La Levi 5:7 - Hdi

⁷ « Ka haɗ mbrakwa mndu ŋa mutsaftá rina fisik wu, klanakta ni ta Yawe ta kukuha his ka zwana ghərbuʼha his a tsi ŋa paya tvi, dabga dmakwa ni. Turtuk ya, ŋa pla ghəŋ ŋa ɗawa pla dmaku, turtuk ya guli, ŋa pla ghəŋ ŋa dray tsuh tsuh.

La Levi 5:7 Mawu Ofanana

La Levi 12:8

Ka haɗ skwa ni ŋa vlatá slaɓalakwa tuwak wu, hlafta ni ta kukuha his ka zwana ghərbuʼha his a tsi. Sani turtuk ŋa pla ghəŋ ŋa dray tsuh tsuh, sani ya guli ŋa pla ghəŋ ŋa ɗawa pla dmaku. Dzaʼa slərɓanap slərɓa mnda dra skwi ŋa Lazglafta ta zughu, ŋa nzakwa ni kul haɗ skwa tsaɗa tida, » kaʼa.

Mata 10:16

« Wana yu ta ghuna kaghuni manda tuwakha da taba kramtak mtakha. Ka nzata kuni nda hiɗa manda nahaɗik, manda ghərbuʼ kul haɗ gwaɗa ta ghəŋa ni ya ká kuni da nzata guli.

2Kwa 8:12

Ka nda ŋuɗuf turtuk klafta ka ta skwi klaf mbrakwa gha ka vlata katsi ná, zɗəgana zɗa ta Lazglafta. Ɗawa a ta skwi kul haɗ da kagha wa.

Mata 3:16

Kɗakwa lu ta maganaftá batem ta Yesu, ka sab tsi ma imi. Ka gi gunatá luwa buwaŋ, ka nghə tsi ta Sulkuma Lazglafta ta saha manda ghərbuʼ ta ghəŋa ni.

La Levi 14:31

ŋa vlata ni ta ya turtuk ŋa ɗawa pla dmaku, ya turtuk guli ŋa pla ghəŋ ŋa dray tsuh tsuh, nda mbəha nimaya. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe ta tsa mndu ta kliŋta lu ta skwi ta tsaɗ lu tida ya.

Lukwa 2:24

Ka dranaftá həŋ ta Lazglafta ŋa pla ghəŋ ta « kukuha his ka zwana ghərbuʼha his a tsi » manda ya nda vinda ma zlaha Mgham Lazglafta.

La Levi 16:5

Dzaʼa vlaŋ vla guyatá ghəŋa la Israʼila ta dugzumha his ŋa pla ghəŋ ŋa ɗawa pla dmaku, nda maŋazak turtuk ŋa pla ghəŋ ŋa dray tsuh tsuh.

La Levi 15:30

Dzaʼa vla vla mnda dra skwi ŋa Lazglafta ta sani ŋa pla ghəŋ ŋa ɗawa pla dmaku, sani ya guli ŋa pla ghəŋ ŋa dray tsuh tsuh. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe, dabga tsa zuʼi sagha tida ta niŋta ka marakw ta tsaɗ lu ya.

La Levi 9:3

Tahula tsa, ka mnanata ka ta la Israʼila: “Klafwa kla ta dugzum ŋa pla ghəŋ ŋa ɗawa pla dmaku, nda mamakwa sla turtuk vakwa ni, nda slaɓalakwa tuwak turtuk vakwa ni kul haɗ maslivinza ta həŋ, ŋa pla ghəŋ ŋa dray tsuh tsuh.

La Levi 5:11

Ka haɗ mbrakwa mndu ŋa mutsaftá kukuha his ka zwana ghərbuʼha his a tsi wu katsi, laviŋ lava ta kladaghata ta hpu kəzlitit ka kiluʼ hkən ka skwa mbəha pla ghəŋ ŋa ɗawa pla dmakwa ni. Yaha magaftá rɗi tida, yaha sganaghatá urdi guli, kabga tsaya skwa pla ghəŋ ŋa ɗawa pla dmaku.

Mata 21:12

Ka lami *Yesu da həga Lazglafta. Ka ghəzligiŋtá tsi ta inda gwal ta tsakala nda gwal ta skway tani ma tsa həga Lazglafta ya. Ka zlambidiŋtá tsi ta tabəla gwal mbəɗu, nda vla nzakwa gwal ta dzawaptá ghərbuʼ.

La Levi 7:1

« Wya tva skwi ŋa magay nda skwa pla ghəŋ ŋa paya tvi, skwi ta ghuɓuta katakata ya.

La Levi 12:6

Kɗatá tsa fitika hliŋta ni ta skwa tsaɗa tida ya, dər má zgun tsi, dər má makwa a tsi, dzaʼa klədanagha kla ta mnda dra skwi ŋa Lazglafta ta wa tumpula guyaku ta slaɓalakwa tuwak turtuk vakwa ni ŋa pla ghəŋ ŋa dray tsuh tsuh. Dzaʼa kladagha kla guli ta zwana ghərbuʼ ka kuku a tsi, ŋa pla ghəŋ ŋa ɗawa pla dmaku.

La Levi 14:30

Tahula tsa, ŋa vlata ni ta ya turtuk ma tsa kukuha ya, ka ya turtuk ma tsa zwana ghərbuʼ ya a tsi, taɓta ya mutsaf tsi ŋa vlata mnda dra skwi ŋa Lazglafta,

Mbsak 5:6

« Wya ká ka da mnanatá la Israʼila: Ka lagha zgun ka marakw a tsi ka ganatá dər wati ma dmaku tsi ta mnda səla, dmanaf dma ta Yawe, ksaf ksa dmaku ta tsa mndu ya.

Mbsak 6:10

Baɗ matghas, kladaghata ni ta kukuha his, ka ghərbuʼha his a tsi da mnda dra skwi ŋa Lazglafta ta wa tgha lami da tumpula guyaku.

Mbsak 6:11

Dzaʼa vla vla mnda dra skwi ŋa Lazglafta ta ya turtuk ka skwa pla ghəŋ ŋa ɗawa pla dmaku, sani ya ŋa pla ghəŋ ŋa dray tsuh tsuh. Manda tsaya dzaʼa slərɓanata tsi ta zughu ta tsa nazir ya, dabga dmaku ya maga tsi nda ma ksaŋtá mbli ya. Baɗ tsaya dzaʼa fəglata tsi nda ghuɓa ta ghəŋa ni.

La Levi 27:8

Ka ka pɗu dgər mndu, laviŋ a ta platá sgita skwi tsaf lu wu katsi, kladaghatá tsa mndu ya ta kəma mnda dra skwi ŋa Lazglafta, ŋa tsanafta tsaya ta sgita skwi taɓta mbrakwa ni.