Lukwa 6:28 - Hdi

²⁸ Ɗawawa tfa wi ta ghəŋa gwal ta ksiʼa kaghuni. Ndəɓawa dzvu ta ghəŋa gwal ta giri ŋa ghuni.

Lukwa 6:28 Mawu Ofanana

1Mgh 13:6

Ka mgham nda mnda Lazglafta tama mantsa: « Kdəkkdək, tawa ta taw da Yawe, Lazglafta gha, wya dzvu ka ŋa ɗa, kada vranakta yu ta dzva ɗa, » kaʼa. Ka ndəɓanatá mnda Lazglafta ta dzvu ta Yawe, ka vranaktá mgham ta dzva ni da tsi, ka nzatá tsi manda va vla ni.

Mata 5:44

Ama ka iʼi ta mnaghunata: Ɗvuwa ɗva ta ghuma ghuni, magawa duʼa ta ghəŋa gwal ta giri ŋa ghuni.

Lukwa 23:34

Ka *Yesu mantsa: « Da! plana pla ta dmakwa taŋ, kabga sna a həŋ ta skwi ta mag həŋ wu, » kaʼa. Ka vzə həŋ ta vindima ŋa daguvustá lgutha ni.

Lukwa 6:27

« Ka iʼi nda kaghuni gwal ta sna gwaɗa ɗa ná, ɗvuwa ɗva ta ghumaha ghuni, magawa zɗaku ŋa gwal ta husaŋta kuni.

Lukwa 6:35

Kaghuni ya ná, ɗvuwa ɗva ta ghumaha ghuni, magawa maga ta zɗaku ŋa taŋ. Ɓlawa nzawa ŋa mnduha, ma faf kuni ta ghəŋ ta vraghunamta, dzaʼa mamu nisəla ghuni dagala, dzaʼa nzakway kuni ka zwana Lazglafta Dagala, kabga tsatsi ná, zɗa ghəŋa ni nda mnduha kul haɗ ta rfa mndu, nda gwal ta sidi tani. »

Slna gwal ghunay 14:5

Ka dzraftá la Yahuda, nda gwal kul nzakway ka la Yahuda, nda maliha taŋ ta wi, ŋa liŋtá i Pwal nda Barnabas nda pala ŋa pslatá həŋ.

Slna gwal ghunay 7:60

Ka tsəlɓatá tsi, ka gwaɗata nda lwi dagala. Kaʼa mantsa: « Mghama ɗa, ma mbəɗanaf ka ta həŋ ta na dmaku na, » kaʼa. Tahula mnata ni ta tsaya, ka sab hafu sref mida.

La Ruma 12:14

Ɗawawa tfa wi ta ghəŋa gwal ta giri ŋa ghuni. Ɗawawa tfa wi ta ghəŋa taŋ, ma ksiʼi kuni ta həŋ.

1Kwa 4:12

Aŋni ta hərfaku ka maga skwi ŋa fadamta ŋni da wa ŋni. Razaŋnafha mndu, má tahula gha ka Lazglafta, ka ŋni. Dər ki lu ta dula aŋni ya ná, mərsuʼ ká ŋni ta suʼay guli.

Yakubu 3:10

Ma va tsa wubisim ya ta sliʼagapta tfa wi nda ksiʼi tani. Zwana ma ɗa, ra a ka nzakwa ni mantsa wa.

1 Piyer 3:9

Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.