Izra 7:6 - Hdi

⁶ Tsa Izra ya ná, saf ma Babila. Mnda tagha zlahuha ta sutá zlaha Musa vla Yawe, Lazglafta Israʼila ya. Ta vlaŋ vla mgham ta inda skwi ɗawaŋ tsi, kabga ta hula ni Yawe, Lazglafta ni.

Izra 7:6 Mawu Ofanana

Zlrafta 32:28

« Wa hga gha na? » ka tsa mndu ya ɗawaŋta. « Yakubu, » kaʼa.

Izra 5:5

Ama nda fa ira Lazglafta ta la galata mndu mataba la Yahuda. Haɗ mndu ta pyaftá həŋ ka kɗaŋtá maga slna taŋ wa. Tsghagha tsgha lu ta tsa gwaɗa ya karaku da Daryaves, ta kəzlay kəzlay lu ta vranaktá wuna wa ni.

Izra 6:22

Ka skalu həŋ nda rfu ta skala buradi kul haɗ is mida. Ndəfáŋ fitika taŋ ta skalay. Ndəghanaf ndəgha Yawe ta ŋuɗufa taŋ nda rfu, kabga mbəɗanaf mbəɗa Yawe ta ŋuɗufa mghama Asur ŋa zɗanaŋtá huɗi ta həŋ. Tsaya ta ufanaftá vgha ta həŋ ŋa ba tsa həga Lazglafta, ta nzakway ka Lazglafta Israʼila ya.

Izra 7:21

Iʼi mgham Artahsasta, wya skwi ta mnata yu ŋa inda gwal ta ŋa tseda haɗik ta ɓla ghwa nda ta tva dɗakwa fitik ya: Ka nu skwi dzaʼa ɗawaŋta Izra mnda dra skwi ŋa Lazglafta, mnda tagha zlaha ta luwa ya, ka magata həŋ nda tva ni manda ya ta raku.

Izra 7:28

Mariɗiŋ mara Yawe, Lazglafta ɗa ta zɗakwa ni ta wa ira i mgham, nda gwal ta vlaŋtá hiɗaku, nda inda gwal dagala dagala ta wanafta mgham tani. Iʼi, nda ufatá vgha ya vliha Yawe, Lazglafta ɗa, ka pərɗaftá yu ta tskanatá maliha mataba la Israʼila ŋa sliʼi kawadaga nda iʼi, » kaʼa.

Izra 7:5

Buki zwaŋa Avisuwagh, Avisuwagh zwaŋa Pinhas, Pinhas zwaŋa Ilghazar, Ilghazar zwaŋa Haruna ta nzakway ka mali ta ghəŋa gwal ta dra skwi ŋa Lazglafta.

Izra 7:9

Mantsa tama, ka tsaftá tsi ta fitika sliʼafta tsi ma Babila baɗ taŋtaŋa fitik ma tila mataŋtaŋ. Ka ɓhadaghatá tsi da Ursalima baɗ taŋtaŋa fitik ma tila mahutaf, kabga ta hula ni Lazglafta kahwathwata.

Izra 8:1

Wya mbəɗatá hga zəʼala həga ma mndəra mndu ta sliʼafta kawadaga nda iʼi ma Babila, ma fitika nzakwa mgham Artahsasta.

Izra 8:18

Zɗaŋnaŋ zɗa Lazglafta ta huɗi, ka klaŋnaktá həŋ ta Sereviya mndu nda sna ta skwi mataba mndəra la Mahli zivira la Levi, zwaŋa Israʼila, nda zwana ni nda ya nda zwana ma ni kawadaga nda tsi. Ghwaŋpəɗ tghas gwagwata həŋ.

Izra 8:22

Má dzaʼa ksay hula ta iʼi da mgham, ka má ta ɗawaŋtá yu ta sludziha nda gwal ta plis ta plis, má ŋa katá amu da ghuma ma mbaɗa mu ta tvi. Tsaw wya ka mu mnanatá mgham: « Ta katay Lazglafta mu ta inda mndu ya ta zbaŋta, ama dagala gatá sida ni nda gwal ta kwalaghuta. »

Izra 8:31

Ka sliʼaftá ŋni ta wa ghwa Ahava baɗ maghwaŋpəɗ his ma tila mataŋtaŋ, ŋa dzaʼa da Ursalima. Ma inda mbaɗa mbaɗ ŋni, faŋnagha fa Lazglafta ta dzva ni ka katá aŋni da ghumaha nda gəndaha má dzaʼa zluʼatá aŋni.

Nəhemiya 12:26

Hahəŋ gwal si ta maga slna ta fitika Yuyakim zwaŋa Yəhusuwa, zwaŋa Yutsadak, nda ya ta fitika guvna Nəhemiya, nda Izra mnda dra skwi ŋa Lazglafta, ta tagha zlahu ya guli.

Nəhemiya 12:36

nda mnduha taŋ, i Səmaghya, nda Azarʼel, nda Milalay, nda Gilalay, nda Maʼay, nda Netaŋʼel, nda Yahuda, nda Hanani mista taŋ nda klatá huzla skala Dawuda mnda Lazglafta, Izra mnda tagha zlahu ta kəma.

Nəhemiya 2:12

Haɗ mndu kulunus yu ta skwi ya fiɗim Lazglafta ma ŋuɗufa ɗa ŋa maganatá Ursalima wa. Tahula tsa, ka sliʼafta yu kawadaga nda sanlaha ma mnduha hutsekw girviɗik ka mbaɗa, ta ghəŋa kəɗih ta kla iʼi yeya rini da iʼi.

Nəhemiya 2:18

Ka rusanaftá yu ta həŋ ka Lazglafta nzata ta hula ɗa, nda gwaɗaha ya maniha mgham. Ka həŋ tama mantsa: « Sliʼafmasliʼa, bamaba, » ka həŋ. Mantsa tama, ka hbə həŋ ta vgha hageuʼ ŋa maga tsa ŋərma slna ya.

Nəhemiya 2:8

Vindiɗif ka guli ta ya ŋa vlaŋtá Asaf, mndu ya ta ghəŋa fuha mgham, kada vlihata tsi ta hasuʼuha prək ka maga wa tgha həga huzlu, ndusa nda həga Lazglafta, nda ya ŋa maga matsaka luwa, nda ya ŋa maga həga ya dzaʼa lam yu dida, » kaʼa. Ka vivindiɗifta mgham, kabga ta hula ɗa Lazglafta.

Nəhemiya 4:15

Mantsa ya ta maga ŋni ta slna. Nzata nda ŋatá gupa ma dzvu ŋa rita mnduha mataba ŋni, na sabi wrək tghaha ka zlagapta tekwatsaha.

Nəhemiya 8:1

Ka tskavatá inda mnduha tuts ka skwa turtuk ta daɓi ta wa tgha Imi. Ka həŋ nda Izra mnda tagha zlahuha ya mantsa: « Klagap kla ta deftera zlaha Musa vlaŋ Yawe ta la Israʼila ya, » ka həŋ nda tsi.

Nəhemiya 8:13

Ga mahtsima ni, ka sliʼadaghatá zəʼala həgaha la Israʼila demdem, nda gwal ta dra skwi ŋa Lazglafta, nda la Levi da Izra mnda tagha zlahu ŋa sna tsislatá zlahu.

Nəhemiya 8:4

Ka sladagatá Izra mnda tagha zlahuha ta vli tskala magaf lu nda udzu paɗak ŋa tsa fitik ya. Ta vata ni, ka sladatá i Matitiya, nda Sem, nda Anaya, nda Uriya, nda Hilkiya nda Maʼaseya nda ga zeghwa ni. Nda ga zlaɓa ni guli ná, i Pədaya, nda Misaʼel, nda Malkiya, nda Hasum, nda Hasbaddana, nda Zakari, nda Məsulam.

Nəhemiya 8:9

Na snanata mnduha demdem ta tsa gwaɗaha ma zlahu ya, ka taw həŋ ta taw. Mantsa tama, ka mnə i guvna Nəhemiya, nda Izra mnda dra skwi ŋa Lazglafta, ta tagha zlahu, nda la Levi ta tsisla zlahu ya ŋa mnduha demdem, ka həŋ mantsa: « Nda fa na fitik gita u na ka ŋa Yawe, Lazglafta ghuni. Ma nza kuni zuzuʼuva, ma taw kuni ta taw, » ka həŋ.

Nəhemiya 9:13

Ka saha ka daga ta luwa ka gwaɗganatá ka ta həŋ ta ghwá Sinay. Ka mnanaftá ka ta həŋ ta guma tɗukwa, nda vərɗa tagha skwi, nda ŋərma zlahuha nda dvuha.

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 23:2

« Dzaŋanaghatá gwal tagha zlahu, nda la *Farisa na tsislanaptá zlaha Musa ta mnduha.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

1Kwa 1:20

Ka si mantsa ka Lazglafta mnata ya ní, ga gwaɗa ta ɗifila mnda səla tama? Ga gwaɗa ta gwal ta mnay kazlay: Nda sna aŋni ta zlahu kəʼa tama? Ga gwaɗa ta gwal ta zlərɗutawi ma na ghəŋa haɗik na guli? Haɗ gwaɗa ta həŋ ɗekɗek wa. Niŋ na Lazglafta ta ɗifila mnduha ma na ghəŋa haɗik ná, ka skwi ka bətbət.

1Kwa 15:1

Zwana ma ɗa, ka havaghunak hava yu ta tsa *Lfiɗa Gwaɗa mnaghuna yu, ka tsuʼaftá kuni, ka ŋavatá kuni mida ya.

Vrafta ta zlahu 28:1

« Ka snana sna kuni dardar ta gwaɗa Yawe, Lazglafta ghuni ka ŋanata nda ma maga slna nda inda tsa gwaɗaha mnaf tsi vlaghuna yu gita ya, dzaʼa kapaghunaf kapa Yawe, Lazglafta ghuni ka malaghuta inda sanlaha ma mndəra mnduha ta ghəŋa haɗik.

Vrafta ta zlahu 4:5

Nghawa, taghaghunaf tagha yu ta zlahuha, nda tva skwiha ŋa magay manda ya mnaɗif Yawe, Lazglafta ɗa. Lama ghuni da tsa haɗik ŋa ŋa ghuni ya, ka ŋanata kuni ta tsa zlahuha nda tva skwiha ŋa magay ya.