Lukwa 1:41 - Hdi

⁴¹ Na gi snaŋta Elizabet ta ga zgwa Mari, gi ka skalavaftá zwaŋ ma huɗa ni. Ka ndəghanaftá Sulkum nda ghuɓa ta Elizabet.

Lukwa 1:41 Mawu Ofanana

Zlrafta 25:22

Ka lmu zwani ta lmu ma huɗi ni. Kaʼa mantsa: « Ka si manda tsa tsi, kabgawu kəl tsi ka sliɗaghatá na? » ka Rebeka, ka laghu tsi ɗawaŋtá ndana Yawe.

Lukwa 1:15

Ka mndu dagala dzaʼa nzakwa tsi ta kəma Lazglafta. Haɗ dzaʼa sa ima inabi dər skwi ta ghuya mndu wa. Dzaʼa ndəghundəgha nda Sulkum nda ghuɓa daga ma huɗa ma ni.

Lukwa 1:40

Ka lam tsi da həga ga Zakari ka ganaghatá tsi ta zgu ta Elizabet.

Lukwa 1:42

Ka klaŋtá tsi ta lwi dagala dagala. Kaʼa mantsa: « Kagha, nda tfa wi ta ghəŋa kagha mataba miʼaha. Na zwaŋ ma huɗa gha na guli, nda tfa wi ta ghəŋa ni.

Lukwa 1:44

Nda sna ka ná, ma fitika lama tsa ga zgwa gha ya tsərah da sləməŋa ɗa, ka skalavaftá na zwaŋ ma huɗa ɗa na da rfu.

Lukwa 1:67

Tsa Zakari da ni ma tsa zwaŋ ya kay, ka ndəghanaftá Sulkum nda ghuɓa, ka zlraftá tsi ta mna skwi dzaʼa magaku:

Lukwa 4:1

Ta vragaptá *Yesu ma ghwa *Yardeŋ, nda ndəgha nda Sulkum nda ghuɓa. Ka wawu tsa Sulkum ya ma mtak,

Slna gwal ghunay 2:4

Ka ndaghaftá həŋ demdem nda Sulkum nda ghuɓa. Ka gi gwaɗ həŋ ta gwaɗa nda sanlaha ma gwaɗaha manda ya vlaŋ Sulkum ta həŋ ŋa gwaɗay.

Slna gwal ghunay 4:8

Piyer ya tani, nda ndəgha tsatsi nda Sulkum nda ghuɓa. Kaʼa nda həŋ mantsa: « Ariwa gwal dagala dagala ta ghəŋa mnduha, nda la galata mndu!

Slna gwal ghunay 6:3

Tsaya tama zwana ma, mal zabapta ghuni ta mnduha ndəfáŋ mataba ghuni, gwal nda ɗifil ma ghəŋa taŋ, ka zlanaŋta ŋni ta tsa slna ya ta həŋ.

Slna gwal ghunay 7:55

Ama ka nghadaftá Atiyen, mndu ya nda ndəgha nda Sulkum nda ghuɓa, ta luwa. Ka nghaŋtá tsi ta glakwa Lazglafta nda *Yesu ta sladu nda ga zeghwa Lazglafta.

Slna gwal ghunay 9:17

Ka sliʼaftá Hananiya tama ka laghu. Ka lam tsi da tsa həga ya. Ka fanaghatá tsi ta dzvu ta Sawul. Kaʼa nda tsi mantsa: « Sawul! Zwaŋama ɗa ka. Tsa Mgham Yesu ta maraghaŋtá ghəŋa ni ta tvi ya, ta ghunɗikta ŋa nghəglaŋta gha ta vli, nda ya ŋa ndəghaghafta nda Sulkum nda ghuɓa, » kaʼa.

Afisus 5:18

Ma ghuyaf kuni nda ima inabi, ya ta ɓadzay ta nzakwa mndu, Sulkum nda ghuɓa katsi mbutá kaghuni.

Suna Yuhwana 1:10

Ma sana fitik baɗu Dəmas, ka ksuta Sulkum nda ghuɓa ta iʼi. Ka snaŋta yu ta lwi ta gwaɗata nda lwi dagala manda ghudzaga duli nda ga mahulhula ɗa.