Lukwa 8:27 - Hdi

²⁷ Nda fagata Yesu ta səla ta haɗik ta sab tsi ma kwambalu, ka sagha sana mnda tsa luwa ya da guyay. Tsa mndu ya ná, ksu ksa duhwala halaway. Nda kɗa fitika ni kul suɗgəltá lgut ɗekɗek, haɗ ta nzəglata mintgha wu, mataba kuluha kəʼa ta nzaku.

Lukwa 8:27 Mawu Ofanana

Mbsak 19:16

Dər wati ma mndu tsi ma vwah, ka ksaŋtá tsi ta mbla mndu dza lu nda kafay, ka mtaku a tsi ta dzata, ka ghudzifa mndu a tsi, ka kulu a tsi, nda nza ka mndu ta tsaɗ lu ka fitik ndəfáŋ.

Mata 4:24

Ka tutá gwaɗa wdiɗ ta ghəŋa Yesu ta inda haɗika Siri. Ka hlədanaghatá lu ta inda gwal ɗaŋwa, nda gwal ta ŋəra ɗaŋwaha kavghakavgha, nda gwal nda ksa da halaway, nda gwal nda ksa da seteni, nda gwal nda rwa səla taŋ. Ka mbambə Yesu ta həŋ.

Markus 5:15

Manda sliʼadaghata taŋ ta vata Yesu, ka nghaŋtá həŋ ta tsa mndu si sliʼamə ghwaɗaka sulkumha dida ya ta nzakwa ni kwandlaŋ nda suɗatá lgut ta vgha. Ka ghudzaku tsa mnduha ya da zləŋ.

Lukwa 8:26

Ka ɓhadaghata i *Yesu nda duhwalha ni ta haɗika Geraseni ta nzakway mbəŋ ya mbəŋ ya nda luwa Galili.

Lukwa 8:28

Na ghur nghay ni ta Yesu, ka wahatá tsi ka zləmbatá ma ghuva ni. Kaʼa mantsa: « Yesu Zwaŋa Lazglafta Dagala, Nya mataba u nda kagha? Kdəkkdək, wya dzvu, yaha ka ghuyɗiptá ɗaŋwa, » kaʼa wahata nda lwi dagala.

1Sam 19:24

Ka suɗiŋtá tsatsi guli ta lgutha ni, ka klə tsatsi ta lwa Lazglafta guli ta kəma Samuyel. Tahula tsa, ka zləmbatá tsi ka fərdiʼu, ka nzata mantsa ya tekulemes fitik, petsuweɗ vli. Tsaya kəl lu ka mnay kazlay na: « Tekw Sawulu guli mataba la anabi ra? » kəʼa ya.