Ka haɗ skwa ni ŋa vlatá slaɓalakwa tuwak wu, hlafta ni ta kukuha his ka zwana ghərbuʼha his a tsi. Sani turtuk ŋa pla ghəŋ ŋa dray tsuh tsuh, sani ya guli ŋa pla ghəŋ ŋa ɗawa pla dmaku. Dzaʼa slərɓanap slərɓa mnda dra skwi ŋa Lazglafta ta zughu, ŋa nzakwa ni kul haɗ skwa tsaɗa tida, » kaʼa.
« Ka mamu skwi ta vzafta ta mndu, ka dər lalam a tsi, ka dər dərna a tsi, ka nutá tsi ka ghwaɗaka lku ta mndu, tsa mndu ya ná, dzaʼa kladagha kla lu da Haruna mnda dra skwi ŋa Lazglafta, ka da sani ma zivira ni a tsi.
Na gi pghafta ira ni ta həŋ, « lawa la maranaŋtá vgha ghuni ta mnda dra skwi ŋa Lazglafta, » kaʼa nda həŋ. Tata mbaɗa həŋ ka dzaʼa, gi kləwəɗ nda mbamba həŋ.
Ma sana fitik ma nzakwa *Yesu ma sana luwa, ka lagha sana mndu ksu rɗa mndu. Na gi nghaŋta ni ta Yesu, ka zləmbatá tsi zlumbruh ma ghuva ni ka ndəɓa dzvu. « Mghama ɗa, ka ta kumay ka laviŋ lava ka ta mbiɗifta ka nzakwa yu nda ghuɓa, » kaʼa.
Ɗasuwa ka kuni nda ɗaŋwa ghwaɗaka lku, ka nghapta kuni ɗina, ka maga kuni ta slna nda inda skwi dzaʼa taghaghunafta gwal dra skwi ŋa Lazglafta ka la Levi manda ya mnanaf yu ta həŋ ya.
