Lukwa 24:27 - Hdi

²⁷ Ka zlraftá Yesu ta rusa gwaɗa ta ghəŋa ni manda ya mna i Musa nda inda la anabi ma deftera Lazglafta.

Lukwa 24:27 Mawu Ofanana

Zlrafta 12:3

Dzaʼa tfanagha tfa yu ta wi ta gwal dzaʼa tfa wi ŋa gha. Dzaʼa ksiʼaf ksiʼa yu ta gwal dzaʼa ksiʼa kagha. Nda ma kagha dzaʼa mutsa inda mndəra mndu ta haɗik ta tfa wi, » kaʼa.

Zlrafta 22:18

Nda ma hahəŋ, dzaʼa tfanagha tfa yu ta wi ta inda mndəra mnduha ta ghəŋa haɗik, kabga sna sna ka ta lwa ɗa, » kaʼa.

Zlrafta 26:4

Dzaʼa yanaf ya yu ta zivira gha manda tekwatsaha ta luwa, dzaʼa vlaŋ vla yu ta inda tsa kwakwarha ya ta zivira gha. Dzaʼa mutsaf mutsa inda mndəra mnduha ta ghəŋa haɗik ta tfa wi nda ma zivira gha,

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

Danyel 7:13

Ka nghə yu manda skwi ma suni girviɗik, ta sana skwi manda mnda səla, ta saha ma ghwayak ta luwa. Ka lagha tsi da tsa mndu daga bamma ya, ka kladaghatá lu da tsi.

Mbsak 21:14

Tsaya kəl lu ka mnay ma deftera Vuluha Yawe kazlay na: « ...Wahev ma Sufa nda didiŋaha. Arnuŋ,

Markus 4:34

Inda ŋa ni ma gwaɗa nda həŋ ná, ba nda mahdihdi. Ama nzata taŋ nda ghəŋa taŋ nda duhwalha ni ya ná, tsislanaptani ta həŋ.

Lukwa 24:25

Ka Yesu nda həŋ mantsa: « Mnduha kul haɗ mahizl ma ghəŋa taŋ, ta daramay nda darama ta zlgha inda skwi mna la anabi!

Lukwa 24:44

Kaʼa nda həŋ mantsa: « Wana na skwi si ta mnə yu ŋa ghuni ma fitika nzakwa ɗa kawadaga nda kaghuni kazlay: “Inda skwi ya vindaf lu ta ghəŋa iʼi ma deftera Musa nda ya ma deftera la anabi, nda ya ma Zabura ná, dzaʼa magaku kəʼa ya kay,” » kaʼa nda həŋ.

Yuhwana 1:45

Tahula tsa, ka guyatá Filip nda Natanayel guli. « Slanagha sla ŋni ta tsa mndu vindaf Musa ta gwaɗa ta ghəŋa ni ma deftera zlahu nda ya ta mnə la anabi ta gwaɗa ta ghəŋa ni ya kay. Yesu zwaŋa Yusufu mnda la Nazaret ya, » kaʼa nda tsi.

Yuhwana 12:41

Ma tsa fitika nghaŋta Isaya ta glakwa *Yesu ka mnə tsi ta gwaɗa ta ghəŋa ni ya, mnata tsi ta tsa gwaɗa ya.

Yuhwana 5:37

Tsa Da ta ghunigihata ya, ta mnaŋtá gwaɗa ta ghəŋa ɗa. Aŋ mndani ta walaŋ a kuni ta snaŋtá lwa ni wa. Ta walaŋ a kuni ta nghaŋtá kuma ni guli wa.

Yuhwana 5:39

« Ta ndiʼa ndiʼa kuni ka tagha skwi ya nda vinda ma gwaɗa Lazglafta kabga mida dzaʼa mutsa ŋni ta hafu ŋa kɗekedzeŋ ka kuni. Tsa gwaɗa Lazglafta nda vinda ya ná, ta ghəŋa iʼi ta gwaɗa tsi.

Slna gwal ghunay 10:43

Inda la anabi ná, mna mna həŋ ta ghəŋa ni kazlay: Dər wati ma mndu ta zlghafta dzaʼa mutsay ta planatá dmakwa ni, nda ma mbrakwa hga ni, » kaʼa.

Slna gwal ghunay 3:18

Mantsa ya dzanaghata Lazglafta ta ghəŋa skwi ya mna tsi manda ghalya nda ma wa inda la anabi kazlay: Dzaʼa ghuyay Kristi ta ɗaŋwa kəʼa.

Slna gwal ghunay 3:22

Ka Musa na: “Dzaʼa klagap kla Lazglafta ghuni ta anabi manda iʼi, mataba la ghuni, ŋa snay ghuni ta inda skwi dzaʼa tsi mnaghunata.

Slna gwal ghunay 3:24

Kahwathwata ná, mnaŋna mna inda la anabi, zlrafta ni ta Samuyel, ha ka sabi ta sanlaha ta zlagapta tahula tsatsi, ta gwaɗa ta na fitika amu gitana na.

Slna gwal ghunay 7:37

Tsa Musa ya ta mnay nda zwana la Israʼila guli kazlay: Dzaʼa klagap kla Lazglafta ta anabi manda iʼi mataba la ghuni ya kəʼa.

Slna gwal ghunay 8:35

Ka zlraftá Filip ta gwaɗa ta ghəŋa tsa vli dzaŋaf tsi ya, ka mnanaŋtá tsi ta *Lfiɗa Gwaɗa ta ghəŋa *Yesu.

Vrafta ta zlahu 1:45

Ma vrakta ghuni, ka taw kuni ta taw ta kəma Yawe, ama faghuna a ta sləməŋ wu, ka kwalaghutá tsi ta sna tawa ghuni.

Vrafta ta zlahu 18:15

Ka Musa guli mantsa: « Dzaʼa klagap kla Yawe, Lazglafta ghuni ta anabi manda iʼi mataba la ghuni, ŋa ni dzaʼa kuni snay.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.