La Levi 10:3 - Hdi

³ Ka Musa nda Haruna mantsa: « Nana na skwi si mna Yawe kazlay na: “Dzaʼa maraŋ mara yu ta nzakwa ɗa nda ghuɓa, ŋa gwal ndusa nda iʼi. Dzaʼa zlagigiŋ zlaga yu ta glakwa ɗa, ta kəma inda mnduha,” » kaʼa. Ka nzatá Haruna tsəriɗ.

La Levi 10:3 Mawu Ofanana

Zlrafta 18:25

Haɗ kagha dzaʼa maga skwi manda tsaya wu, ŋa zaɗanata gha ta tɗukwa mnduha kawadaga nda ghwaɗaka mnduha wa. Magta a kagha ta skwi mantsa ya ŋa tɗukwa mnduha kawadaga nda ghwaɗaka mnduha wa. Magta a kagha mantsa ya wa. Kagha ta tsanaghatá guma ta inda haɗik ná, tsata a ka ta guma nda tva ni wu ra? » kaʼa.

Sabi 14:17

Dzaʼa təŋanaf təŋa iʼi ta ghəŋa la Masar ŋa hwayighunista taŋ. Dzaʼa maranaŋ mara yu ta glakwa ɗa ta Firʼawna, nda inda sludziha ni, nda mwata plisha ni, nda sludziha ni ta plis tani.

Sabi 14:4

Dzaʼa təŋanaf təŋa yu ta ghəŋa Firʼawna ŋa hwayighunista ni. Dzaʼa marana mara yu ta glakwa ɗa ta Firʼawna nda sludziha ni demdem tani. Mantsa ya dzaʼa kəl la Masar ka snaŋta kazlay iʼi ná, Yawe yu kəʼa! » kaʼa. Ka magata la Israʼila manda va tsaya.

Sabi 19:22

Dər gwal ta dra skwi ŋa ɗa tata gɗata ta sagha da Yawe ya guli, ka ghuɓiŋta həŋ ta nzakwa taŋ, da valaftá iʼi Yawe ta həŋ, » kaʼa.

Sabi 19:24

Ka Yawe nda tsi mantsa: « Vrada vra kagha, ŋa vragafta gha kawadaga nda Haruna. Ama yaha gwal ta dra skwi ŋa ɗa, nda hamata mnduha da tsughwaɗaptá vli ŋa safi da iʼi Yawe, da valaftá yu ta həŋ, » kaʼa.

Sabi 30:30

Ka masafta ka ta tsa rɗi ya ta i Haruna nda zwana ni, ka fata ka ta həŋ ka ŋa iʼi Yawe, ŋa magihatá slna dra skwi.

La Levi 21:15

dá kfariŋtá tsi ta zwana ni mataba mnduha ni, kabga iʼi Yawe ta fata nda ghuɓa, » kaʼa.

La Levi 21:17

« Mnana mna ta Haruna: Yaha mndu mataba zigha gha ma zivira gha nda maslivinza tida da gavadaghata ŋa vla skwa zaya Lazglafta ni.

La Levi 21:21

Yaha mndu mataba zivira la Haruna, mnda dra skwi ŋa Lazglafta, nda maslivinza tida da gavadaghata ŋa vla skwa pla ghəŋ ŋa dray ta vu ŋa Yawe. Yaha da gavadaghata ŋa vla skwa zaya Lazglafta ni, dabga nda maslivinza tida.

La Levi 21:6

Dzaʼa nza nza həŋ nda ghuɓa ka ŋa Lazglafta taŋ, haɗ həŋ dzaʼa kfariŋtá hga Lazglafta taŋ wu, kabga hahəŋ gwal ta vla skwa pla ghəŋ ŋa dray ta vu ŋa Yawe, skwa zaya Lazglafta taŋ. Ka nzata həŋ nda ghuɓa.

La Levi 21:8

Ka ngha kuni ka gwal nda ghuɓa ta həŋ, kabga hahəŋ ta vla skwa zay ŋa Lazglafta ghuni. Dzaʼa nzakway həŋ nda ghuɓa ka ŋa ghuni, kabga iʼi Yawe ta naghunafta nda ghuɓa ná, nda ghuɓa yu.

La Levi 22:9

Dzaʼa sna sna gwal ta dra skwi ŋa ɗa ta tva skwiha ŋa magihata, dá klanaktá həŋ ta ghəŋa taŋ ta dmaku, dá rwutá həŋ ma kfariŋta taŋ ta tsa tva skwi ŋa magay nda ghuɓa ya. Iʼi Yawe ta ghuɓiŋtá həŋ.

La Levi 8:35

Fitik ndəfáŋ dzaʼa zata kuni, nda fitik tani nda rviɗik tani ta wa tumpula guyaku ta maganatá slna ta Yawe. Ka nza a tsi manda tsaya wu ná, dzaʼa rwu rwa kuni, kabga mantsa ya ka Yawe mnaɗifta, » kaʼa.

Mbsak 16:5

Kaʼa nda Kurah nda ya nda bakwa ni mantsa: « Ga sərɗək mahtsim, dzaʼa snamam sna Yawe ta ya ka ŋa ni, ta ya nda ghuɓa ta laviŋtá ɓhadaghata da tsi. Tsa mndu dzaʼa zbapta tsi ya, dzaʼa zlanaŋ zla ta tvi ŋa gavadaghata da tsi.

Mbsak 20:12

Ka Yawe nda i Musa nda Haruna mantsa: « Ma kwala ghuni kul zlghaftá iʼi, maraŋ a kuni ta nzakwa ɗa nda ghuɓa ta kəma la Israʼila ya wu, dabga tsaya, kladamtá a kuni ta na guyatá ghəŋa mnduha na ta tsa haɗik vlaŋ yu ta həŋ ya wu, » kaʼa.

Mata 10:37

« Ka malaghu mala ɗvafta mndu ta da ni ka ma ni a tsi ka iʼi ná, ta nza a tsa mndu ya ka ŋa ɗa wa. Ka malaghu mala ɗvafta mndu ta zwaŋa ni ka makwa ni a tsi ka iʼi ná, ta nza a tsa mndu ya ka ŋa ɗa guli wa.

Yuhwana 12:28

Da! Maraŋ mara ta glakwa gha, » kaʼa. « Ghada ghada yu ta maraŋtá glakwa ɗa, dzaʼa kɗay yu ta maray guli, » ka lwi gwaɗagata daga ta luwa.

Yuhwana 14:13

Mantsa tama, inda skwi dzaʼa kuni ɗawaŋta nda hga ɗa, dzaʼa magay yu, kada maraŋta Da ta glakwa ni nda ma zwaŋ.

Vrafta ta zlahu 32:51

kabga giha ga kuni his his ta mghama krughuvi ta kəma la Israʼila ta wa ima Meriva ma Kades ta mtaka Tsiŋ, kwalaghu kwala kuni ta maraŋtá ghuɓata iʼi ta kəma la Israʼila.

2Tes 1:10

Ma saha ni dzaʼa magakwa tsaya, ŋa zləzlvay inda gwal ta zlghafta, ŋa ndərmimay inda taŋ nda ndərmima. Tekw kaghuni mataba taŋ, kabga zlghaf zlgha kaghuni guli ta gwaɗa ya mnaghuna ŋni.

1 Piyer 4:17

Sagha sa fitik ŋa zlraftá Lazglafta ta tsa guma. Tiŋəl ta ghəŋa həga ni dzaʼa zlrafta tsi ta tsay. Ala, ka si nda amu ka lu zlrafta katsi, kinawu dzaʼa kɗavakta tsi ta ghəŋa gwal kul snatá *Lfiɗa Gwaɗa Lazglafta na?

1Sam 2:30

Tsaya tama, ka Yawe, Lazglafta la Israʼila na: “Si mna mna yu kahwathwata kazlay na dzaʼa nzay gwal ga ghuni, nda zivira dzidzíha gha ŋa magihatá slna ŋa ɗekɗek kəʼa, ama ndanana, nzəglata a mantsa ya wu!” ka Yawe mnata. “Ta vlay yu ta sgit ŋa gwal ta vla sgit ŋa ɗa, ama gwal ta kfara iʼi ya, dzaʼa kfaraku hahəŋ guli.

1Sam 3:18

Mantsa tama, ka rusanaftá Samuyel ta inda ni demdem kul mananaghuta. Ka Iliya mantsa: « Tsatsi Yawe, ka maga tsi ta skwi ya ta zɗəganata! » kaʼa.

1Sam 6:20

Ka la Betʼsemes mantsa: « Wa dzaʼa laviŋtá sladata ta kəma Yawe tsa Lazglafta nda ghuɓa ya na? Dzaʼa klaghata diga mu diʼiŋ nda amu ta akwata ni na? » ka həŋ.