Lukwa 18:23 - Hdi

²³ Na snaŋta ni ta tsa gwaɗa ya, suʼanak kuma ni kabga gadghəl ya katakata.

Lukwa 18:23 Mawu Ofanana

Mata 19:22

Na snaŋta tsa duhwal ya ta tsa gwaɗa ya, ka ɓasaftá tsi ta ŋuɗuf ka sliʼafta ka laghu, kabga gadghəl ya.

Markus 10:22

Na snaŋta tsa mndu ya ta tsa gwaɗa ya, ka laghu tsi nda ɓasatá ŋuɗuf, kabga gadghəl ya.

Lukwa 12:15

« Ɗasuwa ka kuni nda tsagana. Vəl nzakwa skwa mndu mamu ka nutá tsi ka gadghəl a kəl tsi ka nzata nda hafu wu, ka Yesu kay guli nda inda mnduha. »

Lukwa 18:22

Na snaŋta Yesu ta tsaya, kaʼa mantsa: « Turtuk skwi ta pɗəgədaghawta. La dzawiŋtá skwiha gha, ka daganafta ka ta tseda ni ta la ka pɗu, dzaʼa mutsay ka ta gadghəl ta luwa, ka vrakta ka, ka dzaʼa ka mista ɗa, » kaʼa.

Lukwa 18:24

Nghanata Yesu ta tsa suʼanaka ta ŋuɗufa ni ya, kaʼa mantsa: « Eʼ! Nda bla ka lama gadghəl da ga mghama Lazglafta.

Lukwa 19:8

Ka sladata Zakayus, kaʼa nda Mgham Yesu mantsa: « Sna ɓa Mghama ɗa! Dzaʼa daganaftá slɓahwa gadghəla ɗa yu ta la ka pɗu. Ka mamu mndu si hulgudunus yu ta skwa ni, fwaɗ səla dzaʼa planamta yu ta va tsa skwa ni ya guli, » kaʼa.

Lukwa 21:34

« Ɗaswa ka kuni da laghu kuni dzamtá ghəŋ ma skwi ŋa zay nda za, nda skwi ŋa say nda sa, nda ndana nzaku ma ghəŋa haɗik, da sagha tsa fitika sagha *Zwaŋa mndu ya ksaghunaghata dluk.

Lukwa 8:14

Sanlaha ma mnduha guli ná, manda hulfa ta rkamta da teki ya həŋ, snaŋta taŋ ta gwaɗa Lazglafta ka laghu həŋ da ndana nzaku ma ghəŋa haɗik nda zba gadghəl nda ndana zba skwi ta haraʼuwa iri, mantsa tama, mbaɗa tsa skwiha ya ka raghwa tsa gwaɗa ya, ka niŋta həŋ ka ksubaŋ.

Afisus 5:5

Wya skwi ŋa snaŋta ghuni: Haɗ gwal ta hliri, nda gwal ta maga skwa hula, nda gwal ta tsagana, dzaʼa mutsaftá skwa za mgham ma luwa ga mghama i Lazglafta nda Kristi wa. Tsa gwal malaghu mala ɗvafta taŋ ta tsagana ka Lazglafta ya ná, ka guram nda wya skwi tsaya.

Filip 3:8

Mantsa ya nzakwa ni, ka skwi bətbət inda tsa skwiha ya da iʼi, kabga nda sna yu ta Yesu Kristi Mghama ɗa. Malaghu mala tsatsi ta ghəŋa inda skwi, kəl yu ka pghiŋtá inda hamata skwi. Manda ŋəɗak ta ngha yu ta tsa skwiha ya, kada ndiʼafta yu ta vgha nda Yesu Kristi,

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

1 Yuhwana 2:15

Ma haraʼu kuni ta tva nzakwa mnduha ma ghəŋa haɗik. Ma laghu kuni ngha skwiha ma ghəŋa haɗik. Ka laghu la mndu da haraʼuwa skwiha ma ghəŋa haɗik katsi ná, ɗva a tsa mndu ya ta Da mu Lazglafta wa.