6 Triɗ, trap tra həŋ ta skwi ŋa zlghanaftá wa ni.
Triɗ, trap tra dər wa ta zlghanaftá wi. Daga baɗu tsa, haɗ mndu ta walglaŋta ɗawutá vli da tsi wa.
Ka ksutá tsa zlgha wa Yesu ya ta ghumaha ni ka hula. Ka rfu hamata sanlaha ma mnduha ta rfu ta ghəŋa inda ŋərma slna ta mag Yesu.
Triɗ trap tra həŋ ta ksaftá krughuva ni ma skwi ya ta mnə tsi ta kəma mnduha. Tsa zlgha wa ni yeya ta vlaŋtá ndərmimay ta həŋ katək, ka nzatá həŋ faflara.
Walglaŋ a həŋ ta ɗawglaŋtá sana skwi da tsi wa.
Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.
Tsaw laviŋ a həŋ ta ŋrapta nda gwaɗa wu, kabga vlaŋ vla Sulkum nda ghuɓa ta ɗifil ta Atiyen.
