Lukwa 24:44 - Hdi

⁴⁴ Kaʼa nda həŋ mantsa: « Wana na skwi si ta mnə yu ŋa ghuni ma fitika nzakwa ɗa kawadaga nda kaghuni kazlay: “Inda skwi ya vindaf lu ta ghəŋa iʼi ma deftera Musa nda ya ma deftera la anabi, nda ya ma Zabura ná, dzaʼa magaku kəʼa ya kay,” » kaʼa nda həŋ.

Lukwa 24:44 Mawu Ofanana

Zlrafta 14:18

Ka sab Melkisedek mghama Salem, mnda dra skwi ŋa Lazglafta Dagala, ka klaktá tsi ta buradi nda ima inabi.

Zlrafta 22:18

Nda ma hahəŋ, dzaʼa tfanagha tfa yu ta wi ta inda mndəra mnduha ta ghəŋa haɗik, kabga sna sna ka ta lwa ɗa, » kaʼa.

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Danyel 7:13

Ka nghə yu manda skwi ma suni girviɗik, ta sana skwi manda mnda səla, ta saha ma ghwayak ta luwa. Ka lagha tsi da tsa mndu daga bamma ya, ka kladaghatá lu da tsi.

Mbsak 21:8

Ka Yawe nda Musa mantsa: « Magaf maga gha ta nahaɗik ka gruma, ka hagata ka ta udzu nda slra dzugwa lu. Inda mndu ya nda hiʼida, ka nghanavatá tsi, dzaʼa mbaku, » kaʼa.

Mbsak 35:25

Dzaʼa katap kata guyatá ghəŋ ta tsa mndu ta dzatá mndu ya ma dzva mnda plamta ya, ka vriŋta da luwa hwaya mataray, ma tsa vli si ɗifaghuta tsi ya. Dzaʼa nza nza hada ha ta mtatá mali ta ghəŋa gwal dra skwi ŋa Lazglafta fam lu ma slna nda ma pghanaghatá rɗi nda ghuɓa ya.

Mata 1:22

Inda tsaya ná, magu maga ŋa dzanaghatá ghəŋa skwi ya mnigiŋ Mgham Lazglafta nda ma wa anabi kazlay:

Mata 16:21

Daga ma tsa fitik ya zlrafta *Yesu ta tsalinistá duhwalha ni kazlay: « Dzaʼa dzaʼa yu da luwa Ursalima, dzaʼa ghuyɗipghuya la galata mndu, nda la mali ta ghəŋa gwal dra skwi ŋa Lazglafta, nda gwal tagha zlahu ŋa mnduha ta ɗaŋwa katakata. Ŋa dzata taŋ ta iʼi. Baɗu mahkən ya, ŋa sliʼagapta ɗa ma mtaku nda hafu, » kaʼa.

Mata 26:54

Kinawu tama dzaʼa nzakwa dzata ghəŋa skwi ya nda vinda ma deftera Lazglafta ta mnay kazlay: Mantsa ya dzaʼa magakwa tsi kəʼa ya? » kaʼa.

Mata 26:56

Kəl na skwiha na ka magaku ná, nda nza ŋa dzanaghata ghəŋa skwi ya vindaf la anabi ma deftera Lazglafta, » kaʼa. Ka gi hwayaghutá inda duhwalha Yesu krawats ka zlanavata.

Markus 9:31

kabga ta tagha skwi ŋa duhwalha ni. Wya skwi ta mnə tsi ŋa taŋ: « Dzaʼa ksaf ksa lu ta *Zwaŋa mndu ka vlata ma dzva mnduha ŋa dzata taŋ. Baɗu mahkən, ŋa sliʼafta ni nda hafu. »

Lukwa 21:22

Mantsa ya dzaʼa tsanaghata Lazglafta ta guma ta mnduha ni, ŋa hɗanamtá ghəŋa skwi ya nda vinda ma deftera Lazglafta.

Lukwa 22:37

Ka yu ta mnaghunata ná, nana gwaɗa Lazglafta ta mnay kazlay: Tekw tsatsi mataba gwal pslatá mnduha kəʼa ya, ka nza tsi ta ghəŋa iʼi manda tsa. Ndanana, wana tsa skwi mnaf lu ta iʼi ya dzaʼa magaku, » kaʼa.

Lukwa 24:46

Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.

Lukwa 9:22

Kaʼa sganaghata guli na, « dzaʼa ghuyay *Zwaŋa mndu ta ɗaŋwa katakata, dzaʼa wɗiŋwɗa la galata mndu nda gwal mali ta ghəŋa gwal dra skwi ŋa Lazglafta, nda gwal tagha zlahu ŋa mnduha. Dzaʼa dza dza lu, ŋa sliʼagaptani nda hafu baɗu mahkən, » kaʼa.

Lukwa 9:44

« Fawa fa ta sləməŋ ɗina, ka sna na skwi dzaʼa yu mnaghunata na. Dzaʼa ksaf ksa lu ta *Zwaŋa mndu, ka vlata ma dzva mnduha, » kaʼa.

Yuhwana 3:14

Manda va ya kapadaf Musa ta nahaɗika ghuva tili ta udzu ma mtak ya, manda va tsaya dzaʼa kapadafta lu ta Zwaŋa mndu,

Yuhwana 5:39

« Ta ndiʼa ndiʼa kuni ka tagha skwi ya nda vinda ma gwaɗa Lazglafta kabga mida dzaʼa mutsa ŋni ta hafu ŋa kɗekedzeŋ ka kuni. Tsa gwaɗa Lazglafta nda vinda ya ná, ta ghəŋa iʼi ta gwaɗa tsi.

Yuhwana 5:46

Ka má zlghaf zlgha kuni ta Musa katsi ná, má zlghaf zlgha kuni ta iʼi guli, kabga vindafta ghəŋa iʼi tsatsi ta gwaɗa.

Slna gwal ghunay 13:33

magama ta amu, ta nzakway ka zivira taŋ ya Lazglafta, ma sliʼaganaptani ta Yesu ma mtaku. Wya skwi nda vinda ma Zabura his: “Zwaŋa ɗa ka, gita yata yu ta kagha,” kaʼa.

Slna gwal ghunay 13:40

Ɗaswa ka kuni tama, da slaghunaghatá skwi mnə la anabi kazlay:

Slna gwal ghunay 2:27

kabga zlanata a ka ta hafa ɗa ma vla gwal nda rwa wu, zlaŋta a ka ta iʼi ta nzakway ka ŋərma mnda gha ŋa rwuta ma kulu wu,

Slna gwal ghunay 3:18

Mantsa ya dzanaghata Lazglafta ta ghəŋa skwi ya mna tsi manda ghalya nda ma wa inda la anabi kazlay: Dzaʼa ghuyay Kristi ta ɗaŋwa kəʼa.

Slna gwal ghunay 7:37

Tsa Musa ya ta mnay nda zwana la Israʼila guli kazlay: Dzaʼa klagap kla Lazglafta ta anabi manda iʼi mataba la ghuni ya kəʼa.

Hebru 10:1

Zlaha Musa ná, vərɗaka nziɗiɗa tsa skwi ta sagha ya a wu, fuwatani ya. Laviŋ a ɗekɗek ta payaftá gwal ta gavanavatá Lazglafta ŋa nzakwa taŋ manda ya ta kumay tsi wa. Waká tsa pla ghəŋ ta gɗata lu ta magay inda fitik, vaku nda vaku ya dzaʼa ghuɓiŋta həŋ ta wa ira Lazglafta na?

Hebru 3:5

Musa ná, ŋərma mndu ya ma slna si ta mag tsi ma inda həga Lazglafta. Slənani ná, mnanaŋtá mnduha ta skwiha má dzaʼa mnə Lazglafta ya.

Hebru 7:1

Tsa Melkisedek ya ná, si mghama luwa Salem ya. Mali ta ghəŋa gwal ksa slna Lazglafta Dagala ya guli. Ka sliʼaftá tsi ka laghu da guya Abraham ta vrakta ta kwarafta sana mghamha nda vulu. Ka tfanaghatá tsi ta wi.

Hebru 9:8

Mantsa ya kumaŋta Sulkum nda ghuɓa ta mnamaŋta kazlay: Haɗ tvi ŋa lami da tsa huɗi nda ghuɓa katakata ya, ka ta gɗava gɗa tsa taŋtaŋa huɗi ya wa.

1 Piyer 1:11

Ka mnə Sulkuma Kristi, ta nzakway ma ŋuɗufa taŋ ta gwaɗa ta ghuya ɗaŋwa ya dzaʼa ghuyta Kristi, ma kɗaku tsi mutsa glaku. Ka ŋavatá tsa anabiha ya ka psa snaŋta, ka yawu dzaʼa magakwa tsa skwi ya, nda ya ka kinawu kəʼa dzaʼa magaku ya.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.