Lukwa 1:51 - Hdi

⁵¹ Nda dzva ni maraŋta tsi ta mbrakwa ni, ka ghəzliŋtá tsi ta gwal ta gla ghəŋ, nda ghərɓaku ma ŋuɗufa taŋ.

Lukwa 1:51 Mawu Ofanana

Zlrafta 11:8

Mantsa tama, ka wutsiŋtá Yawe ta həŋ ta ghəŋa haɗik demdem, ka zlaŋtá həŋ ta ba tsa luwa ya.

Zlrafta 6:5

Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ.

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

Sabi 18:11

Ndanana, nda sna yu kazlay na, malaghu mala Yawe ta inda lazglaftaha kəʼa, kabga zluʼagap zluʼa ta mnduha ni ma ghuya ɗaŋwa taŋ, da la Masar ta nzanaghatá həŋ, » kaʼa.

La Ruma 1:21

Aŋ mndani, nda sna mnduha kazlay: Mamu Lazglafta kəʼa kulam nda tsa, haɗ həŋ ta vla glaku ŋa ni wu, haɗ həŋ ta rfanaghata guli wa. Katək ná, zwaɗuta zwaɗu həŋ ma ndanu. Ka nzamtá həŋ ma grusl, sna a həŋ ta skwi tɗukwa wa.

2Kwa 10:5

Ta ŋarap ŋara ŋni ta inda ghwaɗaka ndanuha ta ndanata gwal ta gla ghəŋ ta pya snaŋtá Lazglafta. Ta gwaɗay aŋni ta gwaɗa ŋa ksanaktá ndana mnduha ŋa sna gwaɗa Kristi.

Vrafta ta zlahu 4:34

Ar mamu a sana lazglafta ta kaɗaŋta hlapta ŋa ŋa ni ta sana mndəra mndu mataba sana mndəra mndu, nda dzəghəha, nda mazəmzəmha, nda mandərmimiha, nda ya nda vuluha nda glakwa mbrakwa ni, nda ya nda tɗatá dzva ni, nda skwiha maga tsi dagala dagala ta ga zləŋ manda inda ya maga Yawe, Lazglafta ghuni ma Masar ta wa ira ghuni ya rki na?

1 Piyer 5:5

Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »

Suna Yuhwana 18:8

Tsaya tama, baɗu va tsa fitik turtuk ya dzaʼa slanaghata ghuya ɗaŋwa ni ta nzakway ka mtaku, nda nzaku ka skwa hiɗahiɗa, nda maya, ŋa driŋta nda vu guli. Mgham Lazglafta ná, Lazglafta ta mbruta ya. Tsatsi ta tsanaghatá guma, » kaʼa.