Lukwa 8:41 - Hdi

⁴¹ Mbaɗa sana mndu ta hgə lu ka Zayrus ta nzakway tekw mataba la mali ta ghəŋa həga tagha skwa la *Yahuda, ka lagha zləmbatá ma ghuva Yesu. Kaʼa mantsa: « Kdəkkdək mbaɗa da ini, » kaʼa nda tsi,

Lukwa 8:41 Mawu Ofanana

Lukwa 13:14

Ka kuzlanaftá tsi ta ŋuɗuf ta mgham ta ghəŋa tsa həga tagha skwa la Yahuda ya, kabga tsa mbanafta Yesu ta mndu baɗu Sabat ya. « Mamu fitik mkuʼ ŋa maga slna sagha ghuni da mbamba vgha ghuni ma tsa fitikha ya, baɗu Sabat a wu, » kaʼa nda tsa tskatá vgha mnduha ya.

Lukwa 17:16

ka lagha tsi zləmbatá ma ghuva Yesu, ka rfay. Tsaw mnda la Samari tsa mndu ya.

Lukwa 5:8

« Mghama ɗa! laghu la gha ta vata iʼi kabga mnda dmaku yu, » ka Simuŋ Piyer tsəlɓata ma ghuva Yesu nghər tsi ta tsa skwi ya.

Lukwa 8:42

kabga mamu kɗakwa kɗakwa makwa ni ta kla imi ghwaŋpəɗ his kul ɗughwanaku ta kala ghəŋ. Ka sliʼaftá Yesu ka dzaʼa mista ni. Ta mbaɗa Yesu ka dzaʼa mataba tskata mnduha, haɗ tva mbəɗayni ta vgha wa.

Lukwa 8:49

Tata tsa gwaɗa ya Yesu, ka lagha sana mndu ta sliʼafta ga Zayrus da mnay ŋa Zayrus: Kaʼa mantsa: « Kɗakwa tsa makwa gha ya tsa, ta ŋa daŋwazlgəlta gha ŋaw ta *Maləm na, » kaʼa.

Yuhwana 11:21

Ka Marta nda Yesu mantsa: « Mghama ɗa! Ka má hadna ka katsi ná, má mta a zwaŋama ɗa wa.

Slna gwal ghunay 13:15

Tahula dzadzaŋafta lu ta vli ma deftera zlaha Musa, nda ya ma deftera anabiha, ka maliha ma tsa həga tagha skwa la Yahuda ya nda həŋ mantsa: « Zwana ma ɗa, ka mamu gwaɗa da kaghuni ŋa vlaŋtá mbraku ta mnduha, laviŋ lava kuni ta gwaɗay ndana, » ka həŋ.

Slna gwal ghunay 18:17

Ka gwaftá həŋ ta wi ta Sustene, ta nzakway ka mgham ta ghəŋa tsa həga tagha skwa la Yahuda ya, ka ksafta, ka ɗgapta ta wa tsa vla tsa guma ya, gvalaŋ a Galiyuna wa.

Slna gwal ghunay 18:8

Ka zlghaftá Krispus ta nzakway ka mgham ta ghəŋa həga tagha skwa la Yahuda ta Mgham Yesu, mantsa ya la ga taŋ guli. Nda ndəgha gwal ma Kwareŋt guli ta snaŋtá gwaɗa Pwal, ka zlghaftá həŋ, ka maganaftá lu ta batem ta həŋ.

Slna gwal ghunay 9:38

Tsaw ndusa tsa luwa Yafu ya nda luwa Lida. Ka snaŋtá tsa gwal zlghay nda ŋuɗuf ma Yafu ya kazlay, waʼa *Piyer ma luwa Lida kəʼa. Ka ghunadaptá həŋ ta mnduha his da tsi. Ka həŋ nda Piyer mantsa: « Kdəkkdək sawi misimmisim da aŋni, » ka həŋ.

Suna Yuhwana 5:8

Manda zlghafta tsa Zwaŋa Tuwak ya ta tsa defteri ya, ka zləmbata tsa skwiha fwaɗ nda hafu mida, nda tsa galata mnduha hisambsak fwaɗ mida ya ta kəma ni. Inda taŋ, nda ŋaŋatá htimbil, nda ndaghatá leghwaha dasu nda urdi ta nzakway ka duʼa gwal nda ghuɓa, ma dzva taŋ.