Lukwa 2:40 - Hdi

⁴⁰ Ka glaku tsa zwaŋ ya, ka sifaku tsi, dagala ɗifil ma ghəŋa ni, kawadaga zɗakwa Lazglafta guli nda tsi.

Lukwa 2:40 Mawu Ofanana

Lukwa 1:80

Mbaɗa tsa zwaŋ ya ka glaku, ka sgaku mbrakwa ni ma Sulkum, ka nzatá tsi ma mtak ha ka sagha fitik kəl tsi ka maraŋtá nzakwa ni baŋluwa da la Israʼila.

Lukwa 2:47

Faflara, ka tsa gwal ta sna tsa zlgha wi ta zlghə tsi nda tsa snaŋtá skwa ni ya.

Lukwa 2:52

Ka glaku Yesu, ka sgaku ɗifila ni, ka zɗəganatá nzakwa ni ta Lazglafta nda mnduha tani.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Slna gwal ghunay 4:33

Nda kuzla nda kuzla ta gwaɗa gwal ghunay ta gwaɗa ta sliʼagapta Mgham *Yesu. Ka tfə Lazglafta ta wi ta ghəŋa taŋ demdem.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

2Tim 2:1

Kagha tama zwaŋa ɗa, mbra ta vgha ma zɗakatahuɗi vlama lu ma *Yesu *Kristi.

Gwal tsa guma 13:24

Ka yatá tsa marakw ya ta zwaŋa zgun, ka tsanaftá tsi ta hga ni ka Simsuŋ. Ka glaku tsa zwaŋ ya, ka tfanaghatá Yawe ta wi.

1Sam 2:18

Ta magay Samuyel ta slna ta kəma Yawe, zwaŋ nda suɗatá ifut ka liŋ ta vgha manda ŋa mnda dra skwi ŋa Lazglafta ya.

1Sam 2:21

Ka maranaŋtá Yawe ta zɗaku ta Hana, ka zlagh tsi ta huɗi ka yayatá zwana zgwana hkən, nda kuʼaha his. Ta glutá glakwa ni Samuyel tani ta kəma Yawe.

1Sam 2:26

Ka kəɗ tsa zwaŋ ka Samuyel ya ta glaku, zɗəgana zɗa ta Yawe, nda mnduha tani.

1Sam 3:19

Ka glaku Samuyel. Kawadaga Yawe nda tsi, haɗ gwaɗaha ya ta sab ma wa ni ta dɗaghuta ta haɗik wa.