La Levi 5:2 - Hdi

² Ka lagha sana mndu ka ksaŋtá inda skwi ta tsaɗ lu, ka mbla sana nimtak ta tsaɗ lu a tsi, dər mbla rina fisik ta tsaɗ lu a tsi, dər skwiha ta gigɗa vgha ta tsaɗ lu a tsi, dər má sna a tsi wu ná, nda nza tsatsi guli ka mndu ta tsaɗ lu, dguv ta ghəŋa ni dmaku ni.

La Levi 5:2 Mawu Ofanana

La Levi 11:11

Skwa manzakɗaway tsaha ya da kaghuni, haɗ kuni dzaʼa za sluʼa taŋ wa. Ka skwa manzakɗaway dzaʼa ngha kuni ta mbla taŋ.

La Levi 11:8

Zəta a kuni ta sluʼa taŋ wu, ksaŋta a kuni ta mbla taŋ wa. Nda nza tsaha ya ka skwi ta tsaɗ lu ka ŋa ghuni.

La Levi 4:13

« Ka guyatá ghəŋa inda la Israʼila ta gatá dmaku, ka si ka palama a tsi wu, dər má sna a həŋ mndani wu, ka ɓlanaptá həŋ ta ya turtuk ma inda zlahuha Yawe nda ma magatá skwi ya pyaf zlahu ta magay katsi, ksaf ksa dmaku ta həŋ.

La Levi 5:17

Ka lagha sana mndu ka gatá dmaku, ka magatá skwi turtuk mataba zlahuha ya mnaf Yawe kazlay yaha kuni da magay kəʼa nda snaŋta ni a wu, tsaya ná, ksaf ksa dmaku, dguv ta ghəŋa ni dmakwa ni.

La Levi 5:3

Ka lagha sana mndu, ka ksaŋtá sana skwi ta tsaɗ lu ta sab ma mndu, dər nu tsi, dər má nda snaŋta ni a tsi wu ná, dzaʼa niŋ na ka mndu ta tsaɗ lu. Baɗ snaŋta ni, dguv ta ghəŋa ni dmaku ni.

La Levi 5:4

Ka lagha sana mndu gi ka waɗatá waɗu kul ndanapta, ŋa maga skwi ɗina ka skwi kul ɗinaku a tsi, baɗ snaŋta ni, dguv ta ghəŋa ni dmaku ni.

La Levi 7:21

Manda tsaya guli, ka ksaŋ ksa mndu ta inda skwi ta tsaɗ lu, ka sana skwi ta tsaɗ lu ta sab ma mndu a tsi, dər nimtak a tsi ta tsaɗ lu, nda manzakɗawayha ta tsaɗ lu, ka zutá tsi ta sluʼa pla ghəŋa zɗaku vla lu ŋa Yawe katsi, dzaʼa kliŋ kla lu ta tsa mndu ya mataba mnduha ni, » kaʼa.

Mbsak 19:22

Inda skwi dzaʼa ksaŋta tsa mndu ta tsaɗ lu ya, dzaʼa nda nza ka skwi ta tsaɗ lu. Dər wati ma mndu dzaʼa ksaŋtá tsa skwi ta tsaɗ lu ya, dzaʼa nza nza ka mndu ta tsaɗ lu ha ga hawu.

Lukwa 11:44

Ɗaŋwa ŋa ghuni! Manda kulu ta zwaɗuta ta mbaɗ mnduha ta mbaɗa tida kul snaŋta ya kuni. »

2Kwa 6:17

Tsaya kəl Lazglafta ka mnay ŋa mnduha ni kazlay: Sliʼapwa sliʼa mataba taŋ, ka dgaghuta kuni ta vgha nda həŋ, ma ksaŋ kuni ta skwi kul raku, tsaya dzaʼa kəl yu ka dzrafta nda kaghuni.

Vrafta ta zlahu 14:8

Zəta a kuni ta ghuvazu wa. Nda ta takuɗama ni, ama haɗ ta lghaɗu wa. Nda nza ka skwi ta tsaɗ lu ka ŋa ghuni. Zəta a kuni ta sluʼa taŋ wu, ksaŋta a kuni ta mbla taŋ wa.