La Ruma 1:1 - Hdi

¹ Iʼi Pwal ta nzakway ka kwalva *Yesu *Kristi ta vindaftá na ɗelewer na. Lazglafta ta hgaftá iʼi ŋa nzakwa ɗa ka mnda ghunay ni. Tsatsi ta zbaptá iʼi ŋa dzaʼa ɗa mna Lfiɗa Gwaɗa ni ŋa mnduha.

La Ruma 1:1 Mawu Ofanana

1Rus 23:13

Zwana Ghamram na: I Haruna nda Musa. Ka faghutá lu ta Haruna ŋa ɗekɗek, tsatsi nda zivira ni ŋa nzakwa taŋ ka gwal ta nghapta ka skwiha faghu lu ta ghuɓuta, ŋa dra urdi, nda ya ŋa maga slna ta kəma Yawe, nda ya ŋa vla tfa wi nda hga ni ŋa ɗekɗek.

Markus 1:14

Ma sana fitik, ka ksaghatá lu ta Yuhwana tsamta ma gamak, ka sliʼaftá Yesu ka laghwi ta haɗika Galili da mna Lfiɗa Gwaɗa Lazglafta.

Yuhwana 12:26

Ka ta kumay mndu ta magihatá slna ná, ka sawi tsi mista ɗa, ma tsa vli dzaʼa nzata iʼi ya, hada dzaʼa nzata tsa mndu ta magihatá slna ɗa ya guli. Ka ta magiha maga mndu ta slna, dzaʼa ŋlanaf ŋla Da ɗa ta tsa mndu ya, » kaʼa nda həŋ.

Yuhwana 15:15

Hgəgla a yu ta kaghuni ka kwalvaha wu, kabga sna a kwalva ta skwi ta mag daŋahəga ni həga ni wa. Graha ɗa ta hga iʼi ta kaghuni, kabga inda skwi taghaf yu da Da ɗa ná, snaghunam sna yu.

Yuhwana 15:20

Havakwahava ta gwaɗa mnaghuna yu. “Malaghu mala a kwalva ka Maləmani wa.” Ka si ghuyɗipghuya mnduha ta ɗaŋwa, dzaʼa ghuyay həŋ ŋa kaghuni guli. Ka si sna sna həŋ ta gwaɗa ɗa, dzaʼa snay həŋ ta ŋa ghuni guli.

Slna gwal ghunay 13:9

Mbaɗa Sawul, ta hgu lu ka Pwal ya, nda ndəghata ni nda Sulkum nda ghuɓa, ka vazlaftá iri tida.

Slna gwal ghunay 20:24

Iʼi ná, ndana a yu ta gwaɗa ta hafa ɗa, dər má kinawu ɗinutani ka ŋa ɗa wa. Dzaʼa kɗanaktá tsa ŋərma slna vliha Mgham Yesu ŋa magay, ta nzakway ka mna *Lfiɗa Gwaɗa ta ghəŋa zɗakatahuɗa Lazglafta ya skwi ta zɗəgihata.

Slna gwal ghunay 21:40

Ka vlaŋtá tsa mghama la sludzi ya ta tvi. Ka sladatá Pwal ta tsa dzatá tva dzaʼa da həga ya. Ma hlə kuni ta wi, kaʼa nda dzvu nda mnduha. Sriw, nza nza mnduha. Ka zlraftá Pwal ta gwaɗa nda həŋ nda gwaɗa *Hebru.

Slna gwal ghunay 22:21

“Sliʼaf sliʼa, la! Ta ghunə da vli diʼiŋ yu ta kagha da gwal kul nzakway ka la Yahuda,” » kaʼa.

Slna gwal ghunay 22:7

Ka zləmbadata yu ta haɗik. “Sawul! Sawul! Kabgawu ta kəl ka ka giri ŋa ɗa na?” ka sana lwi nda iʼi ta snə yu.

Slna gwal ghunay 26:1

« Ŋa gha gwaɗa tama Pwal, gwaɗa ta gwaɗa ŋa waɗaptá gha ta ghəŋa gha, » ka mgham Agripa nda tsi. Ka kapaftá Pwal ta dzvu, ka zlraftá tsi ta gwaɗa. Kaʼa mantsa:

Slna gwal ghunay 26:14

Ka zləmbutá ŋni demdem ta haɗik. Ka snaŋtá yu ta sana lwi ta gwaɗgihata nda gwaɗa Hebru: “Sawul! Sawul! Kabgawu ta kəl ka ka giri ŋa ɗa na? Ghuya ɗaŋwa ŋa ghəŋa gha na pgha ghəŋ ta pghə ka nda iʼi na,” kaʼa.

Slna gwal ghunay 27:23

Ta na rviɗik gita ná, ghunigihaghuna Lazglafta ta duhwalha ni. Tsa Lazglafta nza yu ka ŋa ni, nda ya ta maganata yu ta slna ya.

Slna gwal ghunay 9:15

Ka Mgham Yesu nda tsi mantsa: « La! Iʼi ta zbaptá tsa mndu ya ŋa ghunay ɗa, ŋa mnanaŋtá hga ɗa ta sanlaha ma mnduha, nda ya ŋa mghamha, mantsa ya guli ŋa mnduha la Israʼila.

La Ruma 1:16

Ksa a hula ta iʼi ka mna *Lfiɗa Gwaɗa ŋa mnduha wa. Tsa Lfiɗa Gwaɗa ya ná, mamu mbrakwa Lazglafta mida ŋa mba inda mndu ta zlghafta. Ŋa zlrafta nda la *Yahuda karaku, tahula tsa ŋa kɗay nda la *Grek.

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 1:9

Nda sna Lazglafta ya ta maganata yu ta slna nda ŋuɗufa ɗa turtuk ma mnay ɗa ta *Lfiɗa Gwaɗa ta ghəŋa Zwaŋa ni, ta skwi dzaʼa yu mnay. Nda sna kazlay: Ma inda fitika ndəɓay ɗa ta dzvu ná, ta kulay yu ta kaghuni kəʼa.

La Ruma 11:13

Ndanana, nda kaghuni gwal kul nzakway ka la *Yahuda ta gwaɗa yu. Lazglafta ta ghunaftá iʼi da kaghuni gwal kul nzakway ka la Yahuda. Ta ghərɓaku yu ta tsa slna ɗa ya,

La Ruma 15:16

ka faftá iʼi ka kwalva *Yesu *Kristi mataba gwal kul nzakway ka la *Yahuda. Ka faghutá tsi ta iʼi ŋa mna Lfiɗa Gwaɗa ni, ŋa nuta gwal kul nzakway ka la Yahuda ka skwi vlaŋ lu ta zɗəganatá Lazglafta. Sulkum nda ghuɓa ta nanaftá tsa skwi ya vla lu ya ka skwi ta raŋta Lazglafta.

La Ruma 15:29

Nda sna yu kazlay: Ma tsa lagha dzaʼa lagha yu da kaghuni ya ná, dzaʼa lagha nda tfatawa *Kristi katakata yu da kaghuni kəʼa.

La Ruma 16:18

Mndərga tsa mnduha ya ná, maganatá slna ta *Kristi Mghama mu a ta mag həŋ ɗekɗek wu, ŋa huɗa taŋ ta maga həŋ ta slna. Hlemem ka həŋ ta magaku. Ta gatutawi, ka nana gwal kul snaŋtá dgata skwi ɗina nda ya kul ɗinaku həŋ.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

1Kwa 1:1

Iʼi Pwal, hgaf Lazglafta manda ya kumaf tsi ŋa nzakway ka mnda ghunay *Yesu *Kristi. Kawadaga ŋni nda zwaŋama mu Sustene,

1Kwa 9:1

Laviŋ a yu ta maga inda skwi wu ra? Ghunata mnda *Yesu *Kristi a yu wu ra? Ngha a yu ta Mgham Yesu nda ira ɗa wu ra? Pəghatá ghəŋa slna ɗa mamgham Yesu a kaghuni ra?

2Kwa 1:1

Iʼi Pwal zbap Lazglafta ŋa nzaku ka mnda ghunay *Yesu *Kristi ta vindaghunaftá na ɗelewer na. Kawadaga ŋni nda zwaŋama Timute. Ta ga zgu ŋni ŋa kaghuni Igliza Lazglafta ma luwa Kwareŋt, nda ya ŋa inda gwal zlghay nda ŋuɗuf ta kuraghuta kwakwara haɗika Akaya tani.

2Kwa 11:5

Ka mghama gwal ghunay ta ngha kaghuni ta tsa mnduha ya, ama graf gra iʼi kazlay: Walaŋ a həŋ ta malaghutá iʼi wu kəʼa.

2Kwa 11:7

Ma fitika mnay ɗa ta Lfiɗa Gwaɗa Lazglafta ŋa ghuni ná, ka mbalay si ta mnaghunata yu. Ka vraganata yu ta ghəŋ, kabga ŋa ŋlaghunafta. Nda nza tsa ka dmaku ra?

2Kwa 12:11

Manda mndu nda ksa da halaway gwaɗata yu ta tsa gwaɗa ya. Kaghuni ta mblaftá iʼi guli. Kaghuni a ma dzaʼa ghuba iʼi ra? Haɗ skwi htap iʼi ka tsa gwal ghunay ghuni dagala dagala ma kaghuni ya, dər má haɗ ghəzliwa ɗa wa.

2Kwa 2:12

Sliʼaf sliʼa yu ka laghu da luwa Truwas da mna *Lfiɗa Gwaɗa ta ghəŋa *Yesu *Kristi. Manda ɓhadaghata ɗa, kəʼa ka yu ná, məɗ taɗipta Mgham Yesu ta tvi ɗina ɗina ŋa mna gwaɗa hada.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

Galat 1:1

Nana ɗelewer na ná, iʼi Pwal ta nzakway ka mnda ghunay ta vindaghunafta. Daga da mnduha a sagha tsa nzakwa ɗa ka mnda ghunay ya wu, sana mndu a guli ta klaɗiktá lwa ni wa. I *Yesu *Kristi nda Lazglafta Da ta sliʼaganaptá Yesu ma mtaku ya, ta ghunaftá iʼi.

Afisus 1:1

Iʼi Pwal, zbap Lazglafta ŋa nzaku ka mnda ghunay *Yesu *Kristi, ta vinda na ɗelewer na ŋa kaghuni gwal ma luwa Afisus ta nzakway ka ŋa Lazglafta, ŋa kaghuni ta zlghaftá Yesu Kristi ka nzaku kuni ka ŋa ni ya, ta vindaghunafta yu.

Afisus 1:13

Mantsa ya kaghuni guli nda ndiʼa kuni nda tsi ma snaŋta ghuni ta vərɗa gwaɗa ya kəl Lazglafta ka mbaghunafta, ma vlata ghuni ta ghəŋa ghuni ŋa Yesu Kristi. Ma tsa ndiʼatá kaghuni nda Kristi ya, ka vlaghunatá Lazglafta ta Sulkum nda ghuɓa ya tamaf tsi ta imi ta sləməŋ ya. Tsa Sulkum ya ná, ŋizla nzakwa mu ka mnduha Lazglafta ya.

Afisus 4:11

Tsatsi ta daganaftá slnaha kavghakavgha ta mnduha. Ka gwal ghunay sanlaha, ka la anabi sanlaha, Ka gwal mna *Lfiɗa Gwaɗa sanlaha, Ka gwal ngha gwal zlghay nda ŋuɗuf ka tagha skwiha ŋa taŋ sanlaha.

Vrafta ta zlahu 10:8

« Ma tsa fitik ya, ka zbaptá Yawe ta mndəra la Levi ŋa kla akwata dzratá wa Yawe, ŋa sladata taŋ ta kəma Yawe ka maganatá slna, ŋa tfay taŋ ta wi ŋa mnduha nda hga ni, manda va ya ta mag həŋ ha gitana ya.

Filip 1:1

Iʼi Pwal kawadaga nda Timute, kwalva *Yesu *Kristi ŋni. Ta ga zgu ŋni ŋa ghuni inda mnduha Lazglafta ma Yesu Kristi, ma luwa Filipiya. Nda gwal ta ngha kaghuni, nda gwal ta ksaghunatá slna tani.

Filip 2:11

Inda mndu dzaʼa mnay nda wa ni kazlay: Yesu Kristi Mgham kəʼa, ŋa zləzlvay taŋ ta Lazglafta ta nzakway ka Da.

Kwalus 1:1

Iʼi Pwal, ta nzakway ka ghunata mnda *Yesu *Kristi nda ɗvafta Lazglafta, kawadaga ŋni nda Timute zwaŋama mu ta vinday ŋa ghuni.

Kwalus 1:25

Ŋa Igliz ta ksanata yu ta slna, manda ya fiɗigha Lazglafta ŋa magaghunata. Fiɗighafa ta tsa slna ya, ŋa mnaghunata vərɗa gwaɗa Lazglafta.

1Tes 2:2

Nda sna kaghuni guli ka ŋni ghuytá ɗaŋwa ma luwa Filipiya, nda ya ká həŋ razaŋnata. Ama ka taftá ŋni ta us ta iri nda mbrakwa Lazglafta ka mnaghunatá *Lfiɗa Gwaɗa ta sagha da Lazglafta mataba ndəghata ghuya ɗaŋwa.

1Tes 2:8

Ma tsa fatá ghəŋa ŋni ŋa ghuni ya ná, mnaghunatá Lfiɗa Gwaɗa ta sabi da Lazglafta kweŋkweŋ yeya a mnaghuna ŋni wa. Kumaŋ kuma ŋni ta vlaghunata nda hafa ŋni tani, kabga lam la kuni da ŋuɗufa ŋni kahwathwata.

1Tes 2:9

Zwana ma ɗa, ta havak hava kuni ta datá vgha ŋni ka maga slna da kaghuni. Si ta ksay ŋni ta slna nda rviɗik tani, nda fitik tani, kada kwala ŋni da ghuyanaptá ɗaŋwa ta dər wati mataba ghuni, nda skwi ŋa zay ŋni ta mnə ŋni ta Lfiɗa Gwaɗa ta sagha da Lazglafta ŋa ghuni.

1Tim 1:1

Iʼi Pwal, ghunatá mnda *Yesu *Kristi, manda ya mnaf Lazglafta mnda mba amu nda Yesu Kristi ya faf mu ta ghəŋ tida ta vinda na ɗelewer na.

1Tim 2:7

Ŋa tsaya kəl lu ka fatá iʼi ka mnda mnay, ka mnda ghunay guli. Nda nza yu ka mnda taghanaftá gwal kul nzakway ka la Yahuda ta gwaɗa ta zlghay nda ŋuɗuf, nda kahwathwata. Tsakalawa ɗa a wu, kahwathwata ta mnə yu.

2Tim 1:11

Ŋa mna tsa Lfiɗa Gwaɗa ya ŋa gwal kul nzakway ka la *Yahuda fata Lazglafta ta iʼi ka mnda ghunay, ka taghay ɗa ŋa taŋ.

Titus 1:1

Iʼi Pwal ta nzakway ka kwalva Lazglafta, ghunatá mnda *Yesu *Kristi, ŋa kataŋtá mnduha ɗagap Lazglafta ŋa nzakway ka ŋa ni, ŋa snanamtá həŋ ta vərɗaka tagha skwi ta maramatá tva nzaku ta zɗəganatá Lazglafta ya.

Hebru 5:4

Haɗ mndu ta klaftá tsa glaku ŋa nzaku ka mali ta ghəŋa gwal maga slna Lazglafta ya ka fanaghatá ghəŋa ni wa. Lazglafta ta hgaŋta manda ya hgaŋ tsi ta *Haruna.

Hebru 7:26

Tsaya tama ná, nda nza Yesu ka mali ta ghəŋa gwal ksa slna Lazglafta ya pahaŋ mu. Tsatsi ná, nda ghuɓa nzatá nzakwa ni, haɗ rutsak tida wa. Haɗ dmaku tida guli wa. Nza a tsatsi manda gwal dmaku wa. Klagha kla lu ta luwa.

Yakubu 1:1

Iʼi Yakubu ta nzakway ka kwalva i Lazglafta nda Mgham *Yesu *Kristi, ta ga zgu yu ŋa ghuni mndəra mnduha Ghwaŋpəɗ his ta wutsa ta vgha ta ghəŋa haɗik.

1 Piyer 4:17

Sagha sa fitik ŋa zlraftá Lazglafta ta tsa guma. Tiŋəl ta ghəŋa həga ni dzaʼa zlrafta tsi ta tsay. Ala, ka si nda amu ka lu zlrafta katsi, kinawu dzaʼa kɗavakta tsi ta ghəŋa gwal kul snatá *Lfiɗa Gwaɗa Lazglafta na?

2 Piyer 1:1

Iʼi Simuŋ *Piyer ta nzakway ka kwalva nda ya ka ghunatá mnda *Yesu *Kristi ta vinda na ɗelewer ná, ŋa gwal ta mutsaftá zlghay nda ŋuɗuf ka guram nda va ŋa ŋni, nda ma zɗakwa Lazglafta nda Yesu Kristi.

Yuda 1:1

Iʼi Yuda ta nzakway ka kwalva *Yesu *Kristi, zwaŋama ni ma Yakubu, ta vindaghunaftá na ɗelewer na. Ta ga zgu yu ŋa ghuni gwal hagaf Lazglafta Da, gwal ɗvu tsi ka pghata ŋa Yesu Kristi.

Suna Yuhwana 1:1

Nana ɗelewer na ná, ta gwaɗay ta gwaɗa ta ghəŋa skwi ya maranaŋ *Yesu *Kristi ta gwal ka kwalva Lazglafta. Lazglafta ta vlaŋtá tsa skwiha ya ŋa maranaŋtá həŋ, ŋa snaŋta taŋ ta skwi ta dzaʼa gi magaku. Tsaya tama kəl Yesu Kristi ka ghunaftá duhwala ni da kwalva ni Yuhwana ŋa maranaŋtá tsa skwiha ya.

Suna Yuhwana 22:6

Tahula tsa, ka tsa duhwala Lazglafta ya nda iʼi mantsa: « Kahwathwata na gwaɗa na, gwaɗa ŋa faftá ghəŋ tida ya, Mgham Lazglafta ya ta valaŋtá Sulkuma ni ta la anabi ta ghunaftá duhwalha ni ŋa maranatá kwalva ni ta skwi ya gi dzaʼa magaku, » kaʼa.

Suna Yuhwana 22:9

Ama kaʼa nda iʼi mantsa: « Nawa, ma mag ka mantsa! Mnda ksa slna yu manda va kagha, manda va zwana ma gha la anabi, manda va gwal ta snatá gwaɗa ma na defteri na, ŋa Lazglafta tsəlɓa ka ta tsəlɓu, » kaʼa.