Lukwa 17:25 - Hdi

²⁵ Makəɗ tsaya, dzaʼa ghuyapə ghuya ta ɗaŋwa katakata ŋa vziŋta na mnduha ta na fitik na.

Lukwa 17:25 Mawu Ofanana

Mata 16:21

Daga ma tsa fitik ya zlrafta *Yesu ta tsalinistá duhwalha ni kazlay: « Dzaʼa dzaʼa yu da luwa Ursalima, dzaʼa ghuyɗipghuya la galata mndu, nda la mali ta ghəŋa gwal dra skwi ŋa Lazglafta, nda gwal tagha zlahu ŋa mnduha ta ɗaŋwa katakata. Ŋa dzata taŋ ta iʼi. Baɗu mahkən ya, ŋa sliʼagapta ɗa ma mtaku nda hafu, » kaʼa.

Mata 21:42

Ka Yesu nda həŋ guli mantsa: « Ta walaŋ a kuni ta dzaŋafta skwi vindaf lu ma defteri ra? “Tsa pala wuɗidiŋ gwal ba həga ya, tsaya ta nuta ka vərɗa palaka tughwa həga. Tsaya ná, Lazglafta ta ɗvaftá nzakwa ni mantsa. Nda nza ka mazəmzəm ta wa ira amu.”

Markus 10:33

« Snawa sna ɓa! Wana mu ta dzaʼa da Ursalima. Hada dzaʼa ksafta lu ta *Zwaŋa mndu, ŋa vlaŋtá maliha ta ghəŋa gwal ta dra skwi ŋa Lazglafta, nda gwal tagha zlahu ŋa mnduha, ŋa tsanaghata taŋ ta guma ŋa dzata, ŋa vlaŋta taŋ ta gwal kul nzakway ka la *Yahuda,

Markus 12:10

Ta dzaŋaf a kaghuni ta vindata ni ma deftera Lazglafta manda ya kəʼa ta mnay ra? “Tsa pala wuɗidiŋ gwal ta ba həga ya, tsaya ta nuta ka vərɗa palaka tughwa həga.

Markus 8:31

Mantsa tama, ka zlraftá *Yesu ta taghay ŋa duhwalha ni kazlay: Dzaʼa ghuyapə ghuya *Zwaŋa mndu ta ɗaŋwa katakata. Dzaʼa wuɗidiŋ wuɗa la galata mnduha, nda maliha ta ghəŋa gwal ta dra skwi ŋa Lazglafta, nda gwal tagha zlahu ŋa mnduha tani. Dzaʼa dza dza lu, baɗu mahkən, ŋa sliʼagaptani nda hafu, kaʼa.

Markus 9:31

kabga ta tagha skwi ŋa duhwalha ni. Wya skwi ta mnə tsi ŋa taŋ: « Dzaʼa ksaf ksa lu ta *Zwaŋa mndu ka vlata ma dzva mnduha ŋa dzata taŋ. Baɗu mahkən, ŋa sliʼafta ni nda hafu. »

Lukwa 18:31

Ka hgadaghatá *Yesu ta duhwalha ni ghwaŋpəɗ his da tsi, kaʼa nda həŋ mantsa: « Wana mu ta dzaʼa da Ursalima hada dzaʼa kɗafta skwi vindaf la anabi ta ghəŋa *Zwaŋa mndu.

Lukwa 18:33

Tahula sləvapta taŋ nda krupi, ŋa dzata. Ta mahkəna fitik, ŋa sliʼagaptani. »

Lukwa 24:46

Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.

Lukwa 9:22

Kaʼa sganaghata guli na, « dzaʼa ghuyay *Zwaŋa mndu ta ɗaŋwa katakata, dzaʼa wɗiŋwɗa la galata mndu nda gwal mali ta ghəŋa gwal dra skwi ŋa Lazglafta, nda gwal tagha zlahu ŋa mnduha. Dzaʼa dza dza lu, ŋa sliʼagaptani nda hafu baɗu mahkən, » kaʼa.

Yuhwana 1:11

Sagha ni da mnduha, ka kwalaghuta mnduha ta tsuʼafta.

Yuhwana 12:38

Mantsa ya dzaʼa kəl tsi ka nzakway taɓta gwaɗa manda ya mna anabi Isaya kazlay: « Mghama ɗa, wa ta zlghaftá gwaɗa ya gwaɗa ŋni? Wa maranaŋ Mgham Lazglafta ta mbrakwa ni? »

1Sam 10:19

Ama kaghuni gita, ka vziŋtá kuni ta Lazglafta ghuni, ya ta mbaghunafta ma inda ɗaŋwaha ghuni, nda inda skwi ta ga zləŋ ŋa ghuni. Ka kuni nda tsi na: “Vlaŋna vla ta mghama ŋni!” ka kuni. Ndanana, sladawa slada ta kəma Yawe, ka mndəra mndu ka mndəra mndu, ka uʼa ka uʼa, » kaʼa.

1Sam 8:7

Ka Yawe nda Samuyel mantsa: « Snana sna ta həŋ, ka maga ka ta inda skwi dzaʼa mnaghata həŋ. Kagha a vziŋ həŋ wu, iʼi ya. Va a həŋ ta gay ɗa ta mgham ta ghəŋa taŋ wa.