La Ruma 3:2 - Hdi

² Ndaɗaʼa nzakwa ni ta nghadaptá lu ta nghay nghay wu, kabga tiŋəl ŋa taŋ vlagata Lazglafta ta gwaɗa ni.

La Ruma 3:2 Mawu Ofanana

Danyel 10:21

Ama dzaʼa mna gha mna yu ta skwi ya nda vinda ma deftera kahwathwata. Haɗ mndu ŋa katihata ŋa lma tsa lmu ya nda tsa ghumaha ya wu, ba Mikaʼel mala ghuni yeya.

Yuhwana 5:39

« Ta ndiʼa ndiʼa kuni ka tagha skwi ya nda vinda ma gwaɗa Lazglafta kabga mida dzaʼa mutsa ŋni ta hafu ŋa kɗekedzeŋ ka kuni. Tsa gwaɗa Lazglafta nda vinda ya ná, ta ghəŋa iʼi ta gwaɗa tsi.

Slna gwal ghunay 7:38

Ma fitika tskavata zwana la Israʼila ma zivak, tsa Musa ya ta nzakway ma takataka dzidzíha mu, nda duhwala Lazglafta ta gwaɗa nda tsi, ta ghwá Sinay ya. Hada tsuʼamafta tsi ta gwaɗa hafu ka klamakta.

La Ruma 1:2

Tsa *Lfiɗa Gwaɗa ya ná, nda kɗa fitika tamafta Lazglafta ta imi ta sləməŋ ta ghəŋa ni təv la anabi ghalya, ka vindaftá həŋ ta gwaɗa ta ghəŋa ni ma deftera Lazglafta.

La Ruma 2:18

nda sna yu ta skwi ta kum Lazglafta ka ka, nda sna yu ta skwi ɗina ma snaŋta ɗa ta zlaha Musa ka ka,

La Ruma 3:1

Ndaw malaghuta la *Yahuda ka lamndu? Nu ghəzliwa tsatá fafaɗ na?

La Ruma 3:3

Ka si kwalaghu kwala sanlaha ma həŋ ta zlghafta ná, dzaʼa pyaf pya tsa slna palamapalama taŋ ya ta nzakwa Lazglafta ka ŋərma ra?

La Ruma 9:4

La Israʼila həŋ. Hahəŋ nanaf Lazglafta ka zwana ni, hahəŋ maranaŋ tsi ta sgita ni, nda hahəŋ dzrafta tsi ta wi, hahəŋ vlaŋ tsi ta zlahu, hahəŋ maranaŋ tsi ta tvi ká həŋ da tsəlɓu ta kəma ni, hahəŋ tanaf lu ta imi ta sləməŋ,

1Kwa 9:17

Ka má iʼi ta kuratá magay katsi ná, ma dzaʼa play lu ŋa ɗa. Tsaw iʼi a ta kurata wu, ta magay yu kabga tkweʼ faɗighata lu ta magay.

2Kwa 5:19

Skwi ta mnə aŋni ná, Lazglafta ta magatá slna ni nda ma Kristi ŋa slərɓaptá zughu mataba ni nda inda mndu. Ŋəvgla a ta dmakwa mnduha wa. Kəl tsi ka ghunaftá aŋni ŋa dzaʼa mnay ŋa mnduha kazlay: Ta kumay yu ta slərɓapta ɗa ta zughu nda həŋ kəʼa.

Galat 2:7

Nziya nza tsi ná, graf gra hahəŋ kazlay: Vliha vla Lazglafta ta slna dzaʼa mna Lfiɗa Gwaɗa ŋa gwal kul nzakway ka la Yahuda, manda va ya mnana tsi ta *Piyer ŋa dzaʼa da mnay ŋa la Yahuda ya kəʼa.

1Tim 6:20

Timute ɗa, ɗasuwa ka ka ŋanatá skwi ya fagham Lazglafta ma dzvu. Ma fam ka ta wa gha da gwaɗaha ka bətbət kul gra vgha nda zlghay nda ŋuɗuf, nda tagha skwi ya ta mnə lu kazlay: Snaŋtá skwi kəʼa ya, tsaw tsakalawi ya.

Hebru 5:12

Nda kɗa fitik má prək ka nzakwa ghuni ka gwal taghanatá skwi ta sanlaha, kabga nda kɗa fitika ghuni ta tagha skwi, ama ta sna a kuni wa. Ŋa sləglavapta nda sla vgha ka taghəgəlta ŋa ghuni ta va tsa skwiha ma gwaɗa Lazglafta taghu kuni daga taŋtaŋ ya. Ta sna a kuni karaku ta za skwa zay ta zə la galata mndu wu, manda zwaŋ ta ghuva tata sa uʼa ya kuni.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.

Suna Yuhwana 22:6

Tahula tsa, ka tsa duhwala Lazglafta ya nda iʼi mantsa: « Kahwathwata na gwaɗa na, gwaɗa ŋa faftá ghəŋ tida ya, Mgham Lazglafta ya ta valaŋtá Sulkuma ni ta la anabi ta ghunaftá duhwalha ni ŋa maranatá kwalva ni ta skwi ya gi dzaʼa magaku, » kaʼa.