Lukwa 10:28 - Hdi

²⁸ « Mantsa ya nzakwa ni, la magay mantsa dzaʼa mutsay ka ta hafu, » ka Yesu nda tsi.

Lukwa 10:28 Mawu Ofanana

Nəhemiya 9:29

Ka dvə ka ta həŋ ŋa vragaghata da zlaha gha, ama hahəŋ ma gla ghəŋa taŋ, ka kwalaghutá həŋ ta snatá zlahuha gha. Ka gaghatá həŋ ta dmaku ka ɓlanaptá skwiha mnaf ka. Nziya nza tsi ná, ka sna sna mndu ta nza nza nda hafu. Ka mbəɗaghatá həŋ ta hul, ka təŋanaftá ghəŋa taŋ, ka kwalaghutá snata.

La Levi 18:5

Ka ŋanata kuni ta zlahuha ɗa, nda tva skwiha mnaghuna yu. Mndu ta ksatá slna nda tsi ná, nda tsi dzaʼa nzata tsi nda hafu. Iʼi ná, Yawe yu.

Mata 19:17

Ka Yesu nda tsi mantsa: « Kabgawu kəl ka ka ɗawihata ta ghəŋa ŋərma skwi na? Turtuktuk ŋərmata nzakway ka Lazglafta. Ka ta kumay ka ta nzakwa gha nda hafu ŋa kɗekedzeŋ kawadaga nda Lazglafta katsi ná, snata gha ta zlahuha ni, » kaʼa.

Markus 12:34

Nghanata Yesu ta tsa zlgha wa ni ya ná, mamu ɗifil mida. Kaʼa nda tsi mantsa: « Diʼiŋaghu a ka nda ga mghama Lazglafta wa, » kaʼa. Haɗ mndu ta dərglaftá ŋuɗuf ka ɗawgəltá vli da tsi tahula tsa wa.

Lukwa 7:43

« Mataba tsa mnduha ya ra! Ta graftá yu ná, tsa mndu zlanaŋ lu ta ŋa ni dagala yaya, » ka Simuŋ. « Ta ŋa gha, » ka Yesu nda tsi.

La Ruma 10:4

Tsaya tama ná, kɗanakkɗa *Kristi ta zlahu. Inda gwal ta zlghaftá *Yesu Kristi ná, nanaf na Lazglafta ta həŋ ka gwal tɗukwa ta wa ira ni.

La Ruma 3:19

Aŋ mndani, nda sna amu ka kazlay: Inda skwi ta gwaɗ zlahu ná, ŋa gwal vla Lazglafta ta tsa zlahu ya ŋa taŋ ta gwaɗa tsi kəʼa. Tsaya tama ná, haɗ mndu nda pslaftawi ta kəma Lazglafta wu, kada snaŋta inda mndu kazlay: Gaga həŋ ta dmaku ta kəma ni kəʼa.

La Ruma 7:10

ta mtutá iʼi. Lazglafta ná, vla vla tsatsi ta zlahu ŋa mutsa hafu, ama ka klaghatá tsi ta iʼi da dmaku.

Galat 3:12

Haɗ skwi ta guyanaftá zlahu nda zlghay nda ŋuɗuf wa. Ka zlahu katək na: « Inda mndu ta ksatá inda tsa zlahuha ya ná, nda tsi dzaʼa nzata tsi nda hafu » kaʼa.

Vrafta ta zlahu 6:24

Ka mnamaftá Yawe ŋa snata mu ta inda tsa zlahuha ya, ŋa zləŋay mu ta Yawe, Lazglafta mu, ŋa mutsay mu ta nzata ləŋləŋ ma nzakwa mu, ŋa nzulanata ni ta hafa mu manda va na nzakwa ni gita na.