La Levi 1:3 - Hdi

³ Ka sla mbəha pla ghəŋa tsa mndu ya, ŋa dray tsuh tsuh katsi, kladaghata ni ta lghəŋ ya kul haɗ maslivinza tida. Ka kladaghata tsi ta wa tumpula guyaku, kada ŋwafta tsi ta kəma Yawe.

La Levi 1:3 Mawu Ofanana

Zlrafta 22:13

Kəʼa ka Abraham klaŋtá ghəŋ ná, ka nghaŋtá tsi ta maŋazak ŋaghu skwi ta duli ma mubukwa fu. Ka sliʼaftá Abraham klaktá tsa maŋazak ya ka drafta tsuh tsuh ka skwa pla ghəŋ da manaka zwaŋa ni.

Zlrafta 22:2

Ka Lazglafta mantsa: « Klaf kla ta zwaŋa gha, kɗakwa ni turtuktuk, tsa ɗvu ka, Izak ya, ka dzaʼa ka ta ghwá ya dzaʼa mnaghata yu ta haɗika Muriya, ka vlihata ka, ka skwa pla ghəŋ ŋa dray tsuh tsuh hada, » kaʼa.

Zlrafta 22:8

Ka Abraham mantsa: « Zwaŋa ɗa, dzaʼa payaf paya Lazglafta ka ghəŋa ni ta zwaŋa tuwak ŋa dray, » kaʼa. Ka kəɗ həŋ ta mbaɗa taŋ his his kawadaga.

Zlrafta 8:20

Lagha Nuhu ka dzihwanaftá gwir ta Yawe, ka kasaʼatá tsi mataba inda mndəra rini kul tsaɗ lu, nda mndəra ɗyakha nda zarakha kul tsaɗ lu, ka vlata ŋa pla ghəŋ ŋa dray tsuh tsuh ta gwir.

2Rus 29:32

Mbsaka tsa skwiha ŋa pla ghəŋ ŋa dray tsuh tsuh hladagha guyatá ghəŋ ya ná, lghəŋ ndəfáŋ mbsak, nda maŋazak dərmək (100), nda slaɓalakwa maŋazak his dərmək (200) həŋ. Inda tsa rini ya, ka vlatá lu ka skwa pla ghəŋ ŋa dray tsuh tsuh ŋa Yawe.

2Rus 35:12

Ka pghaghutá həŋ ta sanlaha ma rini ŋa pla ghəŋ ŋa dray tsuh tsuh, ya dzaʼa lu dagafta taɓta dagatá la Israʼila ta uʼa taŋ ta uʼa taŋ, ŋa vlata taŋ ka skwa pla ghəŋ ŋa Yawe, manda ya nda vinda ma deftera Musa. Mantsa ya magata həŋ nda slaha guli.

Sabi 12:5

Tsa slaɓalakwa skwi nda səla dzaʼa klafta həŋ ya ná, maŋazak ka dugzum turtuk vakwa ni a tsi katsi, kul haɗ maslivinza tida.

Sabi 24:5

Ka ghunaftá tsi ta sanlaha ma duhwalha la Israʼila ŋa draftá skwi ŋa pla ghəŋ ŋa dray tsuh tsuh. Ka vlaŋtá həŋ ta lghəŋha ta Yawe ŋa pla ghəŋa zɗaku.

Sabi 29:18

Ka drafta ka ta tsa maŋazak ya demdem ta gwir. Tsaya skwa pla ghəŋ ŋa dray tsuh tsuh ŋa Yawe. Tsa skwa pla ghəŋ draf lu ta vu ya ná, zɗəgana həlata ni ta Yawe.

Sabi 29:4

Ka hlagaghata ka ta i Haruna nda zwana ni ta wa tgha tumpula guyaku. Ka mbambazata ka ta həŋ nda imi.

Sabi 29:42

Ka gɗata kuni ta pla ghəŋ ŋa dray tsuh tsuh inda fitik ha ma zivirha ghuni ta kəma Yawe ta wa tgha tumpula guyaku, hada dzaʼa guyakwa yu nda kaghuni ŋa gwaɗgaghata ɗa.

Sabi 32:6

Ga mahtsima ni, ka sliʼaftá mnduha wrək tgha, ka lagha da vlatá skwa pla ghəŋ ŋa dray tsuh tsuh, nda ya ŋa pla ghəŋa zɗaku. Ka nzatá mnduha ka za skwi, ka sa skwi. Ka sliʼaftá həŋ ka dza baslabasla.

Sabi 35:21

Ka hlaktá inda mndu ya ksaŋ tsi ta ŋuɗufa ni, nda mndu ya ya kuksanaf sulkuma ni ta mbəhu ŋa Yawe, ŋa baftá tumpula guyaku, nda ya ŋa maga slna ni, nda ya ŋa maga lgutha nda ghuɓa.

Sabi 35:29

Inda la Israʼila zgwana nda miʼaha, gwal nda fa ŋuɗufa taŋ ŋa vla skwi ŋa maga inda slnaha ya mnanaf Yawe ta Musa ná, ka hlagaghatá həŋ ta mbəhuha taŋ nda kumaŋta ŋuɗufa taŋ ka vlaŋtá Yawe.

Sabi 35:5

“Hlaʼawa hla ta skwa ghuni ka mbəhu ŋa Yawe. Inda mndu nda fa ŋuɗufa ni, hlanakta ni ta mbəhu ta Yawe manda: Dasu, nda kfura tsedi, nda ghuva tili,

Sabi 36:3

Ka zlghaftá həŋ da Musa ta inda tsa mbəhuha hlak la Israʼila ŋa maga slna həga nda ghuɓa ya. Inda sərɗək, ka va kɗaŋtá mnduha ta hlaktá mbəhuha da Musa nda kumay ŋuɗufa taŋ.

Sabi 38:1

Ka magaftá tsi ta gwira pla ghəŋ ŋa dray tsuh tsuh nda udza kwehi. Ka mitər his nda rita slrakwa ni, ka mitər his nda rita bughwata ni, ka gragra nzakwa taŋ, ka mitər nda rita slada ni.

La Levi 1:10

Ka rina fisik mbəha pla ghəŋa tsa mndu ya ŋa dray tsuh tsuh katsi, kladaghata ni ta maŋazak, ka dugzum a tsi, ya kul haɗ maslivinza tida.

La Levi 14:10

Baɗ matghasa fitik, ka hlafta tsi ta slaɓalakwa tuwakha his kul haɗ maslivinza ta həŋ, nda daɓala tuwak turtuk vakwa ni kul haɗ maslivinza tida. Ka tsəɗaʼata tsi guli ta hpu kəzlitit ka kiluʼ təmbay hwaɗata ni nda rɗi ka mbəha nimaya, nda rita litəra rɗi.

La Levi 16:7

Dzaʼa hlaf hla ta tsa dugzumha his ya, ka pghata ta kəma Yawe ta wa tumpula guyaku.

La Levi 17:4

kul kladaghata ta wa tumpula guyaku ŋa vlaŋta ka mbəhu ta Yawe ta kəma tsa həga tumpula ni ya wu katsi, dguv ta ghəŋa tsa mndu ya us pghiŋ tsi. Pghiŋ pgha ta us, dabga tsa, dzaʼa kliŋ kla lu mataba mnduha ni.

La Levi 17:8

Ka ka nda həŋ na: Ka lagha mnda Israʼila, ka mataba gwal ka mayəm ta nzakw mataba ghuni a tsi, ka vlatá skwa pla ghəŋ ŋa dray tsuh tsuh, ka sana skwa pla ghəŋ a tsi,

La Levi 17:9

kul kladaghata ta wa tumpula guyaku ka mbəhu ŋa vlaŋtá Yawe wu, dzaʼa kliŋ kla lu ta tsa mndu ya mataba mnduha ni.

La Levi 23:12

Baɗ va tsa fitik zukwaf kuni ta tsa bakərva ya, ka vlata kuni ta slaɓalakwa maŋazak turtuk vakwa ni kul haɗ maslivinza tida, ŋa pla ghəŋ ŋa dray tsuh tsuh ŋa Yawe.

La Levi 23:18

Ka vlata kuni kawadaga nda tsa buradi ya ta slaɓalakwa maŋazakha ndəfáŋ kul haɗ maslivinza ta həŋ, ya turtuk turtuk vakwa taŋ, nda lghəŋ dɓakwa, nda maŋazakha his ŋa pla ghəŋ ŋa dray tsuh tsuh ŋa Yawe, kawadaga nda mbəha nimaya taŋ, nda ima inabi ŋa slranata. Nda nza tsaya ka skwa pla ghəŋ draf lu ta vu ŋa ɗa, ka skwa pla ghəŋ zɗəgana həlata ni ta Yawe.

La Levi 3:1

« Ka ta kumay mndu ta mbəhatá Yawe nda skwa pla ghəŋa zɗaku katsi, kladaghata ni ta kəma Yawe ta lghəŋ ka mana sla a tsi kul haɗ maslivinza tida.

La Levi 4:15

Ɓhadaghata taŋ da hada, ka pghafta la galata mndu mataba guyatá ghəŋ ta dzva taŋ ta ghəŋa tsa lghəŋ ya ta kəma Yawe, ka ghwanafta hada ta kəma Yawe.

La Levi 4:23

Na gi grafta ni ta tsa dmakwa ni ya, kladaghata ni ta mbəha pla ghəŋ ka dugzum kul haɗ maslivinza tida.

La Levi 4:3

Ka mali ta ghəŋa gwal dra skwi ŋa Lazglafta pghanagha lu ta rɗi ta gatá dmaku katsi, hlam hla ta mnduha da dmaku, tsaya ná, kladaghata ni ta lghəŋ dɓakwa kul haɗ maslivinza tida ŋa Yawe ŋa pla ghəŋ ŋa ɗawa pla dmaku.

La Levi 4:32

Ka tuwak kladagha tsa mndu ya ka vlata ŋa mbəha pla ghəŋa ɗawa pla dmaku katsi, kladaghata ni ta mana tuwak kul haɗ maslivinza tida.

La Levi 5:15

« Ka lagha mndu ka ga ta dmaku nda ɗvay ni a wu, nda ma dmanaftá skwiha nda fa ka ŋa Yawe katsi, dzaʼa klanak kla ta Yawe ta maŋazak kul haɗ maslivinza tida mataba bra rina fisik ka skwa pla ghəŋ ŋa paya tvi. Sgita tseda tsa maŋazak ya ná, taɓ ta ya ta grafta lu ta skwa gra skwi ma həga nda ghuɓa dzaʼa nzakwa tsi. Nda nza tsa maŋazak ya ka skwi ŋa pla ghəŋ ŋa paya tvi.

La Levi 5:18

Ka klafta tsi ta maŋazak kul haɗ maslivinza tida mataba bra rina fisik, taɓta sgita skwi ya mnaf lu ka skwa pla ghəŋa paya tvi. Ka slərɓanapta mnda dra skwi ŋa Lazglafta ta zughu ŋa pla dmakwa tsa mndu ta magata ka palama ya a wu, nda snaŋta ni a wu ya. Dzaʼa plaku dmakwa ni.

La Levi 6:2

« Mnanaf mna ta i Haruna nda zwana ni, kazlay na: Wya tva skwi ŋa magay nda skwa pla ghəŋ ŋa dray tsuh tsuh kəʼa. Dzaʼa han ta gwir tsa skwa pla ghəŋ ŋa dray tsuh tsuh ya ta zlghaku petsuweɗ vli ha ga sərɗək, mbaɗa lu ka ŋasa vu.

La Levi 6:8

Dzaʼa tsəɗaʼa tsəɗa mndu turtuk mataba gwal ta dra skwi ŋa Lazglafta ta hpu kəzlitit ɗuk ma dzvu laɓata ni nda rɗi, nda inda urdi ŋa dray nda dra sganagha lu ta ghəŋa mbəhu, ka drafta ta gwir. Tsaya skwi ka havu zɗəgana həlata ni ta Yawe.

La Levi 7:16

Ama skwa pla ghəŋ ta ghəŋa skwi waɗa tsi ta magay, ka mbəhu nda kumay ŋuɗuf a tsi ná, dzaʼa zuza lu ta sluʼa ni baɗ tsa fitik vla lu ya. Ama pɗakwa ni, laviŋ lava lu ta zay ga mahtsima ni.

La Levi 8:18

Tahula tsa, ka kladaghatá Musa ta maŋazak ŋa pla ghəŋ ŋa dray tsuh tsuh. Ka lagha i Haruna nda zwana ni da pghaftá ta dzvuha taŋ ta ghəŋa ni.

La Levi 8:21

Ka ghwaɓiŋtá tsi ta nihuɗa ni, nda dagulamaha ni, ka draftá tsa maŋazak ya demdem ta gwir. Tsaya skwa pla ghəŋ ŋa dray tsuh tsuh, zɗəgana həlata ni ta Yawe. Tsaya skwa pla ghəŋ ŋa dray ta vu ŋa Yawe manda ya mnanaf Yawe ta Musa.

La Levi 9:2

Kaʼa nda Haruna mantsa: « Klaf kla ta mamakwa sla ŋa pla ghəŋ ŋa ɗawa pla dmaku, nda maŋazak ŋa pla ghəŋ ŋa dray tsuh tsuh, kul haɗ maslivinza ta həŋ his his, ka hladaghata ka ta həŋ ta kəma Yawe.

Mbsak 15:3

ka vlaŋta kuni ta Yawe ta skwi ŋa pla ghəŋ draf lu ta vu zɗəgana həlata ni ta Yawe ka sla ka rina fisik a tsi ŋa dray tsuh tsuh, ka ya ŋa hɗamtá skwi ya waɗa lu a tsi, ka mbəha rfa ŋuɗuf a tsi, ka ya ŋa skala rfu a tsi.

Mbsak 15:8

Ka lghəŋ tsi, dzaʼa vlaŋta ka ta Yawe ŋa pla ghəŋ ŋa dray tsuh tsuh, ka pla ghəŋ ŋa hɗamtá skwi waɗa lu a tsi, ka pla ghəŋa zɗaku a tsi,

Mbsak 19:2

« Wya tva skwiha ŋa magay mnaf Yawe ma zlahu: Mnanawa mna ta la Israʼila ka kləgaghaghata həŋ ta rva sla dvaŋdvaŋa ɗina kul haɗ maslivinza tida, kul haɗ balaku tida, sla ya ta kul fanaftá ta zuk.

Mbsak 23:19

Mnda səla a Lazglafta ŋa tsakalay ni ta wi wa. Zwaŋa mnda səla a ŋa mbəɗanaftá skwi kura tsi wa. Ta gwaɗay ta gwaɗa ŋa kwal kul magata ra? Ta gwaɗay ta gwaɗa ŋa kwal kul ksa slna nda tsi ra?

Mbsak 23:27

Ka Balak nda Bilgham mantsa: « Kdəkkdək sagha sa! Ka klaghata yu da sana vli, kawayaka skwi dzaʼa zɗəgana zɗa tsa vli ya ta Lazglafta, ŋa ksiʼiɗifta gha ta tsa mnduha ya, » kaʼa.

Mbsak 23:3

Ka Bilgham nda Balak mantsa: « Slada slada ta vata na pla ghəŋa gha ŋa dray tsuh tsuh na, ta diʼiŋaghutá iʼi, kawayaka skwi dzaʼa sagha sa Yawe da guyaku nda iʼi. Gwaɗa ya dzaʼa sniɗimta tsi dər kinawu nzakwa ni, dzaʼa mna gha mna yu, » kaʼa. Ka laghu tsi ta sana kuɗuŋur dɗay.

Mbsak 23:30

Ka magatá Balak manda ya mnana Bilgham, ka vlatá tsi ta lghəŋ turtuk nda maŋazak turtuk ta inda gwir.

Mbsak 28:11

« Ma inda ngha tili, kladaghata ghuni ŋa Yawe ta skwa pla ghəŋ ŋa dray tsuh tsuh: Ta lghəŋha dɓakw dɓakwa his, nda maŋazak turtuk, nda slaɓalakwha maŋazak ndəfáŋ turtuk turtuk vakwa taŋ, rini kul haɗ maslivinza ta həŋ,

Mbsak 28:19

Ka vlaŋta kuni ka mbəhu ŋa dray tsuh tsuh ta vu ŋa Yawe: Ta lghəŋha dɓakw dɓakwa his, nda maŋazak turtuk, nda slaɓalakwa maŋazakha ndəfáŋ, turtuk turtuk vakwa taŋ, kul haɗ maslivinza ta həŋ,

Mbsak 28:31

Ka vlata kuni ta mbəha nimaya ni, kawadaga nda skwiha ŋa slranata ta ghəŋa tsa skwa pla ghəŋ ŋa dray tsuh tsuh inda fitik ya. Ka hlafta kuni ta rini kul haɗ maslivinza ta həŋ. »

Mbsak 29:13

Ka vlaŋta kuni ka skwa pla ghəŋ ŋa dray tsuh tsuh ta vu, zɗəgana həlata ni ta Yawe: Ta lghəŋha dɓakw dɓakwa ghwaŋpəɗ hkən, nda maŋazakha his, nda slaɓalakwa maŋazakha ghwaŋpəɗ fwaɗ, turtuk turtuk vakwa taŋ, kul haɗ maslivinza ta həŋ,

Mbsak 29:2

Ka vlaŋta kuni ta skwa pla ghəŋ ŋa dray tsuh tsuh zɗəgana həlata ni ta Yawe: Ta lghəŋ dɓakwa turtuk, nda maŋazak turtuk, nda slaɓalakwa maŋazakha ndəfáŋ turtuk turtuk vakwa taŋ. Rini kul haɗ maslivinza ta həŋ,

Lukwa 1:35

« Sulkum nda ghuɓa dzaʼa saha ta ghəŋa gha. Mbrakwa Lazglafta Dagala dzaʼa bukwaghamta. Tsaya dzaʼa kəl lu ka hga tsa zwaŋ nda ghuɓa dzaʼa yata ka ya ka Zwaŋa Lazglafta.

Yuhwana 1:36

Nghay ni ta *Yesu ta lab mantsa: « Wa a zwaŋa tuwaka Lazglafta, » kaʼa.

Yuhwana 10:7

Ka *Yesu nda həŋ guli mantsa: « Kahwathwata ka yu ta mnaghunata, iʼi wa tgha gamaka tuwakha.

Yuhwana 10:9

Iʼi wa tgha gamaka tuwak, ka lam la mndu nda ta iʼi, dzaʼa mbaku. Dzaʼa laviŋ lava ta lami ka sabi, ŋa mutsafta ni ta skwa zay ni.

2Kwa 8:12

Ka nda ŋuɗuf turtuk klafta ka ta skwi klaf mbrakwa gha ka vlata katsi ná, zɗəgana zɗa ta Lazglafta. Ɗawa a ta skwi kul haɗ da kagha wa.

2Kwa 9:7

Tsa katu ya ná, ka vla mndu manda ya ndanap tsi ma ŋuɗufa ni. Nda mtsiriuʼ a wu, tkweʼ a guli wa. Lazglafta ná, ta ɗvay ta mndu ta vlay nda rfu.

Afisus 2:18

Əŋkaʼ a ka Kristi kəl amu demdem, kaghuni nda aŋni tani, ka laviŋta ndusanavatá Lazglafta ta nzakway ka Da, nda ma tsa Sulkum nda ghuɓa turtuk ya.

Afisus 5:27

Ta kumay ta fatá Igliz ka makwa ta rka ta wa ira ni. Va a ta nzata ni nda rɗak wu, va a ta razu tida wu, va a ta dər wati ma bədzaku tida wa. Ta kumay ta nzakwa ni ɗina kul haɗ sana skwi tida.

Vrafta ta zlahu 12:27

Ka vlata kuni ta pla ghəŋa ghuni ŋa dray tsuh tsuh, sluʼa ni nda usa ni tani, ta gwira Yawe, Lazglafta ghuni. Usa hamata skwa pla ghəŋ ya ná, ta gwira Yawe, Lazglafta ghuni dzaʼa pghafta kuni, ama laviŋ lava kuni ta zutá luʼa ni.

Vrafta ta zlahu 15:21

Ka mamu ya nda maslivinza tida, dər ta dzəgiɗi tsi, dər nda ghulpa tsi, dər mndəra wati ma maslivinza a tsi tida, haɗ kuni dzaʼa hna tsaya ŋa Yawe, Lazglafta ghuni wa.

Vrafta ta zlahu 17:1

Yaha kuni dá planatá ghəŋ ta Yawe, Lazglafta ghuni nda sla, ka rina fisik a tsi, ya nda maslivinza tida, ka ya ka tərɗa a tsi, kabga nda nza tsaya ka manzakɗaway ka ŋa Yawe, Lazglafta ghuni.

Hebru 7:26

Tsaya tama ná, nda nza Yesu ka mali ta ghəŋa gwal ksa slna Lazglafta ya pahaŋ mu. Tsatsi ná, nda ghuɓa nzatá nzakwa ni, haɗ rutsak tida wa. Haɗ dmaku tida guli wa. Nza a tsatsi manda gwal dmaku wa. Klagha kla lu ta luwa.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.