33 Dzaʼa lula luwa nda haɗik, gwaɗa ɗa ná luta a ɗekɗek wu, » kaʼa.
Luwa nda haɗik ná, dzaʼa kɗu kɗa. Ama gwaɗa ɗa ná, haɗ dzaʼa kuɗuta wa. Nzawa nza hzleŋa, yaha kuni hani.
Dzaʼa lula luwa nda haɗik, ama gwaɗa ɗa ná, walaŋta a ta luta wa. »
Kahwathwata ka yu ta mnaghunata: Ka ta tekeʼa luwa nda haɗik katsi, haɗ sana skwi dər neɗ, dər ndəheɗ dzaʼa wuɗanaghuta lu mataba zlaha Musa, ha ka lagha ni ta fitika kɗavakta inda skwi wa.
Ama gwaɗa Lazglafta ná, ŋa kɗekedzeŋ nzakwa ni, » kaʼa. Tsa gwaɗa ya ná, tsaya Lfiɗa Gwaɗa ya mnaghuna lu.
Tahula tsa, ka nghaŋtá yu ta sana dughuruk ka ŋusliŋ dagala, ta nzaku mndu tida. Ka nutá haɗik nda luwa lay ta kəma ni. Nghəglaŋta a lu ta həŋ wa.
Tsaw mal ndəkweɗata hərɗuta luwa nda haɗik ka dəɗavaghuta thatá skwi turtuk ma zlahu, » kaʼa.
Kahwathwata ka yu ta mnaghunata, haɗ na mnduha gitana na dzaʼa rwuta demdem, ma kɗaku inda tsa skwiha ya ka magaku wa.
