Lukwa 3:11 - Hdi

¹¹ Kaʼa nda həŋ mantsa: « Mndu ya his lgut da tsi, ka dganapdga tsi nda mndu ya kul haɗ tsi da tsi. Mndu ya mamu skwa zay da tsi guli, ka maga tsi mantsa ya, » kaʼa.

Lukwa 3:11 Mawu Ofanana

Danyel 4:27

kaʼa mantsa: « Iʼi a ta baftá na luwa Babila dagala na ŋa nzakwa ni ka həga ga mghama ɗa wu ra? Baf nda fərtatá mbrakwa ɗa yu, ŋa vlihatá sgit dagala ma ga mghama ɗa a yu wu ra? » kaʼa.

Mata 25:40

Ka Mgham dzaʼazlay mantsa: “Kahwathwata ka yu ta mnaghunata ná, inda fitik ya maga kuni ta tsa skwiha ya ŋa zwana ma ɗa gwal ya nda hta katakata ya ná, magihatá iʼi kuni nda tsa.”

Lukwa 11:41

Klawa skwi ma leghwa ghuni nda ya ma hliba ghuni, ka vla kuni ŋa gwal ka pɗu, tsaya dzaʼa kəl inda skwi ka nzaku tsuweɗaka da kaghuni.

Lukwa 18:22

Na snaŋta Yesu ta tsaya, kaʼa mantsa: « Turtuk skwi ta pɗəgədaghawta. La dzawiŋtá skwiha gha, ka daganafta ka ta tseda ni ta la ka pɗu, dzaʼa mutsay ka ta gadghəl ta luwa, ka vrakta ka, ka dzaʼa ka mista ɗa, » kaʼa.

Lukwa 19:8

Ka sladata Zakayus, kaʼa nda Mgham Yesu mantsa: « Sna ɓa Mghama ɗa! Dzaʼa daganaftá slɓahwa gadghəla ɗa yu ta la ka pɗu. Ka mamu mndu si hulgudunus yu ta skwa ni, fwaɗ səla dzaʼa planamta yu ta va tsa skwa ni ya guli, » kaʼa.

Yuhwana 13:29

Zlah la skwaktá skwi ŋa za skalu, ka la valaŋtá skwi ta gwal ka pɗu a ka Yesu nda tsi, ka sanlaha ta ndanay, kabga da Zudas zliba tska skwa taŋ.

Slna gwal ghunay 10:2

Ŋərma mndu tsa mndu ya nda gwal ga taŋ tani. Ta zləŋay ta Lazglafta, dagala mnduha la *Yahuda mbaha tsi. Ta magay ta duʼa da Lazglafta inda fitik.

Slna gwal ghunay 10:31

Kaʼa nda iʼi mantsa: « Kwarney, sna sna Lazglafta ta duʼa gha, havap hava guli ka mbaha mnduha ta mbah ka.

Slna gwal ghunay 10:4

Ka nghə tsi ta tsa duhwala Lazglafta ya nda zləŋ nda zləŋ. Kaʼa mantsa: « Nya ní Mghama ɗa! » kaʼa. « Ɓhadafɓha tsa maga duʼa ta mag ka ya, nda tsa mbaha mnduha ta mbah ka ya da Lazglafta, kəl tsi ka havapta ka kagha.

Afisus 4:28

Ka si ta ghali mndu katsi, yaha tsi da ghalgəltá ghali, ka maga tsi ta slna nda dzva ni ŋa kata ghəŋa ni, nda ya ŋa mutsafta ni ta skwi ŋa kataŋtá la ka pɗu.

1Tim 6:17

Mnana mna ta gwal ka gadghəl ma na ghəŋa haɗik na, yaha həŋ da ghərɓaku, yaha həŋ da laghu da faftá ghəŋa taŋ ta gadghəla taŋ ya dzaʼa kwal kul nzəɗavata. Ta Lazglafta ya ta vlamatá inda skwi ka haslay ŋa nzakwa mu nda rfu ka həŋ faftá ghəŋa taŋ.

1Tim 6:18

Mnana mna ta həŋ ka maga həŋ ta zɗaku. Ka sganaghata həŋ ta maga skwiha ɗina ɗina. Mnana mna ta həŋ ka muvla həŋ ta muvla, ka vla həŋ ta skwi ŋa kataŋtá sanlaha nda tsi.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

Yakubu 1:27

Wya vərɗa dina ya ta nghə Lazglafta ka dina nda ghuɓa kul haɗ rutsak tida: Nghapta ka zwana tawakri nda wadguha ma ɗaŋwaha taŋ, nda nghay mndu ta ghəŋa ni ma ghwaɗaka skwiha ta ghəŋa haɗik da ŋəriŋta tsi ta ghəŋa ni.

Yakubu 2:14

Zwana ma ɗa, nu katanaf mnay mndu kazlay: Mamu yu nda zlghay nda ŋuɗuf kəʼa, ka haɗ tsi ta maga slna ni na? Dzaʼa mbanaf mba tsa zlghay nda ŋuɗufa ni ya nda tsa ra?

1 Yuhwana 3:17

Ka mamu skwi da mndu, ka nghaŋtá tsi ta zwaŋama ni ta pɗay, ka laghu tsi da nghay nda iri katsi ná, laviŋ a tsa mndu ya ta mnay kazlay: Ta ɗvay yu ta Lazglafta kəʼa wa.

1 Yuhwana 4:20

Ka « ɗvu ɗva yu ta Lazglafta » ka mndu, tata husaŋ husa zwaŋama ni katsi ná, tsakalawi tsa ta tsakal tsa mndu ya, ɗvu a ta Lazglafta wa. Ka ɗvu a mndu ta zwaŋama ni ya nghaŋ tsi nda ira ni wu katsi ná, waká a dzaʼa ɗvutá Lazglafta ya kul nghaŋtá tsi na?