Lukwa 17:6 - Hdi

⁶ Ka Yesu tsuʼanaftá wa ni ta həŋ mantsa: « Ka mamu zlghay nda ŋuɗufa ghuni taɓta hya kramasa katsi, dzaʼa mnay kuni ŋa ya babala ya kazlay: Tɗaf tɗa ta vgha gha ka dzaʼa ka vzamtá vgha ma drəf kəʼa, ŋa snaghunatani. »

Lukwa 17:6 Mawu Ofanana

Mata 14:29

« Sagha sa! » kaʼa nda tsi. Ka sab Piyer ma kwambalu, ka mbaɗa ta imi ka dzaʼa nda da Yesu.

Mata 17:20

« Hta ta zlghay nda ŋuɗufa ghuni ta magay, » ka Yesu nda həŋ. « Kahwathwata ka yu ta mnaghunata ná, ka mamu zlghay nda ŋuɗuf kiʼa da kaghuni manda hya kramasa katsi ná, laviŋ lava kuni ta mnanatá ya ghwá ya kazlay: Sliʼaf sliʼa hadna ka dzaʼa ka da hada a kəʼa na, dzaʼa sliʼaf sliʼa. Haɗ sana skwi dzaʼa trəgadaghunaghuta wa.

Mata 21:21

Ka Yesu nda həŋ mantsa: « Kahwathwata ka yu ta mnaghunata, ka zlghaf zlgha kuni ta Lazglafta nda ŋuɗuf dgaŋ a kuni ta ghəŋ ɗekɗek wu katsi ná, skwi magana lu ta na ghuraf na yeya a dzaʼa kuni magay wa: “Ama, sliʼaf sliʼa hada ka vzamta ka ta vgha da drəf,” ka kuni dzaʼazlay nda ya ghwá ya ná, dzaʼa magaku manda va tsaya.

Markus 4:31

Tsa ga mghama Lazglafta ya ná, dzaʼa gray lu nda hya kramasa. Tsa hya kramasa ya ná, ndərzikw nzakwa ni mataba hulfaha ta ghəŋa haɗik, ama ka sləgam slga lu,

Markus 9:23

« Ka laviŋ lava ka ri waká ka? Nu dzaʼa kwal lu laviŋta magata ka zlghaf zlgha mndu nda ŋuɗuf na? » ka Yesu nda tsi.

Lukwa 13:19

Ka guram nda hya kramasa klaf sana mndu ka sləgamta ma gam, ka ɗyaftá tsi ka glafta gdiz, ka babaftá ɗyakha ta hga taŋ ta zligamaha ni ya nzakwa ni, » kaʼa.

Lukwa 17:7

« Ka mamu ya mataba ghuni ta hvanatahva ta mndu, ka ta nghanatá rini a tsi, na gi nghaŋta tsa mndu ya ta sagha ni ma vwah ná, “sawi misimmisim da za skwa zay” kaʼa dzaʼazlay nda tsi ra?

Lukwa 19:4

Ka hwayaghatá tsi nda ta kəma, ka ŋladafta ta sana fwa babala, ŋa nghaŋta Yesu ta lab nda ta tsa tvi ya.

Lukwa 7:13

Na nghaŋta Yesu ta tsa marakw ya, ka ksaftá tsi ka hiɗahiɗa. « Ma taw ka » kaʼa nda tsi.

Lukwa 7:19

Ka hgaftá Yuhwana ta gwal his mataba duhwalha ni, ka ghunaftá həŋ da Mgham *Yesu. Kaʼa nda həŋ mantsa: « Lawa la ɗawaŋta! Kagha tsa mndu snə ŋni dzaʼa sagha ya re, ari ka kəzla ŋni ta sana mndu a na? » ka kuni nda tsi.

1Kwa 13:2

Dər má mutsaf mutsa yu ta mbrakwa kla lwa Lazglafta, dər má nda sna yu ta inda skwi nda ɗifatá skwa Lazglafta tani, dər má mamu zlghay nda ŋuɗuf da iʼi ŋa sliʼanaftá ghwáha, ka haɗ yu ta ɗvutá mndu wu katsi, skwi bətbət yu.