Lukwa 8:24 - Hdi

²⁴ Ka lagha həŋ sliʼa Yesu, « Maləm! *Maləm! Nda zaɗa mu! » ka həŋ nda tsi. Ka sliʼavatá Yesu ka davanaghatá tsi ta falak, nda tsa vavalakwa imi ya. Ka lɓatá vli ka nzata tɓekw.

Lukwa 8:24 Mawu Ofanana

Mata 14:30

Ama nghay ni ná, dagala falak, ka ksaftá zləŋ. Gi səlikw zlrafta ni ta dəɗaku da huɗa imi tsa. « Mghama ɗa, katá ta iʼi! » kaʼa wahata.

Mata 8:25

Ka sliʼaftá duhwalha ni ka lagha sliʼanafta. Ka həŋ nda tsi mantsa: « Mghama ɗa, katá ta amu, dzaʼa rwaku mu! » ka həŋ.

Markus 4:39

Sliʼavata ni mantsa, ka dvanaghatá tsi ta falak. « Lɓa lɓa ka nzata ka tɓekw! » kaʼa nda drəf. Ka lɓatá falak, ka nzatá vli tɓekw.

Lukwa 4:35

« Haf wa gha, sap sa ma na mndu na! » ka Yesu dvanaghata. Gi ka slanatá tsa duhwala halaway ya ta tsa mndu ya mataba tskatá mnduha, ka saghu tsi mida kul balanata.

Lukwa 4:39

Ka ɓukudanaghatá tsi ta tsa marakw ya, « zliŋ zla! » kaʼa nda ŋuɗidar, ka zliŋtá tsi. Gi hada hada ka sliʼaftá tsa marakw ya ka maganatá skwa zay ta həŋ.

Lukwa 5:5

Ka Piyer mantsa: « Mghama ɗa, kurzliŋ hana ŋni ta tumay, lay mutsaf a ŋni wa. Yaw, dzaʼa vzada vza ŋni tama ta gwaɗa gha » kaʼa nda tsi.

Lukwa 8:25

« Nu ta kəl kuni ka zləŋ mantsa? Kulam ndana haɗ zlghay nda ŋuɗuf da kaghuni ɗekɗek katək ra? » kəʼa mbəɗavata təv duhwalha ni. Ka ksaftá zləŋ ta həŋ, ka ndraʼu həŋ. « Wa na mndu na katək na? Na dvanaghatani ta dər falak nda imi ná, gi ka snanata taŋ? » ka həŋ mataba taŋ.