Lukwa 13:13 - Hdi

¹³ Ka faftá tsi ta dzvu tida, gi hada hada ka sladatá tsi ndəɗap, ka zləzlvu tsi ta Lazglafta.

Lukwa 13:13 Mawu Ofanana

Mata 9:8

Nghanata dəmga ta tsaya, ka ksutá tsi ta həŋ ka zləŋ. Ka zləzlvu həŋ ta Lazglafta ta vlaŋtá mndərga tsa mbraku ya ta mnduha.

Markus 16:18

Dər ksafha həŋ ta nahaɗik nda dzvu, dər suha həŋ ta gruma, haɗ sana skwi dzaʼa maganata tsi ta həŋ wa. Dzaʼa fafanaghafafa həŋ ta dzvu ta gwal kul ɗughwanaku, ŋa mbambafta taŋ, ka *Yesu nda həŋ.

Markus 5:23

Ka ŋavatá tsi ka ndəɓa dzvu da tsi, kaʼa mantsa: « Wa a makwa ɗa ta kala ghəŋ ta dzaʼa mtaku. Kdəkkdək, sawi ksaŋta nda dzvu ka mbafta tsi, ka nzakwa tsi nda hafu, » kaʼa nda tsi.

Markus 6:5

Tsaya kəl Yesu ka kwal kul magaŋtá mazəmzəm hada. Ka laghu tsi ksaŋta nda dzvu ta sanlaha ma mnduha kul ɗughwanaku, ka mbambanaftá tsi ta həŋ.

Markus 8:25

Ka pghəglaftá Yesu ta dzvuha ni ta iriha tsa mndu ya guli, ka nghaŋtá tsa mndu ya ta vli tsuwaɗak. Nda mba tama, nda ngha ta dagata skwiha.

Lukwa 13:12

Nghaŋta Yesu ta tsa marakw ya, ka hgaŋtá tsi. « Nda mba ka ma ɗaŋwa gha makwa ɗa, » kaʼa nda tsi.

Lukwa 18:43

Gi hada hada, nzuwiɗiɗ ira ni, ka sliʼaftá tsi ka dzaʼa mista Yesu nda zləzlva Lazglafta. Inda mndu ta nghaŋta ka zləzlvu tsi ta Lazglafta.

Lukwa 4:40

Manda dɗata fitik, ka hladaghatá gwal nda mnduha taŋ kul ɗughwanaku da ɗaŋwaha kavghakavgha ta həŋ da Yesu, ka fafanaghatá tsi ta dzvu ta həŋ, ka mbambanaftá həŋ.

Slna gwal ghunay 9:17

Ka sliʼaftá Hananiya tama ka laghu. Ka lam tsi da tsa həga ya. Ka fanaghatá tsi ta dzvu ta Sawul. Kaʼa nda tsi mantsa: « Sawul! Zwaŋama ɗa ka. Tsa Mgham Yesu ta maraghaŋtá ghəŋa ni ta tvi ya, ta ghunɗikta ŋa nghəglaŋta gha ta vli, nda ya ŋa ndəghaghafta nda Sulkum nda ghuɓa, » kaʼa.