Lukwa 16:9 - Hdi

⁹ « Ka iʼi ta mnaghunata na: Hlawa na ghwaɗaka skwa gadghəl ta na ghəŋa haɗik na, ka kasa kuni ta gra nda tsi. Baɗu kɗaghutani da kaghuni ya, ŋa tsuʼay Lazglafta ta kaghuni ma həga ni ŋa kɗekedzeŋ.

Lukwa 16:9 Mawu Ofanana

Danyel 4:27

kaʼa mantsa: « Iʼi a ta baftá na luwa Babila dagala na ŋa nzakwa ni ka həga ga mghama ɗa wu ra? Baf nda fərtatá mbrakwa ɗa yu, ŋa vlihatá sgit dagala ma ga mghama ɗa a yu wu ra? » kaʼa.

Mata 19:21

Ka Yesu nda tsi mantsa: « Ka ta kumay ka ta nzakwa gha hem katsi ná, la ka dzawiŋta ka ta inda skwa gha, ka daganafta ka ta tseda ni ta gwal ka pɗu. Dzaʼa mutsay ka ta gadghəl ta luwa, tahula tsa ka sagha ka, ka dzaʼa ka mista ɗa, » kaʼa.

Mata 6:19

« Ma tskana kuni ta gadghəla ghuni ta haɗik ma vli ya ta zuta zahar, ta ksuta mbəzlar, nda ya ma vli ta zlraghata ghaliha guli.

Mata 6:24

« Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Lukwa 11:41

Klawa skwi ma leghwa ghuni nda ya ma hliba ghuni, ka vla kuni ŋa gwal ka pɗu, tsaya dzaʼa kəl inda skwi ka nzaku tsuweɗaka da kaghuni.

Lukwa 12:33

Dzawiŋwa dzawa ta skwiha ghuni, ka dgiŋta kuni ŋa gwal ka pɗu ta tseda ni. Tskawa tseda ghuni ma vəl dzaʼa kwal kul ɓadzavata ta nzakway ta luwa. Hada, ksaŋta a ghali wu, ksaŋta a hzay guli wa.

Lukwa 14:14

Dzaʼa nza nza ka nda rfu kabga haɗ fitik dzaʼa plaghamta həŋ manda va tsaya wa. Lazglafta dzaʼa plaghamta baɗu fitik dzaʼa sliʼagapta tɗukwa mnduha nda hafu, » kaʼa.

Lukwa 16:11

Ka laviŋ a kuni ta ŋanatá ghwaɗaka skwa gadghəla na ghəŋa haɗik na wu katsi, wa dzaʼa mnay kazlay: Zlgha ta vərɗa skwa gadghəl kəʼa?

Lukwa 16:13

« Laviŋ a kwalva turtuk ta ga kwalva daŋahəga ni həga his wa. Nda husaŋta sani turtuk, nda ɗvuta ni ta sani. Ka mantsa a tsi wu, dzaʼa ndiʼanava ndiʼa ta vgha ta sani, ŋa husaŋta tsa sani ya. Laviŋ a kuni ta nzakway ka kwalva Lazglafta kuni guli na, ka kwalva tsedi kuni guli wa, » ka *Yesu.

Lukwa 16:4

Ala, nda sna yu ta skwi dzaʼa yu magay dzaʼa kəl mnduha ka tsuʼaftá iʼi ghəzləɗisrə lu dazlay,” kaʼa.

Slna gwal ghunay 10:31

Kaʼa nda iʼi mantsa: « Kwarney, sna sna Lazglafta ta duʼa gha, havap hava guli ka mbaha mnduha ta mbah ka.

Slna gwal ghunay 10:4

Ka nghə tsi ta tsa duhwala Lazglafta ya nda zləŋ nda zləŋ. Kaʼa mantsa: « Nya ní Mghama ɗa! » kaʼa. « Ɓhadafɓha tsa maga duʼa ta mag ka ya, nda tsa mbaha mnduha ta mbah ka ya da Lazglafta, kəl tsi ka havapta ka kagha.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

Yuda 1:21

Nzawa nza ma ɗvutá mnda Lazglafta. Fafwa ghəŋa ghuni hzleŋa ta zɗakatahuɗa Mghama mu Yesu Kristi ŋa mutsa hafu ŋa kɗekedzeŋ.