La Levi 4:6 - Hdi

⁶ Ka ɗaʼata mnda dra skwi ŋa Lazglafta nda ndəfiŋ ta tsa us ta kəma Yawe ya, ka wutsikafta ndəfáŋ səla ta vata zlala nda ma vli nda ghuɓa.

La Levi 4:6 Mawu Ofanana

Sabi 40:21

Ka kladamtá tsi ta tsa akwati ya da tsa həga tumpula ya. Ka taptá tsi ta zlala ŋa haghuta, ka haghutá tsi ta tsa akwata dzratá wi ya, manda va ya mnanaf Yawe ta Musa.

Sabi 40:26

Ka fatá tsi ta gwira dra urdi ka dasu ma tumpula guyaku nda təv kəma zlala.

La Levi 14:16

Dzaʼa tsughumam tsughuma mnda dra skwi ŋa Lazglafta ta ndəfiŋa dzva zeghwa ni ma tsa rɗi ma guɗekwa dzva zlaɓa ni ya, ka wutsikatá tsa rɗi ya ndəfáŋ səla ta kəma Yawe.

La Levi 14:18

Dzaʼa magaf maga mnda dra skwi ŋa Lazglafta ta pɗakwa tsa rɗi ma dzva ni ya ta ghəŋa tsa mndu ta kliŋta lu ta skwi ta tsaɗ lu tida ya. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe.

La Levi 14:27

Dzaʼa wutsika wutsika mnda dra skwi ŋa Lazglafta nda ndəfiŋa dzva zeghwa ni, ndəfáŋ səla ta tsa rɗi ma guɗekwa dzva zlaɓa ni ya ta kəma Yawe.

La Levi 14:7

Ndəfáŋ səla kəʼa dzaʼa wutsikafta ta tsa mndu ta kliŋta lu ta skwa tsaɗa tida dabga tsa ghwaɗaka lku ya. Tahula tsa, ŋa mnanaŋta ni kazlay nda nza ka mndu kul haɗ skwa tsaɗa tida kəʼa, ŋa zlidiŋta ni ta tsa ɗyak ta ndiri ya da mtak.

La Levi 16:14

Dzaʼa ɗaʼa ɗa ta usa tsa lghəŋ ya, ka wutsikafta nda ndəfiŋ ta paɗuwi nda təv safa fitik. Ndəfáŋ səla dzaʼa wutsikafta tsi ta tsa us ya nda ndəfiŋa ni nda təv kəma ya paɗuwi ya.

La Levi 16:19

Dzaʼa wutsikaf wutsika nda ndəfiŋa ni ndəfáŋ səla ta us ta gwir ŋa nzakwa ni kul haɗ skwa tsaɗa tida, dabga nzakwa la Israʼila nda skwi ta tsaɗ lu ta həŋ, ka fəglata nda ghuɓa ka ŋa Yawe.

La Levi 25:8

« Ka mbəɗafta kuni ta vakwa Sabatha ndəfáŋ, vaku ndəfáŋ ndəfáŋ səla. Tsaya ta klaftá vakuha fwaɗ mbsak təmbay mida.

La Levi 26:18

Kulam nda tsa, ka ta sniha a kuni wu katsi, dzaʼa sganagha sga yu ta va nzisla kaghuni ndəfáŋ səla ta ghəŋa dmakwa ghuni.

La Levi 26:24

iʼi guli, dzaʼa dzay yu ta kuma nda kaghuni, ka ghuzlaghunap ta iri ndəfáŋ səla dabga dmakwa ghuni.

La Levi 26:28

iʼi guli dzaʼa dzay yu ta kuma nda kaghuni, dzaʼa ghuzlaghunap ghuzla yu ta iri ndəfáŋ səla dabga dmakwa ghuni.

La Levi 4:17

Ka ɗaʼata mnda dra skwi ŋa Lazglafta ta ndəfiŋa ni ma tsa us ya, ka wutsikafta ndəfáŋ səla ta kəma Yawe, ta vata zlala.

La Levi 4:25

Ka ɗaʼata mnda dra skwi ŋa Lazglafta nda ndəfiŋa ni ta usa tsa skwi ghwanaf tsi ya, ka magafta ta duliha gwira pla ghəŋ ŋa dray tsuh tsuh. Ka pghíŋta tsi ta inda pɗakwa tsa us ya dista tsa gwir ya.

La Levi 4:30

Ka ɗaʼata mnda dra skwi ŋa Lazglafta nda ndəfiŋa ni ta usa tsa skwi ghwanaf tsi ya, ka magafta ta duliha tsa gwira pla ghəŋ ŋa dray tsuh tsuh ya. Ka pghíŋta tsi ta inda pɗakwa tsa us ya dista tsa gwir ya.

La Levi 4:34

Ka ɗaʼata mnda dra skwi ŋa Lazglafta nda ndəfiŋa ni ta usa tsa skwi ghwanaf tsi ya, ka magafta ta duliha tsa gwira pla ghəŋ ŋa dray tsuh tsuh ya. Ka pghíŋta tsi ta inda pɗakwa tsa us ya dista tsa gwir ya.

La Levi 8:11

Wutsikafha ndəfáŋ səla ta rɗi ta gwir, ka pghaftá tsi ta rɗi ta gwir nda inda huzlaha ni, nda glifiŋ nda tughwa ni ŋa fata ka ŋa Yawe.

La Levi 8:15

Ka ghwanaftá Musa, taʼaha ta usa ni, ka ɗaɗafta nda ndəfiŋa ni ta inda duliha gwir ŋa ghuɓiŋtá tsa gwir ya. Ka pghidiŋtá tsi ta pɗakwa tsa us ya dista tsa gwir ya ŋa fata ka ŋa Yawe ŋa slərɓa zughu.

La Levi 9:9

Ka vlaŋtá zwana ni ta usa tsa mamakwa sla ya, ka ɗaʼatá tsi nda ndəfiŋa ni ta tsa us ya, ka ɗaɗafta ta duliha gwir. Ka pghidiŋtá tsi ta pɗakwa tsa us ya dista tsa gwir ya.

Mbsak 19:4

Ka ɗaʼata Ilghazar, mnda dra skwi ŋa Lazglafta ta usa tsa sla ya nda ndəfiŋa ni, ŋa wutsikata ni ndəfáŋ səla nda ta kəma tumpula guyaku.

Yəhusuwa 6:4

Ndəfáŋ tsa gwal ta dra skwi ŋa Lazglafta ya dzaʼa labi ta kəma akwata dzratá wi. Inda taŋ nda klatá dula maŋazak. Baɗ mandəfáŋa fitik ya, ndəfáŋ səla dzaʼa wanafta kuni ta luwa. Ta dzaʼa gwal dra skwi ŋa Lazglafta nda vya dula taŋ.

Yəhusuwa 6:8

Mbaɗa lu ka magay manda ya ta mnə Yəhusuwa. Ka lab gwal ndəfáŋ mataba gwal dra skwi ŋa Lazglafta, nda vya duli ta kəma akwata Yawe ta klə lu ta akwata dzratá wa Yawe mista taŋ.