Kwalus 3:25 - Hdi

²⁵ Mndu ta maga ghwaɗaka skwi ná, va tsa ghwaɗaka ni ya ŋa ni dzaʼa mutsay, kabga haɗ Lazglafta ta gala mndu nda gala wa.

Kwalus 3:25 Mawu Ofanana

2Sam 14:14

Dzaʼa rwaku inda amu, ŋa nzakwa mu ka guram nda imi pgha lu ta haɗik kul haɗ ta tskəglavata. Ama va a Lazglafta ta zaɗiŋtá hafu wu, tsaya kəl tsi ka payaftá tvi ŋa vrakta inda gwal ghəzliŋ lu ta kəma ni.

2Rus 19:7

Ndanana, ka nza zləŋa Yawe da kaghuni. Ɗasuwa ka kuni nda slna ghuni, kabga haɗ Yawe, Lazglafta mu ta maga skwi kul nzakway tɗukwa wu, haɗ ta gala mndu, haɗ ta ɗva sməɗ wu, » kaʼa.

La Levi 19:15

Ma tsə kuni ta makɗiŋilŋila guma. Ma sisin kuni ta pɗu, ma ŋliŋ kuni ta mndu dagala. Guma tɗukwa dzaʼa tsə kuni ta ghəŋa mndu.

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Lukwa 20:21

Ka ɗawaŋtá həŋ da tsi: « Mghama ɗa! Nda sna ŋni ta gwaɗa ta gwaɗ ka, nda skwi ta tagh ka tɗukwa nzakwa ni kəʼa. Haɗ ka ta gala mndu wu, tva nzaku kahwathwata manda ya ta kum Lazglafta ta tagh ka, » ka həŋ.

Slna gwal ghunay 10:34

Mbaɗa *Piyer ka zlraftá gwaɗa. Wya kaʼa: « Kahwathwata, ndanana grafta yu kazlay: Haɗ Lazglafta ta gala mndu wu kəʼa.

La Ruma 2:11

Mantsa ya ná, haɗ Lazglafta ta gala mndu wa.

2Kwa 5:10

Inda amu demdem ná, dzaʼa lagha la mu ta kəma *Kristi ŋa tsamaghatá guma, ŋa zlghay inda mndu ta nisəla slna ni ya maga tsi ma nzakwa ni ta ghəŋa haɗik. Ka ɗina slna ni maga tsi, dzaʼa zlghay ta nisəla ni, ka ɗina a slna ni maga tsi wu dzaʼa zlghay ta nisəla ni guli.

Afisus 6:8

Dər má ka Kwalva ka, dər má ka kwalva a ka wu, ka maga maga ka ta slna ɗina, dzaʼa mutsay ka ta nisəla gha da Mgham.

Afisus 6:9

Kaghuni daŋahəgaha guli, manda tsaya ka kaghuni magay ŋa kwalvaha ghuni. Ma ŋruhə kuni ta həŋ. Ɗina ka snaŋta ghuni kazlay: Nda kaghuni tani nda hahəŋ tani, daŋahəga ni həga turtuk ta nzakway ta luwa daŋahəga ni həga ghuni kəʼa. Haɗ tsatsi ta gala mndu wa.

Vrafta ta zlahu 1:17

Yaha kuni da gala mndu nda gala, ka sna kuni ta gwaɗa gwal nda hta nda ŋa gwal dagala dagala. Yaha kuni da zləŋa mndu, kabga ŋa Lazglafta guma. Ka ta nghadaptá kuni, nda bla tsa gwaɗa ya katsi, klagaghata ghuni da iʼi ŋa snanata ɗa,” ka yu.

Vrafta ta zlahu 10:17

Yawe, Lazglafta ghuni ná, tsatsi Lazglafta ta ghəŋa lazglaftaha, mgham ta ghəŋa mghamha. Tsatsi Lazglafta dagala, ta mbruta ta zləŋ lu nda zləŋa. Haɗ ta gala mndu nda gala wu, haɗ ta tsuʼa sməɗ wa.

Kwalus 4:1

Kaghuni daŋahəgaha, ŋanawa ŋa ta kwalvaha ghuni ta tɗukwa ni nda rakwa ni. Ɗina ka snaŋta ghuni guli kazlay: Mamu daŋahəga ni həga kaghuni guli ta luwa kəʼa.

1Tes 4:6

Ma tsa skwiha ya tama ná, ma tsaghu sani ta sani ka nənɓapta, kabga dzaʼa ghuzlanap ghuzla Lazglafta ta iri ta gwal ta maga mndərga tsaya, manda ya ghada ŋni ta mnuta ya.

2Tes 1:6

Skwi tɗukwa dzaʼa magata Lazglafta, na tsa ghuyanaptá ɗaŋwa dzaʼa ghuyanapta tsi ta tsa gwal ta ghuyaghunaptá ɗaŋwa ya guli.

Filimuŋ 1:18

Ka si mamu dmaku mataba ghuni, nda ya ka mamu skwa gha da tsi, da iʼi ɗawa ka.

Hebru 2:2

Tsa gwaɗa si ta mnə duhwalha Lazglafta ghalya ya ná, nda mbra nzakwa ni. Inda gwal ta kwal kul klaftá tsa gwaɗa ya ka gwaɗa, ka kwalaghutá snata ná, mutsaf mutsa həŋ ta guma ya ta raŋtá həŋ.

1 Piyer 1:17

Ka ta hgay kuni ma duʼa ghuni ka « Da » ta Lazglafta, ya ta tsa guma ta ghəŋa inda mndu taɓta slna ni maga tsi kul gala mndu nda gala ya, nzawa nza nda zləŋay ma na nzakwa ghuni tata na ghəŋa haɗik na.

Yuda 1:16

Ta ghəŋ tsa mnduha ya mna Inuk ta tsa gwaɗa ya kazlay: Ruruŋwaku nda ŋa ɗa ghəŋ yeya ŋa taŋ inda fitik. Skwi ta kum ghəŋa taŋ ta mag həŋ, ghuba mndu ŋa gatutá wi skwi ta gwaɗ həŋ.