Lukwa 21:1 - Hdi

¹ Kəʼa ka *Yesu fatá iri ná, ta pgha tsedi gwal gadghəl da akwata pgha tsedi ma həga Lazglafta.

Lukwa 21:1 Mawu Ofanana

1Mgh 14:26

Ka hlaghatá tsi ta skwa gadghəl ma həga Yawe, nda ya ma həga ga mgham. Ka hlaghatá tsi nekwnekw. Ka hlaghatá tsi ta inda zalamha ka dasu ka dasu ya si mamagaf Salumuŋ.

2Mgh 12:9

Ka tsuʼaftá gwal dra skwi ŋa Lazglafta ta kwal zlghəgəltá tsedi da mnduha, nda kwal kul nghəglanaghatá paya həga Lazglafta.

2Mgh 24:13

Ka hlaghatá Nevuhadnetsar ta inda gadghəl ma dzuguva ɗifa skwa gadghəl ma həga Yawe, nda ya ma həga gá mgham. Ka dzaɓiŋtá tsi ta inda huzlaha ka dasu ma həga Yawe si magaf Salumuŋ, mghama la Israʼila ya. Magu maga tsaya taɓta gwaɗa manda ya mna Yawe.

2Rus 36:18

Ka hlaghatá tsa mghama Babila ya ta inda huzla ma həga Lazglafta, nda ya dagala tani, nda ya kwitikw tani, nda skwa gadghəl tani ma həga Yawe, nda ya ga mgham, nda ya ga maliha ta maganatá slna.

Nəhemiya 13:13

Ka pghatá yu ŋa ngha tsa dzuguva ɗifa skwi ya ta i Selemya mnda dra skwi ŋa Lazglafta, nda Tsaduk mnda tagha zlahu, nda Pədaya tekw mataba la Levi, fanavaha yu ŋa kataŋtá həŋ ta Hanaŋ zwaŋa Zakur zwaŋa Mataniya. Tsa hahəŋ ya ná, vərɗa mnduha həŋ, hahəŋ dzaʼa dga skwiha ŋa pɗakwa mnduha taŋ.

Mata 27:6

Ka hlafta la mali ta ghəŋa gwal dra skwi ŋa Lazglafta ta tsa tsedi ya. « Ra a ka gwafta na tsedi na nda tsedi ma vla tskatá skwa Lazglafta wu, kabga tseda nasa ya, » ka həŋ.

Lukwa 20:47

Hahəŋ gwal ta tskugudunustá skwa miʼa wadgu. Ta slriŋslra həŋ ta maga duʼa ŋa ghubu. Dzaʼa tsanagha tsa lu ta guma ta həŋ katakata, » kaʼa.

Yuhwana 8:20

Ta tagha skwi ma daɓa həga Lazglafta mna tsi ta tsa gwaɗaha ya, ta nzaku ndusa nda vla pgha tsedi. Sew haɗ mndu ta faftá dzvu tida wu, kabga ta sagha a fitika ni wa.

Yəhusuwa 6:19

Inda tsedi, nda dasu tani, nda inda huzlaha ka ghuva tili tani, nda kfur tani, dzaʼa nzaku tsaha ya ŋa Yawe, ŋa pghamta ghuni ma dzuguva ɗifa skwi ŋa Yawe, » kaʼa.

Yəhusuwa 6:24

Ka driŋtá həŋ nda vu ta tsa luwa ya, nda inda skwiha mida tani. Skwi kweŋkweŋ zlana həŋ na: Tsedi, nda dasu, nda huzlaha ka ghuva tili, nda ya ka kfur. Ka hlaftá həŋ ka pghamta ma dzuguva ɗifa skwi ŋa Yawe.