La Ruma 2:1 - Hdi

¹ Kagha mndu ya ta nzakway ta tha mndu, dər waká, haɗ ka nda pslaftawi baɗu guma wu, kabga ma tsa tsay ta tsə kagha ta guma ta sanlaha ya ná, ta tsə ta ghəŋa gha ka. Tsa kagha ta tsanaghatá guma ta mndu ya ná, ta magay kagha ta va tsa skwiha ya.

La Ruma 2:1 Mawu Ofanana

Lukwa 6:37

Ma tsanagha kuni ta guma ta mndu. Haɗ Lazglafta dzaʼa tsaghunaghatá guma guli wa. Ma ŋam kuni ta mndu ma ŋuɗuf, haɗ Lazglafta dzaʼa ŋamtá kaghuni ma ŋuɗuf guli wa. Pliniswa dmakwa mnduha, dzaʼa plighunis pla Lazglafta ta ŋa ghuni guli.

La Ruma 2:3

Kagha mndu ya ta tsanaghatá guma ta ghəŋa gwal ta maga skwiha mantsa ya, wya ta magay magay kagha kay guli. Ta grə ka ná, dzaʼa ndap nda ka ma guma Lazglafta rki na?

La Ruma 9:20

Kagha mnda səla, wa hga gha ŋa zlərɗa ya kumaŋ Lazglafta na? Ta mnay skwi tsaf lu nda rɓisl ŋa mndu ya ta tsafta kazlay: Kabgawu kəl ka ka tsaftá iʼi manda na na kəʼa ra?

Yakubu 4:11

Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

Yakubu 2:20

Rghargha vgha na. Ta kumay ka kulam gita ta mnaghaŋta kazlay: Zlghay nda ŋuɗuf kul haɗ slna ni ná, haɗ ghəzliwa ni wu kəʼa ra?

Lukwa 19:22

“Ghwaɗaka kwalva ka. Ta gwaɗa gha ta tsaghaghata yu ta guma. Nda sna kagha kazlay: Nda bla gwaɗa ta iʼi, ta klay yu ta skwi kul fata yu, ta tskay yu ta skwi ta vwah kul sləgaftá yu kəʼa a tsa wa.

1Kwa 7:16

Kagha marakw ta zlghaftá Yesu, nda sna kagha kazlay: Dzaʼa mbanaf mba yu ta zəʼala ini kəʼa ra? Kagha zəʼal ta zlghaftá Yesu, nda sna kagha kazlay: Dzaʼa mbanaf mba yu ta markwa ini kəʼa guli ra?

Lukwa 12:14

« Ari gra! Wa ta famtá iʼi ŋa tsaghunatá guma, Ariwa ta famtá iʼi ŋa dgaghunaptá skwa za hga na? » ka Yesu nda tsi.

La Ruma 2:2

Nda sna amu kazlay: Ta tva ni tsanaghata Lazglafta ta guma ta ghəŋa gwal ta maga skwiha mantsa ya kəʼa.

La Ruma 3:9

Kinawu nzakwa ni tama! Malaghu mala amu la *Yahuda ka hamata gwal kul nzakway ka la Yahuda rki? Malaghu a amu wa. Ka yu mnata kay ná, nda la Yahuda tani, nda la *Grek tani, hahəŋ demdem nzanagha nza dmaku ta həŋ.

La Ruma 14:22

Inda skwi ya graf kagha, ŋamŋa gha ma ghəŋa gha, mataba kagha nda Lazglafta gha tsa. Mndu ya ta kuratá maga skwi ɗina kul dgaŋtá ghəŋ ta ghəŋa ni ná, rfu da tsa mndu ya.

1Kwa 4:5

Tsa tama ná, ma gi tsə kuni ta guma ta ghəŋa mndu ta kul sagha fitika ni. Kzlawa, ta hway da wa kuni na! Baɗu sagha Mgham ná, dzaʼa kligiŋ kla ta daɓi ta skwi nda ɗifa. Ŋa kligiŋtani duway ta daɓi ta skwi ta ndanə mnduha. Baɗu tsa tama, dər wa dzaʼa mutsa rfa ni da Lazglafta manda ya ta raŋta.