Lukwa 4:20 - Hdi

²⁰ Manda kɗiŋta ni ta dzaŋafta, ka mbsaftá tsi ka vlaŋtá kwalva ma tsa həga ya, ka nzadatá tsi. Ka pghaftá inda tsa mnduha ma tsa həga tagha skwa la Yahuda ya ta iri tida:

Lukwa 4:20 Mawu Ofanana

Mata 26:55

Ma va tsa fitik ya, ka Yesu nda tsa mnduha ya mantsa: « Nya ŋa sagha ghuni da ksa iʼi nda kafay nda kafay, nda sarak nda sarak, manda skwi ŋa ksa gənda na? Inda fitik yu ta nzaku kawadaga nda kaghuni ta tagha skwi ma həga Lazglafta, ksaf a kuni ta iʼi wa.

Mata 27:60

Ka klaftá tsi ka laghu da famta ma kulu ta ka lfiɗ, si lap tsi ma kluluh ŋa ghəŋa ni. Ka taŋwaluŋtá tsi ta mghama klam ta wa tsa kulu ya. Ka sliʼaftá tsi, ka laghu.

Lukwa 19:48

Ama sna a həŋ ta tvi ka həŋ dzaʼa ɓhanavata wu, kabga dar fata mnduha ta vgha ka sna gwaɗa ni.

Lukwa 4:17

Ka klaftá lu ta deftera anabi Isaya ka vlaŋta. Ka plaŋtá tsi, ka slanaghatá tsi ta vli vindaf lu kazlay:

Lukwa 4:21

Ka *Yesu nda həŋ mantsa: « Nana gwaɗa Lazglafta snaŋ kuni nda sləməŋa ghuni gita na ná, nda hɗa magata ni ka ŋa ghuni, » kaʼa.

Lukwa 5:3

Ka sliʼaftá Yesu ka lam da sani ma tsa kwambaluha ya, ta nzakway ka ŋa Simuŋ. « Gavadanam gava kwitikw nda ma huɗa drəf, » kaʼa nda *Piyer. Ka nzagaptá tsi mida ka tagha skwi ŋa mnduha.

Yuhwana 8:2

Wrək tgha ka vragatá tsi, ka lam tsi da daɓa həga Lazglafta, ka sliʼadaghatá inda mnduha da tsi. Ka nzatá tsi nda nza ka tagha skwi ŋa taŋ.

Slna gwal ghunay 16:13

Baɗu fitika *Sabat, ka saghu ŋni ma huɗa luwa ka laghu tawa ghwa, dzaʼa slaf sla ŋni ta vla ndəɓa dzva la *Yahuda hada ka ŋni sizlay. Ka slaftá ŋni ta tskata miʼaha. Ka mnə ŋni ta gwaɗa ŋa taŋ.

Slna gwal ghunay 3:12

Na nghay Piyer ta tsaya, kaʼa nda tsa mnduha ta tskadaghatá vgha ya mantsa: « Ariwa la Israʼila, kabgawu ta kəl kuni ka ndərmima mbatá na mndu na manda na na? Kabgawu ta kəl kuni ka vuʼa aŋni, manda skwi aŋni ta mbanaftá na mndu na nda mbrakwa ŋni? Ndiʼa ta vgha ŋni nda Lazglafta ta mbanaftá na mndu na ra?