Lukwa 5:12 - Hdi

¹² Ma sana fitik ma nzakwa *Yesu ma sana luwa, ka lagha sana mndu ksu rɗa mndu. Na gi nghaŋta ni ta Yesu, ka zləmbatá tsi zlumbruh ma ghuva ni ka ndəɓa dzvu. « Mghama ɗa, ka ta kumay ka laviŋ lava ka ta mbiɗifta ka nzakwa yu nda ghuɓa, » kaʼa.

Lukwa 5:12 Mawu Ofanana

Zlrafta 18:14

Mamu skwi ta malaghutá mbrakwa Yawe ra? Manda va na luwa kɗaghalam, ta vraktá yu da ghuni, mutsaf mutsa Sara ta zwaŋa zgun, » kaʼa.

1Mgh 18:39

Nghanata inda mnduha ta tsa skwi ya, ka zlambatá həŋ zluzlumbruh ta haɗik, ka həŋ mantsa: « Yawe, Lazglafta! Yawe, Lazglafta! » ka həŋ.

2Mgh 5:1

Mala gwal vula mghama la Aram ná, Naghamaŋ ya. Ta rfay ta rfu ta ghəŋa sgit, nda glaku katakata ya vlaŋ mghama ni, kabga nda ma tsatsi zanata Yawe ta ghwa ta la Aram. Nziya nza tsi, tsa mndu nda mbra, viɗviɗ ya ná, nda ghwaɗaka lku tida.

2Mgh 5:27

Dzaʼa ndiʼaf ndiʼa tsa ghwaɗaka lku si ta Naghamaŋ ya ta kagha, nda zivira gha tani ŋa ɗekɗek, » kaʼa. Ka zlanatá Gehazi ta Ilisa, nda ksata ni da tsa ghwaɗaka lku ya, ka ŋusliŋ manda papla.

2Mgh 7:3

Mamu sana mnduha fwaɗ nda ghwaɗaka lku ta həŋ ta nzaku ta wi tgha tva lami da luwa, ka həŋ mataba taŋ mantsa: « Kabgawu ŋa nzata mu hadna ha ka kəzla rwakwa mu na?

1Rus 21:16

Kəʼa ka Dawuda klaŋtá ghəŋ ná, ka nghaŋtá tsi ta duhwala Yawe ta sladu ma takataka haɗik nda luwa, nda tsəhatá kafay, tɗanagha tsi ta dzvu ta ghəŋa Ursalima. Ka pghavatá i Dawuda nda la galata mndu ta buhu ta vgha, ka zlambatá həŋ zluzlumbruh ta haɗik.

Sabi 4:6

Ka Yawe nda tsi guli mantsa: « Fadam fa ta dzva gha ta gərzla ghuva gha, » kaʼa. Ka fadamtá tsi ta dzva ni ta gərzla ghuva ni, ka tsəhagaptá tsi. Kəʼa kəʼa ná, kuɗay ka ŋusliŋ manda papla, ka ghwaɗaka lku dzeʼdzeʼ.

La Levi 13:16

Ka nda mba tsa vruzata lkwa ni ya, ka nuta ka ŋusliŋ, vra ni slanaghatá mnda dra skwi ŋa Lazglafta.

La Levi 9:24

Ka sab vu da Yawe, ka dəghwaɗutá tsa skwa pla ghəŋ ŋa dray tsuh tsuh, nda vliha nda mala nda mala ta gwir ya. Ka nghaŋtá la Israʼila demdem, ka hlaftá həŋ ta wi ka rfu, ka zlambata həŋ zluzlumbruh ta haɗik.

Mata 26:6

Ta nzaku *Yesu ma həga ga Simuŋ, sana mndu nda rɗa mndu tida ma luwa Betani,

Mata 9:28

Ka lam Yesu da həga, ka lagha həŋ slanaghata. Ka Yesu nda həŋ mantsa: « Graf gra kuni kazlay: Dzaʼa laviŋ lava yu ta mbaghunafta kəʼa ra? » kaʼa nda həŋ. « Aŋi Mghama ɗa, » ka həŋ nda tsi.

Markus 5:23

Ka ŋavatá tsi ka ndəɓa dzvu da tsi, kaʼa mantsa: « Wa a makwa ɗa ta kala ghəŋ ta dzaʼa mtaku. Kdəkkdək, sawi ksaŋta nda dzvu ka mbafta tsi, ka nzakwa tsi nda hafu, » kaʼa nda tsi.

Lukwa 17:16

ka lagha tsi zləmbatá ma ghuva Yesu, ka rfay. Tsaw mnda la Samari tsa mndu ya.

Lukwa 5:13

Ka fadaptá Yesu ta dzva ni ka ksaŋta. Ka Yesu mantsa: « Ta kumay yu ta mbafta gha, mbaf mba gha, » kaʼa. Gi hlets mbaftá ka nzaku tsi nda ghuɓa.

Vrafta ta zlahu 24:8

Ɗasuwa ka kuni nda ɗaŋwa ghwaɗaka lku, ka nghapta kuni ɗina, ka maga kuni ta slna nda inda skwi dzaʼa taghaghunafta gwal dra skwi ŋa Lazglafta ka la Levi manda ya mnanaf yu ta həŋ ya.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

Yəhusuwa 5:14

Ka tsa mndu ya mantsa: « Haɗ ya mista ni yu wa. Iʼi mali ta ghəŋa gwal vula Yawe, sagha ɗa yeya, » kaʼa. Gi ka zləmbata Yəhusuwa zlumbruh ta haɗik ka vlaŋtá glaku, kaʼa mantsa: « Iʼi ná, kwalva gha yu. Nu ta kum mghama ɗa ta mnay ŋa kwalva ni na? » kaʼa nda tsi.