Izra 9:3 - Hdi

³ Manda snaŋta ɗa ta tsa gwaɗa ya, ka kuhiŋtá yu ta dawra ɗa nda mayafa ɗa, ka kwitsə yu ta swidi ma ghəŋa ɗa, nda ghumay ɗa, ka nzatá yu tuʼuvuk katakata.

Izra 9:3 Mawu Ofanana

2Sam 1:11

Ka ksaftá Dawuda ta lguta ni ka kwahiŋta ka ŋizla taw. Mantsa ya inda gwal kawadaga nda tsi guli.

2Mgh 18:37

Ka vraghatá i Iliyakim, zwaŋa Hilkiya, mali ta ghəŋa həga gá mgham, nda Sevna mnda vindi, nda Yuʼah, zwaŋa Asaf mnda tskanatá ɗelewera gwaɗa ga mgham slanaghatá Hizkiya nda kwahatá lgut ta vgha, ka rusanaftá həŋ ta tsa gwaɗaha slufa mghama la Asur ya.

Nəhemiya 1:4

Na snaŋta ɗa ta tsa gwaɗa ya, ka nzata yu, ka taw yu ta taw, kidaghi fitika ɗa ma taw, ka sumə yu ta suma, ka mag yu ta duʼa ta kəma Lazglafta ta luwa,

Nəhemiya 13:25

Ka davə yu ta həŋ, ka ksiʼa həŋ. Ka dzə yu ta sanlaha mataba taŋ, ka kwitsa swidi ma ghəŋa taŋ. Ka mblaftá yu ta həŋ ŋa waɗata nda hga Lazglafta kazlay na, yaha həŋ da vla kwagha taŋ ŋa mndəra sana mndu, yaha hahəŋ guli da hla kwagha mndəra sana mndu ŋa miʼa taŋ dər ŋa zwana taŋ.

Danyel 4:19

Mantsa nzakwa ni, tsa fu ya ná, kagha ya rvera ɗa. Glaf gla ka, ka nzatá ka nda mbra, ka zaghutá glakwa gha da ghuvaŋataluwa. Ka zaghutá mbrakwa ga mghama gha ta slrəŋa luwa guli.

Danyel 8:27

Ma tsa fitik ya, iʼi Danyel, rabadakw yu. Ka ksutá tsi ta iʼi ka ɗaŋwa kidaghi fitika ɗa. Manda vrakta mbrakwa ɗa, ka laghu yu maga slna ɗa ga mgham, ama ta nda kɓa yu da tsa skwi nghaŋ yu ya, kabga sna a yu ɗekɗek ta klatá ghəŋa ni wa.

La Levi 21:5

Ka ta ŋəzu gwal ta dra skwi ŋa Lazglafta, yaha həŋ da htsatá ghəŋ, htsata a həŋ ta slərpuha ghumayha taŋ wu, kwahaŋta a həŋ ta vgha taŋ wa.

Yəhusuwa 7:6

Ka kwahiŋtá i Yəhusuwa nda la galata mnduha la Israʼila ta lguta taŋ, ka buhwamtá rgitik ma ghəŋ, ka zlambata zluzlumbruh ta kəma akwata Yawe, ka nzatá həŋ mantsa ha ka lagha ta fitik hawu.