərmim həŋ nda ndərmima: « Wa ta taghanaftá mndərga nana ma skwi? Wa ta vlaŋtá mndərga nana ma ɗifil ta kəl tsi ka maga nana ma mazəmzəmha na?

Markus 6:34

Manda ɓhadaghata Yesu, ka sab tsi ma kwambalu. Kəʼa kəʼa ná, tizlik tskata mnduha, ka ksaŋtá həŋ katakata ta Yesu ka hiɗahiɗa, kabga nda nza həŋ manda tuwakha kul haɗ mnda ngha həŋ, ka gi nzatá tsi ka tagha skwiha ŋa taŋ.

Markus 6:6

Ka ndərmim Yesu nda ndərmima ta tsa kwala taŋ kul zlghaftá tsatsi nda ŋuɗuf ya. Tahula tsa, ka sliʼaftá Yesu ka laghu da ra zwana luwa ta hula Nazaret. Ka tatagha skwi ŋa mnduha.

Yuhwana 10:40

Ka vrəglaghutá Yesu ta ɓla ghwa *Yardeŋ, ma vla taŋtaŋa magay Yuhwana ta batem ŋa mnduha, ka nzatá tsi hada.

Yuhwana 11:7

Tahula tsa, « vrama vra ta haɗika Zudiya, » kaʼa nda duhwalha ni.

Yuhwana 18:20

Ka Yesu nda tsi mantsa: « Baŋluwa si ta mna yu ta gwaɗa ŋa inda mndu ma həga tagha skwa la *Yahuda nda ya ma həga Lazglafta. Ma vli ta tskavata inda la Yahuda si ta gɗata yu ta tagha skwiha. Haɗ sana skwi mna yu kɗekkɗek wa.