Lukwa 8:13 - Hdi

¹³ Sanlaha ma mnduha guli ná, manda kluluh rkaf hulfa tida həŋ, snaŋta taŋ ta gwaɗa Lazglafta, gi zlghafta taŋ nda rfu, ama haɗ həŋ ta zlaŋtá vli ŋa dzugwamta tsa gwaɗa ya ta slrəŋ ma ŋuɗufa taŋ wa. Ka dzəghaŋ dzəgha skwi ta həŋ, gi suwak zlaŋta taŋ ta zlghay nda ŋuɗufa taŋ.

Lukwa 8:13 Mawu Ofanana

Markus 6:20

Vərɗa dər Hiridus ná, ta zləŋay ta Yuhwana. Nda sna guli kazlay: Mndu nda ghuɓa Yuhwana, ŋərma mndu ya kəʼa ka katə tsi. Inda nzata Hiridus ka sna gwaɗa ta gwaɗ Yuhwana ya ná, ta dəwir nda dwira ta ghəŋa ni dər má ɗvaf ɗva tsi ta snay.

Lukwa 8:12

Sanlaha ma mnduha ná, manda tvi rkaf hulfa tida həŋ. Hahəŋ ná, gi snaŋta taŋ ta gwaɗa Lazglafta, gi ndadaghata halaway klugudunustá həŋ yaha həŋ da zlghafta ma ŋuɗufa taŋ da mbafta həŋ.

Lukwa 8:14

Sanlaha ma mnduha guli ná, manda hulfa ta rkamta da teki ya həŋ, snaŋta taŋ ta gwaɗa Lazglafta ka laghu həŋ da ndana nzaku ma ghəŋa haɗik nda zba gadghəl nda ndana zba skwi ta haraʼuwa iri, mantsa tama, mbaɗa tsa skwiha ya ka raghwa tsa gwaɗa ya, ka niŋta həŋ ka ksubaŋ.

Yuhwana 15:2

Inda dzva fu ta dzuslafta ta iʼi, kul haɗ ta yaku ná, ta tsiŋ tsa. Inda dzva fu ta dzuslafta ta iʼi ta yaku guli na, ta slaɗaf slaɗa ŋa sgəglavaghata yakwa ni.

Yuhwana 15:6

Ka gɗava a ndiʼatá mndu ta iʼi ná, dzaʼa wuɗidiŋ wuɗa lu manda dzva fu ŋa ghwalutani, ŋa hlaftá tsa dzvuha ni ya, ka pghamta ma vu, ŋa drutani.

Yuhwana 5:35

Yuhwana ná, pitirla ta zlghaku ka tsuwaɗaka vli ya. Kumaŋ kuma kuni ta nzəɗavata nda rfu ma tsuwaɗaka ni.

1Kwa 13:2

Dər má mutsaf mutsa yu ta mbrakwa kla lwa Lazglafta, dər má nda sna yu ta inda skwi nda ɗifatá skwa Lazglafta tani, dər má mamu zlghay nda ŋuɗuf da iʼi ŋa sliʼanaftá ghwáha, ka haɗ yu ta ɗvutá mndu wu katsi, skwi bətbət yu.

1Kwa 15:2

Tsa Lfiɗa Gwaɗa ya ta mbaghunafta, ka ŋana ŋa kuni manda va ya mnaghuna yu. Ka mantsa a tsi wu, ka bətbət tsa zlghafta zlghaf kuni ya.

Galat 3:1

Aya la Galat ksu skwi! Nya sughunus lu na? Ya wya maraghuna mara yu tsiɗiɗ ta *Yesu *Kristi ta mtuta ta udza zləŋay.

Galat 3:4

Tsaw inda tsa skwiha ta slaghunaghata ya ná, ka bətbət nzakwa tsi ra? Graf a yu kazlay: Ka bətbət nzakwa ni kəʼa wa.

Afisus 3:17

Ta ɗaway yu da tsi guli ta gɗavata *Kristi ma ŋuɗufa ghuni ma zlghafta ya zlghaf kuni. Ta ndəɓay yu ta dzvu da tsi guli, ka ŋavata kuni ka ɗvuvustá vgha ghuni sani nda sani. Ka ta ɗvuvusɗva kuni ta vgha ghuni kahwathwata katsi ná, dzaʼa nzakway kuni manda dihatá fu laghu slrəŋha ni da ghuvata haɗik. Dzaʼa nzakway kuni guli manda dihata həga thaf lu ta mndəra ni ta vəl təŋ təŋa.

Kwalus 1:23

Gɗavawagɗa ma zlghay nda ŋuɗuf, dihavawa diha ma gigɗava kuni. Ma dgaghu kuni ta vgha nda Lfiɗa Gwaɗa. Tida fatá ghəŋa mu, ka lu mnamata. Tsa Lfiɗa Gwaɗa ya ná, ŋa inda mndu ta ghəŋa haɗik ta mna lu. Nana iʼi Pwal na ná, mna tsa Lfiɗa Gwaɗa ya slna ɗa.

Kwalus 2:7

Dihavawa diha tida manda dihatá fu ta haɗik nda slrəŋha ni ya. Mbranafwa zlghay nda ŋuɗuf manda va ya taghaghunaf lu. Ka rfa kuni ta Lazglafta kahwathwata.

1Tes 3:5

Ma trapta ɗa ta hbanatá ŋuɗufa ɗa, kəl yu ka ghunadaptá Timute da kaghuni, ŋa snaŋtá nzakwa zlghay nda ŋuɗufa ghuni. Ta zləŋay yu ta baraghata halaway ta kaghuni, da nzatá tsa slna maga ŋni ya ka bətbət.

1Tim 1:19

Ŋana ŋa ta zlghay nda ŋuɗufa gha nda fatá ndana gha kul haɗ sana dga ghəŋ. Vziŋ vza sanlaha ta tsa fata ndanu kul haɗ dga ghəŋ ya, ka dzatá zlghay nda ŋuɗufa taŋ.

Hebru 10:39

Amu ná, nza a amu tekw mataba gwal ta vru nda hul ŋa zaɗiŋtá ghəŋa taŋ ya wa. Ama nda nza amu tekw mataba gwal ta zlghafta ta dzaʼa mutsa mbaku ya.

Yakubu 2:26

Tsaya tama, ka haɗ hafu ma sluʼuvgha ná, nda mta nzakwa ni, manda va tsaya zlghay nda ŋuɗuf guli, ka haɗ slna ni wu ná, nda mta nzakwa ni guli.

2 Piyer 2:20

Ka lagha tsa gwal ta zluʼagaptá vgha ma ghwaɗaka skwi ta ɓadza mndu ma ghəŋa haɗik ya, manda snaŋta taŋ ta Mghama mu Yesu Kristi ta nzakway ka mnda mba amu ya guli, ka vrəglamta da maga tsa ghwaɗaka skwi ya katsi, dzaʼa malaghu mala ɓadzatá həŋ ka nzakwa taŋtaŋ taŋ.

2 Piyer 2:22

Tsa skwi ta slanaghatá həŋ ya, maraŋ mara kazlay: Kahwathwata tsa gwaɗa mahdihdi ta mnata ya kəʼa. Kaʼa na: « Ta vradagha vra kri da niʼiglaftá vnihatá vnihani. » « Tahula mbazanatá mbaza ta ghuvazu ná, ŋa vrəglamtani da dzazlak guli, » kaʼa ya.

1 Yuhwana 2:19

Tsa ghumaha ya ná, mataba mu sliʼagapta həŋ. Si nza a nzakwa taŋ kawadaga nda amu wa. Ka má nda nza nzakwa taŋ kawadaga nda amu ná, má gɗava gɗa həŋ ta vata amu. Maga maga manda tsaya kabga ŋa snaŋta kazlay: Mataba amu a həŋ demdem wu kəʼa.

Yuda 1:12

Ta ksaku ka hula nzata ghuni ka za skwa zay kawadaga nda həŋ. Ghəŋa taŋ skwi snaŋ həŋ. Hahəŋ gwal ta ŋəriŋtá skwa zay ma vla guyatá ghəŋa mnduha ka za skwi, ksa a hula ta həŋ wa. Manda ŋatá matətɗu ta vusliŋ falak ya həŋ, manda fu kul haɗ ta yafta dər ma fitika yakwa ni tsi ya həŋ. Manda fu tɗiŋ lu nda slrəŋ nda slrəŋ ta mtuta ka ghwaluta dzuŋuŋ ya həŋ.