La Levi 2:2 - Hdi

² Ka kladaghata tsa mndu ya da zwana Haruna gwal ta dra skwi ŋa Lazglafta. Ka tsəɗaʼata mnda dra skwi ŋa Lazglafta ta tsa laɓatá hpu nda rɗi, nda ya nda inda urdi ɗuk ma dzvu, ka drafta ta gwir ta kuraghuta tsaya ka havu. Tsaya skwa pla ghəŋ draf lu ta vu zɗəgana həlata ni ta Yawe.

La Levi 2:2 Mawu Ofanana

Nəhemiya 13:14

Ari Lazglafta ɗa, havap hava ka iʼi ta ghəŋa tsa skwi ya. Ma zanap ka ta zɗaku maga yu ta nghanatá həga Lazglafta ɗa, nda ya ŋa maga slnaha mida.

Nəhemiya 13:22

Ka yu nda la Levi guli mantsa: « Hliŋwa hla ta skwi ta tsaɗ lu ma nzakwa ghuni, ka sagha kuni da ngha wa tghaha ŋa nzakwa Sabat nda fa ŋa Lazglafta, » ka yu. Ari Lazglafta ɗa, havap hava ka iʼi ta ghəŋa nana na guli. Tawa ta hiɗahiɗa ta iʼi ma glakwa zɗakwa gha.

Sabi 30:16

Zlghafta gha ta tsa kfura tsedi ya da la Israʼila ya ná, ŋa klafta gha ŋa maga slna tumpula guyaku. Dzaʼa nzakway ka skwa havu da la Israʼila ta kəma Yawe kazlay vara vara kuni ta htsiŋa ghuni kəʼa, » kaʼa.

La Levi 1:13

Ka ghwaɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.

La Levi 1:17

Ka ŋaŋanata tsi ta guŋugh ka kuhwanapta ma takataka, ama haɗ dzaʼa dganatá tsa sləɓahuha ni ya wu, ŋa drafta mnda dra skwi ŋa Lazglafta ta hasuʼu ta ghəŋa vu ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe. »

La Levi 1:9

Ka ghuɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.

La Levi 2:16

Tahula tsa, ŋa drafta mnda dra skwi ŋa Lazglafta ta kuraghuta tsa kiʼa ka havu ya, ta nzakway ka hənzil sliha lu, nda rɗi, nda ya nda inda urdi ŋa dray nda dra ya. Tsaya skwa pla ghəŋ draf lu ta vu ŋa Yawe. »

La Levi 2:9

Ma tsa mbəhu ya, ŋa klapta mnda dra skwi ŋa Lazglafta ta kuraghuta tsa ka havu ya, ka drafta ta gwir. Tsaya skwa pla ghəŋ draf lu ta vu zɗəgana həlata ni ta Yawe.

La Levi 24:7

Ka kuktafta ka ta urdi ta drə lu nda dra ghenen ta inda ndər, ka drafta ka ta vu da manaka buradi ta kuraghuta ya ka havu ŋa Yawe.

La Levi 4:31

Ka hlata tsi ta inda ghwaviɗa tsa gu ya, manda ya ta hlata lu ta ghwaviɗa skwa pla ghəŋa zɗaku, ka drafta ta gwir, ŋa zɗəganata həlata ni ta Yawe. Manda tsaya dzaʼa magata mnda dra skwi ŋa Lazglafta ŋa slərɓanaptá zughu ta tsa hamata mndu ya. Dzaʼa plaku dmakwa ni.

La Levi 5:11

Ka haɗ mbrakwa mndu ŋa mutsaftá kukuha his ka zwana ghərbuʼha his a tsi wu katsi, laviŋ lava ta kladaghata ta hpu kəzlitit ka kiluʼ hkən ka skwa mbəha pla ghəŋ ŋa ɗawa pla dmakwa ni. Yaha magaftá rɗi tida, yaha sganaghatá urdi guli, kabga tsaya skwa pla ghəŋ ŋa ɗawa pla dmaku.

La Levi 5:12

Ka kladaghata tsa mndu ya ta tsa hpu ya da mnda dra skwi ŋa Lazglafta, ŋa tsəɗaʼata mnda dra skwi ŋa Lazglafta ta tsa hpu ya ɗuk ma dzvu ka havu, ŋa drafta ni ta gwir kawadaga nda skwa pla ghəŋ ŋa dray ta vu ŋa Yawe. Tsaya skwa pla ghəŋ ŋa ɗawa pla dmaku.

La Levi 6:15

Dər wati ma mndəra la Haruna dzaʼa fata lu nda ma pghanaghatá rɗi ŋa nzakwa ni ka mali ta ghəŋa gwal ta dra skwi ŋa Lazglafta ná, magata ni mnda tsaya. Tsaya skwi ŋa gɗata ta magay ŋa Yawe ŋa ɗekɗek. Dzaʼa drafta nda dra lu nekwnekw.

Mbsak 5:18

Tahula kladaghata mnda dra skwi ŋa Lazglafta ta tsa marakw ya ta kəma Yawe, ka paliŋtá swida ni, fanamha ma dzva ni ta tsa mbəha nimaya ŋa tsatsa krughuvi ya, tsaya mbəha nimaya draku. Dzaʼa ŋana ŋa mnda dra skwi ŋa Lazglafta ma dzva ni ta imi ɗahɗaha ta klaktá ksiʼi ya.

Mbsak 5:26

Dzaʼa tsəɗaʼa tsəɗa mnda dra skwi ŋa Lazglafta ta tsa hpwa mbəhu ya zluk ma dzvu ka skwa havu, ŋa drafta ta gwir. Tahula tsa, ŋa sunusta ni ta tsa ima ya ta tsa marakw ya.

Slna gwal ghunay 10:4

Ka nghə tsi ta tsa duhwala Lazglafta ya nda zləŋ nda zləŋ. Kaʼa mantsa: « Nya ní Mghama ɗa! » kaʼa. « Ɓhadafɓha tsa maga duʼa ta mag ka ya, nda tsa mbaha mnduha ta mbah ka ya da Lazglafta, kəl tsi ka havapta ka kagha.