Lukwa 7:19 - Hdi

¹⁹ Ka hgaftá Yuhwana ta gwal his mataba duhwalha ni, ka ghunaftá həŋ da Mgham *Yesu. Kaʼa nda həŋ mantsa: « Lawa la ɗawaŋta! Kagha tsa mndu snə ŋni dzaʼa sagha ya re, ari ka kəzla ŋni ta sana mndu a na? » ka kuni nda tsi.

Lukwa 7:19 Mawu Ofanana

Zlrafta 22:18

Nda ma hahəŋ, dzaʼa tfanagha tfa yu ta wi ta inda mndəra mnduha ta ghəŋa haɗik, kabga sna sna ka ta lwa ɗa, » kaʼa.

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

Markus 6:7

Ka hagaftá tsi ta duhwalha ni ghwaŋpəɗ his ŋa ghwanafta ni ta həŋ his his his da luwaha. Ka valaŋtá tsi ta mbraku ta həŋ ŋa ghazligiŋtá ghwaɗaka sulkum.

Lukwa 10:1

Tahula tsa ka zabəglaptá Mgham *Yesu ta sanlaha ma duhwalha ndəfáŋ mbsak his mida, ka ghunaftá tsi ta həŋ his his his ta kəma ta kəma da inda vli ya má dzaʼa ɓhata tsatsi.

Lukwa 11:1

Ma sana fitik ka mag *Yesu ta duʼa ma sana vli. Manda kɗakwa ni ta maga tsa duʼa ya, Ka ɗawaŋtá sani mataba duhwalha ni da tsi, kaʼa mantsa: « Mghama ɗa! Taghaŋnaf tagha ka lu ta maga duʼa manda ya taghanaf Yuhwana ta duhwalha ni ya, » kaʼa.

Lukwa 11:39

Ka Mgham Yesu nda tsi mantsa: « Kaghuni la Farisa, hula leghwa nda hula hliba yeya ŋa ghuni ta mbaziŋta, ama ma ŋuɗufa ghuni ta kumay kuni ta ghalatá sanlaha, ta sidi kuni guli.

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

Lukwa 13:15

« Tsa maɗgwirmaɗgwira ghuni ya! Haɗ inda kaghuni ta pla sla ni ka kəɗiha ni a tsi ta wa guduk ka klay da vla sa imi baɗu Sabat wu ra?

Lukwa 17:5

Ka gwal ghunay nda Mgham *Yesu mantsa: « Sgaŋnagha zlghay nda ŋuɗuf, » ka həŋ.

Lukwa 17:6

Ka Yesu tsuʼanaftá wa ni ta həŋ mantsa: « Ka mamu zlghay nda ŋuɗufa ghuni taɓta hya kramasa katsi, dzaʼa mnay kuni ŋa ya babala ya kazlay: Tɗaf tɗa ta vgha gha ka dzaʼa ka vzamtá vgha ma drəf kəʼa, ŋa snaghunatani. »

Lukwa 18:6

« Fawa sləməŋ ka sna kuni ta skwi mnə tsa ghwaɗaka mnda tsa guma ya ɓa!

Lukwa 19:8

Ka sladata Zakayus, kaʼa nda Mgham Yesu mantsa: « Sna ɓa Mghama ɗa! Dzaʼa daganaftá slɓahwa gadghəla ɗa yu ta la ka pɗu. Ka mamu mndu si hulgudunus yu ta skwa ni, fwaɗ səla dzaʼa planamta yu ta va tsa skwa ni ya guli, » kaʼa.

Lukwa 22:61

Ka mbəɗavatá Mgham Yesu nghagapta ka Piyer ma kuma. Ka havaktá Piyer ta gwaɗa mnana Yesu kazlay: Ma kɗaku vazak wahata gita u nana, hkən səla dzaʼa waɗata ka kazlay: Sana a yu ta na mndu na wu kəʼa nda iʼi kəʼa ya.

Lukwa 24:34

ta mnay mnay kazlay: Kahwathwata sliʼagap sliʼa Mgham Yesu nda hafu. Nda ngha *Piyer kəʼa.

Lukwa 7:13

Na nghaŋta Yesu ta tsa marakw ya, ka ksaftá tsi ka hiɗahiɗa. « Ma taw ka » kaʼa nda tsi.

Lukwa 7:20

Ka sliʼaftá həŋ ka ɓhadaghata da Yesu. Ka həŋ mantsa: « Yuhwana mnda maga batem ta ghunagaŋnaghata da kagha kazlay: Kagha tsa mndu snə ŋni dzaʼa sagha ya re, ari ka kəzla ŋni ta sana mndu a na kəʼa? » ka həŋ.

Yuhwana 11:2

Tsa Mari ya tsa ta pghanaftá urdi ta səla ta Mgham *Yesu ka takaɗay nda swida ghəŋa ni ya. Zwaŋama ni tsa Lazar kul ɗughwanaku ya guli.

Yuhwana 4:1

Ka snaŋtá la *Farisa ta mnay kazlay: Mal mnduha ta sliʼi da maga batem da *Yesu ka ya da Yuhwana kəʼa.

Yuhwana 4:25

« Nda sna yu kazlay: Dzaʼa sagha sa Almasihu, ta hgə lu ka *Kristi ya, kəʼa. Ka sagha sa tsi, dzaʼa mnaŋna mna ta inda skwi, » ka tsa marakw ya nda tsi.

Yuhwana 6:23

Ma va tsa fitik ya, ka sliʼaftá sana kwambaluha ma luwa Tiberiya, ka ɓhadaghatá həŋ ndusa nda tsa vli kəl Mgham Yesu ka rfanaghatá Lazglafta ta ghəŋa buradi, ka zutá mnduha ya kay.

Yəhusuwa 2:1

Ka ghunaftá Yəhusuwa zwaŋa Nuŋ ta mnduha his kɗekkɗek ma Sitim nda mnay kazlay na: « Lawa la da vitsanatá tsa haɗik ya, katakata ni luwa Yeriku, » kaʼa. Ka sliʼaftá tsa gwal vitsa luwa his ya, ka laghwi. Ka han həŋ ga sana karwa, Rahab hga ni.

Suna Yuhwana 11:3

Dzaʼa ghunaf ghuna yu ta masləmtsəkha ɗa his, ŋa suɗavata taŋ ta buhu ta vgha, ŋa zata taŋ ta fitik dəmbuʼ nda his dərmək nda mkuʼ mbsak ta mna gwaɗa ɗa ma tsa fitikha ya. »