Lukwa 9:1 - Hdi

¹ Lagha *Yesu ka tskanatá duhwalha ni ghwaŋpəɗ his, ka vlaŋtá tsi ta həŋ ta mbrakwa mbranaghatá inda duhwala halaway, nda mbrakwa mbambanaftá ɗaŋwaha.

Lukwa 9:1 Mawu Ofanana

Mata 16:19

Dzaʼa vlagha vla yu ta kramtak tgha ga mghama Lazglafta. Inda skwi dzaʼa ka da hbafta ta ghəŋa haɗik ná, nda hba ta luwa guli. Inda skwi dzaʼa ka da pliŋta ta ghəŋa haɗik guli ná, dzaʼa pliŋ pla lu ta luwa guli.

Mata 4:24

Ka tutá gwaɗa wdiɗ ta ghəŋa Yesu ta inda haɗika Siri. Ka hlədanaghatá lu ta inda gwal ɗaŋwa, nda gwal ta ŋəra ɗaŋwaha kavghakavgha, nda gwal nda ksa da halaway, nda gwal nda ksa da seteni, nda gwal nda rwa səla taŋ. Ka mbambə Yesu ta həŋ.

Mata 8:9

Iʼi guli ná, mista maliha nziŋta yu, mamu sludziha mista iʼi guli. “Ka la!” ka yu nda sani, gi sliʼa ni. Ka “sagha sa!” ka yu nda sani, gi sagha ni. Ka “maga ta ya!” ka yu nda kwalva ɗa, gi magay ni, » ka tsa mghama sludzi ya.

Lukwa 10:1

Tahula tsa ka zabəglaptá Mgham *Yesu ta sanlaha ma duhwalha ndəfáŋ mbsak his mida, ka ghunaftá tsi ta həŋ his his his ta kəma ta kəma da inda vli ya má dzaʼa ɓhata tsatsi.

Lukwa 10:19

Snawa ɓa! Vlaghuna vla yu ta mbrakwa diŋlanaptá nahaɗikha nda rdaha, nda ya ta ghəŋa inda mbrakwa ghuma, haɗ sana skwi dzaʼa balaghunata wa.

Yuhwana 14:12

Kahwathwata ka yu ta mnaghunata, mndu ta zlghaftá iʼi, dzaʼa magay tsatsi guli ta slna ta mag yu. Dzaʼa magay ka malaghuta kabga nda sliʼa iʼi da Da ɗa.

Slna gwal ghunay 1:8

Kaghuni, dzaʼa mutsay kuni ta mbraku sarə Sulkum nda ghuɓa ta ghəŋa ghuni. Ŋa nzakwa ghuni ka masləmtsəka ɗa ma luwa Ursalima, nda ya ta haɗika Zudiya, nda ya ta haɗika Samari, nda ya ta kɗavakta ghəŋa haɗik demdem, » ka *Yesu nda həŋ.

Slna gwal ghunay 3:16

Ma fatá ghəŋa ŋni ta Yesu, kəl mbrakwa tsa Yesu ya ka sliʼanaftá na mndu ta nghə kuni snaŋ kuni ta sladu na. Mantsa, ma fatá ghəŋ ta Yesu kəl na mndu na ka mutsafta mbaku guzlindiliŋ, manda ya ta nghə kuni demdem ya.

Slna gwal ghunay 4:30

Maraŋ mbrakwa gha, mbamba ta gwal kul ɗughwanaku, maga ta mazəmzəmha, nda mandərmimi nda hga Yesu kwalva gha ya nda ghuɓa, » ka həŋ.

Slna gwal ghunay 9:34

Ka Piyer nda tsi mantsa: « Ayniya! *Yesu *Kristi ta mba kagha. Sliʼaf sliʼa ka payanata ka ta ghəzləŋa gha, » kaʼa. Ka gi sliʼaftá Ayniya.