Lukwa 11:15 - Hdi

¹⁵ Ka sanlaha mataba tsa dəmga ya mantsa: « Aʼ nda mbrakwa belzebul mgham ta ghəŋa duhwalha halaway ta ghazla tsi ta tsa duhwalha halaway ya! » ka həŋ.

Lukwa 11:15 Mawu Ofanana

Mata 10:25

Laviŋ lava mndu ta taghanata lu ta skwi ta nzakway ka guram nda mndu ta taghanatá skwi. Laviŋ lava kwalva ta nzakway ka guram nda daŋahəga ni həga ni guli. Ka si halaway, ka lu ta hga daŋahəga ni həga ya ní, kighkigh ká lu dzaʼa hga gwal ma tsa həga ya tama? »

Mata 12:22

Ka kladaghatá lu da *Yesu ta sana mndu ksu ghwaɗaka sulkum ta ghulpiŋta, ka tsiŋta ka rgha guli. Ka mbanaftá tsi. Ka gwaɗ tsa mndu ya ta gwaɗa tsəleŋ, ka nghaŋtá tsi ta vli tsiɗiɗ guli.

Mata 4:24

Ka tutá gwaɗa wdiɗ ta ghəŋa Yesu ta inda haɗika Siri. Ka hlədanaghatá lu ta inda gwal ɗaŋwa, nda gwal ta ŋəra ɗaŋwaha kavghakavgha, nda gwal nda ksa da halaway, nda gwal nda ksa da seteni, nda gwal nda rwa səla taŋ. Ka mbambə Yesu ta həŋ.

Mata 9:34

« Mghama ghwaɗaka sulkum ta vlaŋtá mbraku ta Yesu ta kəl tsi ka ghazla ghwaɗaka sulkumha, » ka la Farisa nda ŋa taŋ.

Yuhwana 10:20

Ka sanlaha ma həŋ mantsa: « Mamu duhwala halaway ma na mndu na, nda ksa da halaway, ŋaw ta sna kuni ta gwaɗa ta gwaɗ tsi na? » ka həŋ.

Yuhwana 7:20

Ka həŋ mantsa: « Nda ksa ka da halaway, wa ta zba kagha ŋa dzata na? » ka həŋ nda tsi.

Yuhwana 8:48

Ka la *Yahuda mantsa: « Ta ŋa ŋni a ta mnay kazlay: Mnda la Samari kagha, nda ksa ka da halaway kəʼa kay rke? » ka həŋ nda tsi.

Yuhwana 8:52

Ka la Yahuda nda tsi mantsa: « Ndanana grafta ŋni kazlay: Nda ksa ka da halaway kəʼa. Mtu mta Abraham, rwu rwa la anabi guli. “Ka sna sna mndu ta skwi ta tagh yu ná, haɗ dzaʼa mtuta ɗekɗek wu,” ka ka ná,