Lukwa 13:15 - Hdi

¹⁵ « Tsa maɗgwirmaɗgwira ghuni ya! Haɗ inda kaghuni ta pla sla ni ka kəɗiha ni a tsi ta wa guduk ka klay da vla sa imi baɗu Sabat wu ra?

Lukwa 13:15 Mawu Ofanana

Mata 15:14

Zlaŋwa zla ta həŋ, la ghulpata mndu ta pgha ghulpata mnduha həŋ. Ka lagha ghulpata mndu ka pgha ghulpata mndu ná, dzaʼa rkagharka həŋ his his da ghurum, » kaʼa.

Mata 15:7

Tsa maɗgwirmaɗgwira ghuni ya! Nda tva ni tsa klatá lwa Lazglafta klak Isaya ta ghəŋa ghuni ta mnay kazlay:

Mata 23:13

« Ɗaŋwa ŋa ghuni gwal tagha zlahu ŋa mnduha, nda la *Farisa. Tsa maɗgwirmaɗgwira ghuni ya. Mbaɗa ka kuni ka hanaftá tgha ga mghama Lazglafta ta mnduha. Lam a vərɗa kaghuni wu, zlanaŋ a kuni ta tvi ta gwal ta kuma lami guli wa.

Mata 23:28

Manda va tsaya kaghuni guli. Ta nghadaghatá mnduha ta kaghuni ná, manda skwi tɗukwa nzakwa ghuni. Ama ta ghəŋa maɗgwirmaɗgwir, nda kwal kul sna gwaɗa da Lazglafta yeya ma kaghuni.

Mata 7:5

Tsa maɗgwirmaɗgwira gha ya. Tiŋəl ká ka kliŋtá dughusl ma ira gha karaku, kada nghaŋta ka ta vli ŋa kligiŋtá slimbitsa udzu ma ira zwaŋama gha. »

Lukwa 12:1

Mataba tsaya, ka tskadaghatá mnduha ta vgha ŋəɗdəm ta vata *Yesu ka ɓisla vgha sani ta vata sani. Ka Yesu nda duhwalha ni mantsa: « Ɗasuwa ka kuni nda Isa la *Farisa ta nzakway ka maɗgwirmaɗgwir ta mag həŋ ya.

Lukwa 14:5

Kaʼa nda həŋ tama mantsa: « Wa mataba ghuni ka dəɗaghadəɗa zwaŋa ni, ka sla ni a tsi da vavrəm baɗu Sabat dzaʼa kwal kul tɗigiŋta misimmisim na? »

Lukwa 6:42

Waká kagha ta mnay ŋa zwaŋama gha kazlay: Yaha ka klighista yu ta hiwir ma ira gha kəʼa, ya ngha a kagha ta dughusl ma ŋa gha iri na? Mndəra wa ni ma maɗgwirmaɗgwir tsa? Kligiŋ kla karaku ta dughusl ma ŋa gha iri, kada nghaŋta ka ta vli ŋa laviŋtá kligiŋtá hiwir ma ira zwaŋama gha. »

Lukwa 7:13

Na nghaŋta Yesu ta tsa marakw ya, ka ksaftá tsi ka hiɗahiɗa. « Ma taw ka » kaʼa nda tsi.

Lukwa 7:19

Ka hgaftá Yuhwana ta gwal his mataba duhwalha ni, ka ghunaftá həŋ da Mgham *Yesu. Kaʼa nda həŋ mantsa: « Lawa la ɗawaŋta! Kagha tsa mndu snə ŋni dzaʼa sagha ya re, ari ka kəzla ŋni ta sana mndu a na? » ka kuni nda tsi.