Lukwa 11:13 - Hdi

¹³ Ka si kaghuni ta nzakway ka ghwaɗaka mnduha ya, nda sna kuni ta vla skwi ɗina ŋa zwana ghuni ya ní, Da ya ta nzakway ta luwa yeya dzaʼa kwal kul vlaŋtá Sulkum ta mndu ta ɗawaŋta rki na? » kaʼa.

Lukwa 11:13 Mawu Ofanana

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

Mata 5:16

Manda tsaya dzaʼa tsuwaɗakakwa tsuwaɗaka ghuni ta kəma mnduha, kada nghaŋta həŋ ta ŋərma slna ta mag kuni, ŋa zləzlvay taŋ ta da ghuni ta luwa. »

Mata 5:45

Tsaya dzaʼa kəl kuni ka nzakway ka vərɗa zwana Da ghuni ya ta luwa, kabga tsatsi ta sliʼaganaptá fitik ta ghəŋa gwal kul zɗaku ghəŋa taŋ, nda ya ta ghəŋa gwal zɗa ghəŋa taŋ. Ta nzagazna ta imi ta ghəŋa tɗukwa mnduha, nda ya ta ghəŋa ghwaɗaka mnduha.

Mata 6:14

« Ka plinis pla kuni ta dmakwa mnduha ta magaghunata katsi, Da ghuni ta nzakway ta luwa ná, dzaʼa plighunis pla ta ŋa ghuni guli.

Mata 6:30

Ka si mantsa ya ta suɗanavata Lazglafta ta lgut ɗina ta kuzuŋ gita, ga mahtsima ni ŋa vzamta da vu ya ní, kaghuni yeya dzaʼa kwal tsi suɗavaghunata tama rki? Kay! Nda hta zlghay nda ŋuɗufa ghuni.

Mata 6:32

Inda tsaha ya ná, gwal kul snaŋtá Lazglafta ta psay. Nda sna Da ghuni ta luwa ta skwiha ta raku ka ŋa ghuni.

Mata 7:11

Ka si kaghuni ta nzakway ka ghwaɗaka mnduha, nda sna kuni ta klaftá ŋərma skwiha ka vlaŋtá zwana ghuni ya ní, Da ghuni ta luwa yeya dzaʼa kwal kul snaŋta klaftá skwiha ɗina ɗina, ka vlaŋtá gwal ta ɗawaŋta da tsi rki? »

Lukwa 11:12

Ari ka slislik a ɗawaŋ tsi ná, ŋa klafta ni ta rda ka vlaŋta na?

Lukwa 11:2

Ka Yesu nda həŋ mantsa: « Ta mag kuni ta duʼa, wya ka kuni da mnay: “Da ŋni ya ta nzakway ta luwa, ka snava sna hga gha nda ghuɓa, ka sagha sa ga mghama gha.

Lukwa 18:7

Lazglafta yeya dzaʼa kwal kul maganatá zɗaku ta mnduha ni ta wahu da tsi gifitik nda rviɗik tani ŋa gərɗa həŋ rki na?

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

Slna gwal ghunay 2:38

Ka Piyer nda həŋ mantsa: « Mbəɗanafwa mbəɗa ta tva nzakwa ghuni, ka magafta inda kaghuni ta batem ma hga *Yesu *Kristi, ŋa plighunista Lazglafta ta dmakuha ghuni, ŋa vlaghunata ni ta Sulkum nda ghuɓa.

La Ruma 5:17

Nda ma dmaku ga mndu turtuk lanaghata mtaku ta inda mndu. Ama nda ma mndu turtuk ta nzakway ka Yesu Kristi mutsafta mnduha ta zɗakatahuɗi katakata da Lazglafta. Ka mbalay vlaŋta tsi ta tsa zɗakatahuɗa ni ya ta həŋ, ka klaftá tsi ta həŋ ka gwal tɗukwa ta wa ira ni nda ma Yesu Kristi, ŋa mutsafta taŋ ta hafu ŋa kɗekedzeŋ, ŋa zay taŋ ta mgham kawadaga nda tsi guli.

La Ruma 7:18

Nda sna yu kazlay: Haɗ skwi ɗina ma iʼi, ma na sluʼuvgha iʼi na wu kəʼa, na skwi ta kum yu ta mnay. Ta kumay yu má ta maga skwi ɗina, triɗ laviŋ a yu wa.

La Ruma 8:32

Lazglafta ná, pyaghu a ta zwaŋa ni wa. Vlaga vla ka mtuta tsi da manaka amu demdem. Wa kəʼa dzaʼa kwal kul vlamatá inda skwi kawadaga nda tsatsi tama?

Titus 3:3

kabga si ka rgha dər amu ghalya, haɗ mu si ta sna gwaɗa da mndu wa. Si nda zaɗa mu, ka nzaku mu ka vuʼa maga ghwaɗaka skwi nda haraʼu ta iri. Ta nzaku nda sidi kawadaga nda ghudzaku mu ta nzaku, prək má ka mbiɗa amu. Ta husaŋ husa amu ta mnduha, ta husamahusa mnduha guli.