18 Pɗakwa tsa tsedi nda dasu ya, ka nu skwi ya ta raku manda ya dzaʼa zɗəganatá Lazglafta ghuni ŋa magata ya, laviŋ lava kagha nda gwal ta ksə kuni ta slna, ta magata.
Ɓhadaghata gha da hada ya, ŋa dzawata gha nda tva ni manda ya ta raku ta lghəŋha, nda maŋazakha, nda slaɓalakwa tuwakha, nda inda nimaya, nda inda ya ta slranata nda slra ta dzaʼa kawadaga nda həŋ. Ŋa vlata gha ta inda tsa skwiha ya ta gwira həga Lazglafta gha ma Ursalima.
Tsa gwal dzaʼa kwal kul snatá zlaha Lazglafta gha, nda zlaha mgham manda ya ta raku ya ná, dzaʼa tsanagha tsa lu ta guma: Dər ŋa dzata nda dza tsi, dər ŋa ghəzliŋta ma luwa a tsi, dər ŋa plata ni ta bika a tsi, dər ŋa dzaʼa ni da gamak a tsi, » kaʼa.