Lukwa 22:37 - Hdi

³⁷ Ka yu ta mnaghunata ná, nana gwaɗa Lazglafta ta mnay kazlay: Tekw tsatsi mataba gwal pslatá mnduha kəʼa ya, ka nza tsi ta ghəŋa iʼi manda tsa. Ndanana, wana tsa skwi mnaf lu ta iʼi ya dzaʼa magaku, » kaʼa.

Lukwa 22:37 Mawu Ofanana

2Kwa 5:21

Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.

Lukwa 23:32

Mamu sanlaha ma ghwaɗaka mndu his guli ta hlu lu ŋa dzaʼa pslatá həŋ kawadaga nda Yesu.

Galat 3:13

*Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.

Yuhwana 17:4

Maraŋ mara yu ta glakwa gha ta ghəŋa haɗik, kɗiŋ kɗa yu ta magatá slna ya vliha ka ŋa magay.

Yuhwana 10:35

Nda sna mu kazlay: Haɗ mndu dzaʼa laviŋtá hərɗiŋta skwi nda vinda ma deftera Lazglafta wu kəʼa. Tsaw lazglaftaha kuni ka Lazglafta tsanaftá hgu ta mnduha ta mnə tsi ta gwaɗa ni ŋa taŋ.

Lukwa 18:31

Ka hgadaghatá *Yesu ta duhwalha ni ghwaŋpəɗ his da tsi, kaʼa nda həŋ mantsa: « Wana mu ta dzaʼa da Ursalima hada dzaʼa kɗafta skwi vindaf la anabi ta ghəŋa *Zwaŋa mndu.

Lukwa 22:22

Wya teʼuwa dzaʼa mtaku *Zwaŋa mndu manda ya ghada Lazglafta ta mnata, ama ɗaŋwa ni ma mndu dzaʼa vlatá Zwaŋa mndu ma dzva mnduha ŋa dzata! » kaʼa.

Markus 15:27

Ka zlaŋaftá həŋ ta gəndaha his ta sana udzuha ta vata ni, pal nda ga zeghwa ni, pal nda ga zlaɓa ni.

Lukwa 22:36

« Ndana tama, ka mamu tseda mndu, ka klafta tsi, ka mamu zliba mndu, ka klafta tsi guli, ka haɗ kafay da mndu wu katsi, ka skwapta tsi ta lguta huɗa ni ŋa skwata.

Lukwa 22:52

Ka Yesu nda tsa la mali ta ghəŋa gwal dra skwi ŋa Lazglafta, nda la mali ta ghəŋa gwal ngha həga Lazglafta, nda la galata mndu ta sliʼadaghata da ksay ya mantsa: « Nya kəl kuni ka sliʼakta nda kafay nda kafay, nda sarak nda sarak na, gənda yu ra?

Lukwa 24:27

Ka zlraftá Yesu ta rusa gwaɗa ta ghəŋa ni manda ya mna i Musa nda inda la anabi ma deftera Lazglafta.

Markus 15:28

[Mantsa ya kɗavakta skwi mnə gwaɗa Lazglafta kazlay: Nda mbəɗa mataba mbsaka gwal ta maga ghwaɗaka skwi,] kəʼa.