Izra 9:7 - Hdi

⁷ Daga ta dzidza ŋni ha ka sagha ta gita, dagala dmaku ga ŋni. Ta ghəŋa krughuvi ga ŋni, ka hlaftá lu ta aŋni nda mghamha ŋni, nda gwal ta dra skwi ŋa Lazglafta ŋni, ka vlaŋtá mghamha ta sana haɗikha, ka pslatá həŋ ta aŋni, ka hlaghatá aŋni, ka zatá həga ŋni. Ka pghaŋnaghatá həŋ ta hula manda va na gita na.

Izra 9:7 Mawu Ofanana

1Mgh 8:47

ka vraganagha vra həŋ ta ghəŋa taŋ ma tsa haɗik dzaʼa hlaghata lu ta həŋ da ga vuʼa ya, ka vrak vra həŋ da kagha, ka taw həŋ ta taw da kagha ma tsa haɗika gwal ta hlaghatá həŋ ya, ka ka həŋ mantsa: “Gaga ŋni ta dmaku, gaga ŋni ta krughuvi, maga maga ŋni ta ghwaɗaka skwi,” ka həŋ,

2Rus 29:6

Guv ga dadaha mu ta krughuvi, ghwaɗaka skwi maga həŋ ta wa ira Yawe, Lazglafta mu. Zlanava zla həŋ, ka klaghutá ghəŋ ta vata həga Yawe, ka mbəɗanatá hul.

2Rus 30:7

Ma nza kuni manda dadaha ghuni nda zwana ma ghuni! Magana maga həŋ ta ghwaɗaka skwi ta Yawe, Lazglafta dzidzíha taŋ, ka niŋtá tsi ta həŋ ka skwi ta gá zləŋ, manda na ta nghə kuni ndanana ya.

2Rus 34:24

Wya ka Yawe mnata: Dzaʼa kladagha kla yu ta zləmnda da tsa vli ya, nda ya ta ghəŋa mnduha ni, taɓta inda ksiʼiha nda vinda ma tsa defteri dzaŋaf lu ta kəma mghama la Yuda ya.

Izra 9:13

Ari Lazglafta ɗa, inda ghwaɗaka skwi ta slaŋnaghata ná, slaŋnagha sla kabga vəl magata ŋni ta skwi kul ɗinaku, dagala krughuva ŋni. Tsaw kulaf a kagha ta sanlaha ma dmakuha ŋni wa. Ka zlanatá ka ta na aŋni na, nda hafu.

Nəhemiya 9:30

Nda kɗa vakwa gha ta ksa ŋuɗuf nda həŋ. Ka vlaŋtá ka ta Sulkuma gha ta anabiha ŋa dvanaghatá həŋ, ama fagha həŋ ta sləməŋ wa. Mantsa tama, ka vlatá ka ta həŋ ma dzva mndəra sana mnduha.

Mbsak 32:14

Kaghuni mndəra la ka dmaku, wya kuni ta kla saɗa dzidzíha ghuni, ŋa sliʼiglanafta katakata ta gufatá ŋuɗufa Yawe ta ghəŋa la Israʼila!

1Sam 12:15

Ama ka fana a kuni ta sləməŋ ta gwaɗa Yawe wu, ka ta ga sidi kuni nda zlahuha Yawe, dzaʼa ksaghunaŋ ksa Yawe ta mbrakwa ni, manda ya magana tsi ta dzidzíha ghuni.