Lukwa 23:41 - Hdi

⁴¹ Ŋa u ná, rakwa ni tsaʼuwaghatá guma, kabga nisəla slna u maga u ŋu u ta mutsafta. Tsatsi, haɗ skwi ga tsi wu, » kaʼa.

Lukwa 23:41 Mawu Ofanana

2Rus 33:12

Ma tsa nzakwa ni ma ghuya ɗaŋwa ya, ka zbə tsi ta lɓanatá ŋuɗuf ta Yawe, Lazglafta ni, ka hanaganatá tsi ta ghəŋ katakata ta kəma Lazglafta dzidzíha ni.

Izra 9:13

Ari Lazglafta ɗa, inda ghwaɗaka skwi ta slaŋnaghata ná, slaŋnagha sla kabga vəl magata ŋni ta skwi kul ɗinaku, dagala krughuva ŋni. Tsaw kulaf a kagha ta sanlaha ma dmakuha ŋni wa. Ka zlanatá ka ta na aŋni na, nda hafu.

Nəhemiya 9:3

Tahula tsa, ka sladatá həŋ ma vla taŋ. Ka magatá lu ta ler hkən ta dzaŋa deftera zlaha Yawe, Lazglafta taŋ. Ka magatá həŋ ta ler hkən guli ta manigiŋtá ta dmakuha, ta tsəlɓə ta kəma Yawe, Lazglafta taŋ.

Danyel 9:4

Ka mag yu ta duʼa da Yawe, Lazglafta ɗa, ka mnanaŋtá yu ta dmakuha ŋni, ka yu mantsa: « Ar Mgham Lazglafta, dagala ka, ka makwitkwit ka, ta ŋanata dzratá wi nda zɗaku, nda gwal ya ta ɗvutá kagha, nda gwal ta ŋanatá zlahuha gha:

Mata 27:19

Ta nzaku Pilat ma vla tsa guma tama, ka ghunafta markwa taŋ ta mndu ŋa mnanata kazlay: Ma fam ka ta ghəŋa gha ma gwaɗa ta na mndu kul haɗ dmakwa ni na. Ya ghuy ghuya yu ta ɗaŋwa katakata ta ghəŋa na mndu na ma suna ɗa ta na rviɗik gita u na kəʼa.

Mata 27:24

Nghay Pilat ná, zlramta a mataba taŋ wu, ta sgaku nda sga sliʼavafta ŋuɗufa mnduha, ka taʼatá tsi ta imi, « wya dzva ɗa, wya dzva ɗa, » kəʼa mbaziŋtá dzva ni ta kəma mnduha. « Sab sa dzva ɗa ta ghəŋa gwaɗa ta na mndu na, dzik nda kaghuni tsa, » kaʼa.

Mata 27:4

« Gaga yu ta dmaku ta vlatá mndu kul haɗ dmakwa ni ŋa dzata, » kaʼa nda həŋ. « Nu gwaɗa aŋni! Dzik nda kagha tsaya, » ka həŋ nda tsi.

Mata 27:54

Nghay mghama sludza la Ruma nda sanlaha ma sludzi kawadaga nda tsi ta ngha Yesu ta tsa gigɗavafta haɗik, nda tsa skwi ta magaku ya ná, ka ksutá zləŋ ta həŋ katakata. « Kahwathwata ná, Zwaŋa Lazglafta na mndu na, » ka həŋ.

Lukwa 23:40

Ka sani dvanaghata mantsa: « Wana kagha ta ghuyay ghuyay manda tsatsi, zləŋa a kagha ta Lazglafta ra?

Lukwa 23:42

Kaʼa tahula tsa guli mantsa: « Ka havapta ka ka iʼi baɗu saghar ka da ga mgham, » kaʼa nda Yesu.

1Tes 2:10

Nda sna kaghuni kazlay: Nda nza kaghuni ka masləmtsəka ŋni kəʼa. Mantsa ya nzakwa ni da Lazglafta guli. Ka ŋərma mnduha nzata ŋni da kaghuni, ka mnduha Lazglafta, ka gwal tɗukwa nzakwa ŋni, haɗ sana skwi ŋa tsaŋnavata wa.

Yakubu 4:7

Hanaganawa hana ta ghəŋa ghuni ŋa Lazglafta, ka pgha kuni ta ghəŋ nda halaway ŋa hwayaghuta ni diʼiŋ nda kaghuni.

1 Piyer 1:19

ama nda usa Kristi ta bluta varata lu ta kaghuni. Manda zwaŋa tuwak kul haɗ maslivinza, kul haɗ rɗak tida ya, na tsa Kristi ya.

1 Piyer 2:23

Ma fitika razay mnduha, vranam a ta həŋ nda razu wa. Ma fitika ghuyay lu ta ɗaŋwa ŋa ni, tha a kazlay: Nyaʼ, kabgawu na kəʼa wa. Ka zlanaŋtá tsi ta ghəŋa ni ta Lazglafta ya ta tsa guma nda tva ni ya.