Izra 8:23 - Hdi

²³ Ka mag ŋni ta suma ka ɗawa tsa katu ya da Lazglafta, ka snaŋnatá tsi.

Izra 8:23 Mawu Ofanana

Zlrafta 25:21

Ndiʼa ndiʼa Izak ka maga duʼa da Yawe ta ghəŋa markwa taŋ, kabga tsutsa ka dzəghəŋ. Ka tsuʼaftá Yawe ta duʼa ni, ka zlghaftá Rebeka markwa taŋ ta huɗi.

2Mgh 13:4

Ama ka taw Yəhuʼahaz ta taw da Yawe. Ka zlghanaftá Yawe ta tawa ni, kabga nda ngha ká mghama la Aram ta rəha la Israʼila.

1Rus 5:20

Ka kataŋtá Lazglafta ta həŋ, ka zatá həŋ ta ghwa ta ghəŋa la Hagar, nda inda gwal mista taŋ, kabga ma tsa fitika vulu ya, ka tawata həŋ ta taw da Lazglafta, ka tsuʼanaftá tsi ta həŋ, kabga faf fa həŋ ta ghəŋ tida.

Izra 8:31

Ka sliʼaftá ŋni ta wa ghwa Ahava baɗ maghwaŋpəɗ his ma tila mataŋtaŋ, ŋa dzaʼa da Ursalima. Ma inda mbaɗa mbaɗ ŋni, faŋnagha fa Lazglafta ta dzva ni ka katá aŋni da ghumaha nda gəndaha má dzaʼa zluʼatá aŋni.

Nəhemiya 9:1

Baɗ hisambsak fwaɗ mida ma va tsa tila mandəfáŋ ya, ka tskavatá la Israʼila ŋa suma. Ka pghavatá həŋ ta buhu ta vgha, ka buhwamtá həŋ ta rgitik ma ghəŋ.

Asta 4:16

« La ka tskanata ka ta inda la Yahuda ma Susaŋ, ka maga kuni ta sumay ta ghəŋa iʼi. Yaha kuni da za skwi, dər sa skwi ma fitik hkən, nda fitik tani, nda rviɗik tani. Dzaʼa sumay iʼi guli manda va tsaya, nda kwalvaha ɗa tani. Tahula tsaya ŋa sliʼafta ɗa ka lam da mgham, dər má mna a zlahu. Ka ŋa mtakwa ɗa tsi, dzaʼa mtay yu, » kaʼa.

Danyel 9:3

Ka zlraftá yu ta suma, ka favatá buhu ka buhwavatá hutiɗif, ka mbəɗavatá yu təv Mgham Lazglafta ka maga duʼa da tsi nda taw nda taw.

Lukwa 2:37

ka nzaku tsi ka wadgu. Tghas mbsak fwaɗ mida ima ni. Ma həga Lazglafta ta nzakwa tsi ta ksanatá slna nda fitik tani nda rviɗik tani, nda ma maga duʼa nda suma.

Slna gwal ghunay 10:30

Ka Kwarney mantsa: Mafwaɗa fitik na, manda va na luwa, ta maga duʼa yu ma həga ɗa ta nzəmndi hkən, ka gi sagha sana mndu nda suɗatá lguta ŋusliŋ tilil ta vgha ni ta kəma ɗa.

Vrafta ta zlahu 4:29

Ama daga hada, dzaʼa psay kuni ta Yawe, Lazglafta ghuni, dzaʼa slaf sla kuni tida ka psaŋ psa kuni nda ma hya hya ŋuɗufa ghuni, nda ya nda inda nzakwa ghuni.