Lukwa 16:13 - Hdi

¹³ « Laviŋ a kwalva turtuk ta ga kwalva daŋahəga ni həga his wa. Nda husaŋta sani turtuk, nda ɗvuta ni ta sani. Ka mantsa a tsi wu, dzaʼa ndiʼanava ndiʼa ta vgha ta sani, ŋa husaŋta tsa sani ya. Laviŋ a kuni ta nzakway ka kwalva Lazglafta kuni guli na, ka kwalva tsedi kuni guli wa, » ka *Yesu.

Lukwa 16:13 Mawu Ofanana

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Mata 6:24

« Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Lukwa 11:23

« Mndu ya kul haɗ mista ɗa ná, nda iʼi gwaɗa ni. Mndu kul haɗ ta katihata ka tskanata ná, kwiziŋtá ŋa ni, » kaʼa.

Lukwa 14:26

« Ka sagha da iʼi mndu katsi, ba malaghutani ta ɗvutá iʼi ka i da ni nda ma ni, nda markwa taŋ, nda zwana ni, nda zwana ma ni, nda kwaghama ni, nduk nda vərɗa ghəŋa ni tani, kada nzakwa tsi ka duhwala ɗa.

Lukwa 16:12

Ka laviŋ a kuni ta ŋanatá skwa gadghəl wu ní, wa dzaʼa vlaghatá vərɗa ŋa gha ma skwi tama.

Lukwa 16:9

« Ka iʼi ta mnaghunata na: Hlawa na ghwaɗaka skwa gadghəl ta na ghəŋa haɗik na, ka kasa kuni ta gra nda tsi. Baɗu kɗaghutani da kaghuni ya, ŋa tsuʼay Lazglafta ta kaghuni ma həga ni ŋa kɗekedzeŋ.

Lukwa 9:50

« Ŋaw! Ma pyə kuni! Ka haɗ gwaɗa mndu nda kaghuni wu, mista ghuni tsa mndu ya, » ka *Yesu nda tsi.

Yakubu 4:4

Fkərwaha na! Sna a kuni kazlay: Ɗvutá ghəŋa haɗik ná, ga ghuma nda Lazglafta ya kəʼa ra? Mndu ya ta kuma ksa gra nda ghəŋa haɗik ná, ta kumay ta nzakway ka ghuma Lazglafta.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.