Izra 7:21 - Hdi

²¹ Iʼi mgham Artahsasta, wya skwi ta mnata yu ŋa inda gwal ta ŋa tseda haɗik ta ɓla ghwa nda ta tva dɗakwa fitik ya: Ka nu skwi dzaʼa ɗawaŋta Izra mnda dra skwi ŋa Lazglafta, mnda tagha zlaha ta luwa ya, ka magata həŋ nda tva ni manda ya ta raku.

Izra 7:21 Mawu Ofanana

Izra 4:16

Ta snagham sna ŋni mgham ɗa kazlay na, ka bəglaf ba lu ta tsa luwa ya, bəglafha lu ta muhula ni katsi ná, gəgəlta a kagha ta mgham ta na haɗik ta ɓla ghwa nda təv dɗakwa fitik na wu, » ka həŋ.

Izra 4:20

Ghalya ma Ursalima ná, si mamu mghamha nda mbra nda mbra ta ga mgham ta ghəŋa inda tsa haɗik ta ɓla ghwa, nda ta təv dɗakwa fitik ya. Si ta play lu ta dzumna, nda tiket, nda dzumna həga ŋa taŋ.

Izra 6:6

Ndana tama, kaghuni i Tatnay ŋumna haɗik nda ta ɓla ghwa nda ta təv dɗakwa fitik, nda ya ŋa Setarbuznay nda gwal ta ksa slna ŋumna kawadaga nda kaghuni ta tsa haɗik ya, ma valam kuni dida.

Izra 7:1

Tahula luta tsa skwiha ya, ta fitika nzakwa Artahsasta mghama Persiya ta pala, ka sliʼaftá sana mndu ta hgə lu ka Izra. Izra ná, zwaŋa Səraya, Səraya zwaŋa Ghazariya, Ghazariya zwaŋa Hilkiya,

Izra 7:22

Ka klafta həŋ ta tsediha ka labi ta kiluʼ dəmbuʼ hkən, nda alkama ha ka labi ta kiluʼ dəmbuʼ hkən mbsak, nda ima inabi ha ka labi ta lita dəmbuʼ fwaɗ, nda rɗi ha ka labi ta lita dəmbuʼ fwaɗ, nda slughul manda ya ɗvaŋ həŋ guli, ka vlaŋta həŋ.

Izra 7:6

Tsa Izra ya ná, saf ma Babila. Mnda tagha zlahuha ta sutá zlaha Musa vla Yawe, Lazglafta Israʼila ya. Ta vlaŋ vla mgham ta inda skwi ɗawaŋ tsi, kabga ta hula ni Yawe, Lazglafta ni.

Izra 8:36

Ka snanamtá həŋ guli ta zlahuha ya mna mgham ŋa i guvnaha nda sanlaha ma gwal dagala dagala ta tsa haɗik ta ɓla ghwa nda təv dɗakwa fitik ya. Ka hinistá tsaha ya guli ta dzvu ta la Israʼila, mataba skwi ya ta nghanatá həga Lazglafta.

Nəhemiya 2:7

Ka yu guli nda mgham mantsa: « Rvera ɗa, ta ndəɓa dzvu yu da kagha, ka vindiɗifta ka ta ɗelewerha ŋa valaŋtá guvnaha ta ɓla ghwa nda təv dɗakwa fitik, kada tsiɗiŋta həŋ ta tvi ŋa ɓhadaghata da Yahuda.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!