Lukwa 24:26 - Hdi

²⁶ Nza a tkweʼ ka ghuyay *Kristi ta tsa ɗaŋwaha ya ma kɗaku tsi ka lami da glakwa ni ra? » kaʼa nda həŋ.

Lukwa 24:26 Mawu Ofanana

Zlrafta 22:6

Ka klaftá Abraham ta tsa hasuʼu ŋa dra skwa pla ghəŋ ya ka fanaghatá Izak zwaŋa ni, klafha ma dzva ni ta skwi ŋa tsa vu nda maŋa, ka laghu həŋ his his kawadaga.

Danyel 9:26

Tahula tsa luma mkuʼ mbsak his mida ya, dzaʼa dza dza lu ta tsa mgham ta zlagapta pghanagha lu ta rɗi ya. Haɗ mndu dzaʼa mista ni wu. Tahula tsa, ŋa sagha sana mgham nda sludziha ni vlunduɗ zaɗanatá luwa nda vli ya nda ghuɓa. Dzaʼa gi sagha sa kɗavakta ni nda ndaghatá vli da imi. Ama ha kɗavakta ni dzaʼa vulay ta vulu, dzaʼa zaɗana zaɗa ta inda skwi manda ya kura lu.

Lukwa 24:44

Kaʼa nda həŋ mantsa: « Wana na skwi si ta mnə yu ŋa ghuni ma fitika nzakwa ɗa kawadaga nda kaghuni kazlay: “Inda skwi ya vindaf lu ta ghəŋa iʼi ma deftera Musa nda ya ma deftera la anabi, nda ya ma Zabura ná, dzaʼa magaku kəʼa ya kay,” » kaʼa nda həŋ.

Lukwa 24:46

Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.

Lukwa 24:7

Kaʼa mnata na: “Nda nza tkweʼ ka klaftá *Zwaŋa mndu ka fanamtá gwal dmaku ma dzvu, ŋa dzata ta udza zləŋay, ŋa sliʼagaptani nda hafu ma mtaku baɗu mahkəna fitik kəʼa ya”. »

Yuhwana 2:22

Tsaya kəl duhwalha ni tahula sliʼagaptani ma mtaku, ka havaktá skwi ya mna tsi. Ka zlghaftá həŋ ta skwi ya nda vinda ma gwaɗa Lazglafta, nda gwaɗa Yesu ta mnata tani.

Yuhwana 20:9

Tsaw si ta graf a həŋ ta skwi mna defteri kazlay: Dzaʼa sliʼagap sliʼa Yesu mataba gwal nda rwa kəʼa wa.

Slna gwal ghunay 17:3

Ka paslay ŋa taŋ, ka mnay kazlay: Dzaʼa ghuy ghuya *Kristi ta ɗaŋwa, dzaʼa sliʼagap sliʼa nda hafu mataba gwal nda rwa kəʼa. « Tsəna *Yesu ta mnə yu ŋa ghuni na ná, tsaya tsa Kristi ya, » kaʼa.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

1 Piyer 1:11

Ka mnə Sulkuma Kristi, ta nzakway ma ŋuɗufa taŋ ta gwaɗa ta ghuya ɗaŋwa ya dzaʼa ghuyta Kristi, ma kɗaku tsi mutsa glaku. Ka ŋavatá tsa anabiha ya ka psa snaŋta, ka yawu dzaʼa magakwa tsa skwi ya, nda ya ka kinawu kəʼa dzaʼa magaku ya.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,